Thenkhat tan chuan "A atthlak zozai em mai a, chuti zat zat fa neih te chu, i chawm zo dawn em ni. Heti hrim hrim te chuan team khat daih law law nei mai ula," te pawh min ti ang a, thnkhat lahin "A chi chak thlak em mai," an ti ang a, thenkhat chuan "Fa neih tam hi a pawi reng reng lo, unau tam leh chhungkaw hung hian zah an kai awl bik a nia," an ti bawk ngei ang. Eng a pawh chu nise, Pathian malsawmna ropui tak ka dawng a, fapa 2 leh fanu pakhat ka neih tawh hnuah ka lawmna tifamkim turin Ni 7 February, 2012 khan fapa hmel thar duhawm tak mai kan nei leh ta. A puin a hming a phuahin, a sakhming atan Timothy Lalroluahpuia kan ti ta a.
A pa a chhun anih ngai chuan a hmel a tha ang a, a zei ang a, a luck em em ang a, thil thiam chi hrang hrang a ngah hle turah ka ngai....ehhhhh. Sawi belh tur vak awm hek lo le, nausen engmah la ti thei lo, a tih theih ve chhun lah hnute ngena tah te, vawn ngai miah lova mahni duh hun huna mut hmuna zun leh ek cheh hmiah hmiah chauh a la ni rih mai si. Hei vang hian a chanchin sawi belh tur a awm lem lo. Dam te'n lengin Chung Pathian venna zarah dam chho se, kei a pa leh a chunnu rilru tihlimtu a nih chhoh ngei ka beise. Kan tum anga kan awm chho anih chuan amah, Timothy-a hi chu, kan fatlum ber a ni dawn ta anih hi. Eng ang takin lo seilian ang maw.......
"Aw hraite aw ka hrai duhlai te,
Khuanu zarah dam te'n i lo piang a
Kan dawn lungruk lawmin a khat e."
"I fapa Timothy chu a pa chhun mawlh rawh se" tiin duhsakna ka hlan e.
ReplyDeleteKa lawm e, ka lawm takzet e.
DeleteE heu, ka hriat lohin in lo pai a, ka hriat lohin in lo hring a, ka thiam loh ni chiah lo mahse ka inthiam lo hle mai.
ReplyDeleteKa lawmpui lutuk ringawt che, Thianpa.
Fapa pathum i nei ta, i patling bik mang e, tha taka a lo piang chu ka lawmpui che u-nau an lo pian dawn hian nu leh pa chuan hmel lam hi kan lo thluk phak lo, fuke kimin lo piang se tih hi a ni mawlh mai, a lawmawm em em a ni.
Nausen nu pum a a awm lai (1-9month) zirna hi embryology an tiin ka hria a, Embyologist ho chuan "The most dangerous journey in the world" an ti an ti a, ka pawm khawp mai, development tlai palh a awm chuan a pawi dawn em mai. Ka sawi nawn e, ka lawmpui che u.
Min lawmpui avangin ka lawm e. Mihring, nunna nei ngei mai, a thlawna peka ka awm hi, ka vannei khawp mai.
DeleteI sawi hi a dik chiah. Naute, nu pumchhunga an awm chhung hi a rei si, eng ang chiahin nge an rawn pian chhuah dawn hriat a ni bawk si lo. Fuke kimin a rawn piang ang em? A nuin harsatna namenlo a tawk ang em?....hriat a ni bawk si lo. A phurawm rualin a huphurhawm ru duh hle.
Pathian zarah harsatna em em awm lovin a rawn piang chhuak a, kan lawm hle mai. Miin car thar nalh tak min pe sela, lawm avangin kan zuang tawr tawr ang; a thlawnin mahnia nunna nei, thlarau nei bawk, nasataka min tihlima min tilawmtu la ni thei mai tur, a thlawn ngatin Pathianin min pe a. Pathianin kan enkawl atan, tha taka ka enkawl chhoh atan ka kovah mawhphurhna a rawn nghat a, he ka mawhphurhna hi ka hlen zo lovang tih ka hlau hle mai.
i fanu ka sawi tel lo, pawi lutuk fanu mal, i duat dawn nen-a duhawm khawp ang chu.
ReplyDeleteKa fanu hi a khawngaihthlak ang reng, inchhungkhurah thian kawm tur reng reng a nei ve dawn si lova, khawhar takin a u te ho a zui hnek hnek reng mai.
DeleteKei chu fa hi 5 tal neih ka duh. Kan unau hi kan tlem lutuk a engemaw nikhua ah nawmlohna a awm tlat. Tin, chhung rual apiang hi an zahawm ni mai hian hriatna ka nei ve tlat.
ReplyDeleteFa neih tam hi, kan enkawl zo hram hram dawn a nih chuan, duhthusam a ni. Unau tam nge nge chu chhungkua a hung a, tanrual thiam chuan khawtlangah mi zah an kai bik a, politician ho tan hlei hlei an hlu a nia.
DeleteA duhawm hle mai. A pa a chhun dawn lo a nih khi, a duhawmin a hmeltha em mai. :) I fapa pic ka lo chang rei ta bawk a, ka chang chhuak ta hram a nih hi. A hming pawh hming nalh tak a ni. A nu leh pa leh unaute tihlimtu lo ni se, fatlum duatsual theih loh lo ni mawlh teh se. Theih se, Lunglei-a lo zina naute thar lawm ka chak kher mai!
ReplyDeleteKhai a.... khi min chhun alawm, a ngo vung khi. Fatlum duat sual tih mai mai chu, duatna tur rosum neih im em vang mai mai alawm. Keini ang tan han duat sual ve theih a ni lovang... Tak taka, fa neih tam hi a thata a hlut hle lai hain, tha taka ka enkawl zawh loh si chuan, fa sual ka nei teuh mai ang tih chu a hlauhawm ru ang reng. Tunlai khawvelah sualna leh thlemna a sang tawh ropui si.
DeleteLo zin tak tak teh. I lo thleng dawn nia. Riahna tur kan ngah a nia.
I fapa chu a duhawmin a hmeltha hle mai. A pa chhunin hmelṭha se, zei se, luck em em bawk se, thil thiam chi hrang hrang pawh ngah turin khuanun malsawm teh se.Kei pawh fa 4 ka nei.
ReplyDeleteTetea, i lo lenluh avangin ka lawm e. Fa 4 hi a lo tawk tiu teu khawp chuan ka hre ta.
DeleteI fapa chu Zei Book a mamawh dawn loh khi. :-)
ReplyDeleteFather_sphinx, i lo lenluh avangin ka lawm e. Zei rapthlak dan i ziak kha ka la chhiar tir ang a, a la zei dawn khawp mai. A dam hi han hauh phawt mai ila tiraw.....
DeleteA Pa a chhun hmel khawp mai, a hring zawh lamtluang hrui ang se, malsawmtu chuan malsawmna tam takin vur mawlh teh se.
ReplyDeleteKa lawm e, ka lawm takzet e. I malsawmna awka mawi leh hlu tak hi a takin a chungah thleng hram se tih hi ka duhthusam a ni.
DeleteThianpa tun lai chu blog lam ka thihsana, i fapa thar thlalak pawh hei ka hmu ve chiah a nih hi mawle, a ngo vang maia a hmel that dawn khi.
ReplyDeleteFa neih tam hi a thei tan chuan atha ka la ti fan mai. Enkawl zawh loh vanga thi ta an awm ka la hre ngai lo.Enkawl zawh lutuk vanga sual ta erawh an tam khawp mai.
Social Worker pakhat thu sawi ka la hriat reng chu, "Harsatna nei nula tlangval emaw, an nu leh pa te pawh han zir chian hian, enkawl zawh loh an hlauh vanga fa tlemte nei, an enkawl zawh lutuk avanga harsatna lo tawk ta an ni deuh zel" a ti.
Timothy Lalroluahpuia chu thangin lo seilian thuai thuai teh se.
-triplestar