GPRS ka hman tan tirhte a ta tawh, default browser reilote ka hmang ve zawk tih mai loh chu, tun thlenga ka browser hman char char tak Opera Mini hi, mahni tawkah ka khal nel ve tawh khawp chuan ka inhria. Opera mini hi a simple a, back leh forward move a chak tha a, back changin a refresh ve mup mup lova, hei vang hian a chet ran phah hle. Hei tak hi hman nuam ka tihna lai tak pawh a ni nghe nghe. Opera Mini ka duh em emna pakhat chu Opera sport soccer hi a ni. Heta tang hian awlsam takin football update, a bikin results leh fixtures te ka en zung zung thei thin.
Opera mini shortcut key ka hman lar thenkhat te:
Shortcut key ka sawi tur hi numerical keypad hamng thin phone tan deuh bik a nia, touchscreen leh QWERTY keypad hmang tan chuan a hman tlak loh maithei. Mobile phone a a D-pad leh a hmahna lian dang hi duh aia hman rim a awl hle a, chuvang chuan GPRS ka hman reng rengin a tam thei ang ber keypad hman ka tum thin. Hei hian D-pad te, Joy-stick te awlsam taka a chhe mai tur lak atangin kan veng thei. Opera mini ah hian shorcut key thenkhat a awm a, heng shortcut key te hi vawn peih chuan an tangkai asin aw....
#0: He key hi page refresh nan a tha. Misual.com velah te luh changin, comment thar a awm leh awm loh hriat nan a chang changa han refresh keuh keuh nan a tha.
##: Hei hi forward key a ni a. Kan luh tawhna hnua kan han back zauh chang pawh hian, ## han hmet zeuh ila, rang takin a a ngaiah a let zung zung (forward) mai thin.
#4: Khawi site ah pawh lut ila, #4 kan hmeh keuh chuan start page ah a lut leh nghal mai thin.
#5: Kan khawih duhlai kan khawih zova, rang taka history kan remove duh anih chuan #5 hmet keuh ila history a rawn lang tuarh a, chung chu remove nghla mai tur a ni.
#7: Bookmark duh ka neih chuan he key hi ka hmet a, bookmark turin a kan site hawn lai mek chu a rawn lang nghal a, save nghal mai tur a ni.
#2: Khawih laklawh laiin kan bookmark sa ah ka lut duh anih chuan he key hi ka hmet keuhva, a hmaa ka lo bookmark tawhsa kha a rawn lang nghal tuarh mai thin.
#9: Khawih laklawh lai takin google hmangin thil search duh thut ta ila, #9 ka hmet mai a, google search theihna tur page a rawn lang a, a zia ve riau.
Key dang thenkhat
Keypad 8: Page hnuailama chhuk nan,
Keypad 2: Page chunglama chhoh nan,
Keypad 4: Veilama tawlh nan
Keypad 6: Ding lama tawlh nan
Keypad 5: Page zoom nan
Keypad 1: hmeh ringawt hian mobile view ah a leh theih bawk
** (* vawi hnih hmeh): Fullscreen. Hmet nawn leh ila, a fullscreen lo lehnghal mai.
Key dang thenkhat
Keypad 8: Page hnuailama chhuk nan,
Keypad 2: Page chunglama chhoh nan,
Keypad 4: Veilama tawlh nan
Keypad 6: Ding lama tawlh nan
Keypad 5: Page zoom nan
Keypad 1: hmeh ringawt hian mobile view ah a leh theih bawk
** (* vawi hnih hmeh): Fullscreen. Hmet nawn leh ila, a fullscreen lo lehnghal mai.
Speed dial shortcut key
Opera mini ka load reng rengin Speed dial hi ka ngai pawimawh hmasa ber thin a. Englai pawha ka luh duhna thin tur site thenkhat speed dial ah ka dah mai thin.
A hmasa berin speed diala ka dah duhte hi a ka set hmasa lawk vek thin a. Bookmark>Speed dial atang khan a set theih. A awmsa tlem a awm ang a, khang ho kha paih phawt tur; manage hmet la, clear hmasa la, chumi hnuah manage>edit> kan duh site kha manual hmangin kan dah lut ang a, tichuan kan save nghal hmak ang. No 1, 2, 3, 4 tiin a intlar ang a, kan zawh hnuah opening page ah khan a indawtina lo intlar thap tawh ang.
Opera opening page i hawn chiah khan awlsam takin i speed dial ah khan i lut thei a. tichuan site danga i luh laklawh laiin speed dial ami site dangah i lut duh anih chuan heti hian ti ang che. Speed dial ah 1. misual.com, 2. Lawrkhawm, 3. Buannel, etc ni ta se. Internet khawihin eng website ah pawh lo lut laklawh mah la, *1 i hmeh keuh chuan misual.com ah a lut nghal ang a, *2 i hmeh chuan lawrkhawm.com ah, chutiang zelin *3 i hmeh chuan buannel.com ah. Hetiang hian awlsam takin i duhna website ah khan i lut zung zung reng thei mai dawn anih chu.
Opera mini hmang thin te tan chuan a short cut key zawng zawng te hi * leh # key ah te hian an awm vek tih tih hriat reng tur a ni.
Opera mini hi a version dang te pawh ka install ve zeuh zeuh thin na a, keia tan chuan version 4.2 hi hman a nuam ka tiin ka phone nen a inmil ta ber a nih hi. Hman deuh lawk khan UC Browser ka install a, thenkhat chuan "Opera Mini aiin a tha zawk daih alawm," te pawh an ti na a, hman pawh a nawm ve viau tho laiin, reilo teah Opera Mini lamah ka let leh nghal. Mahni hman than tawh leh lo hman bel tawh nge nge hi chu hman a lo nuam zawk a ni'ang e.
UC Browser leh Opera Mini ka hmang uar khawp mai. A dang ka hmang meuh lo, a hman pawh a nuam ka ti.
ReplyDeleteHman an nuam riau asin. Kan thianpa pakhat chuan Opera mini a hmang peih tawh lova, UC Browser hlir a hman tawh thin thu min hrilh. Keia tan chuan Opera nge nge hi hman a lo nuam.
DeleteA tha hle mai, a bengvarthlak lutuk. Kei pawh browser eng emaw zat ka kawl nain opera mini hi ka hmang rim ber a, version hrang hrang 5 vel chu ka nei. A short cut hi a inang vekin ka hria, eng version-ah pawh. Short cut hi a lo tangkai khawp, back to top tih vel pawh. Ka'n belh lawks. A chung bera chhoh thutna hi #3 a ni a, a hnuaia let leh dawn chuan #3 hmeh leh mai tur a ni.
ReplyDeleteUC Browser hi ka hmang tangkai ve tho mai. misual.com vel hi Opera mini atanga ka comment theih loh hian UC atangin ka lut a, ka comment mai thin. Text/link copy paste vel a theih a, link pawh thiante phone no.-ah a thawn theih a, tab hran hranah a luh kual theih bawk a, a awlsam phian. Mahse, misual.com ang page lian deuh chu page khatah a leng vek thin lo va, page 2/3 te a ni thin a, hei hi a buaithlak ve khawp mai. UC-ah pawh short cut a tangkai hle.
I zarah top leh bottom-a luh awlsam dan ka hriat phah a. Ka lawm e. UC Browser hi a theme a mawi a, mit pawh a hahdam, mahse kei ve hi zawng, thil thar han zir belh mai ai chuan, ka thiamsa leh ka hman than hman mai nuam ti chi ka nia. Chuvang chu a ni mahna, Opera mini ah hian ka bur ta ngar ngar anih hi.
DeleteSmart phone kala nei ngailoh bakah, tum hnih khat emaw bak a khawih pawh kala khawih chhin loh vangin ka bangbo viau ang tih ka inhria. I ziak kan chhiar a, mitthla-in tih dan tur ka mitthla ve niap nuap mai hahahaha.
ReplyDeleteSmartphone kher a ngai emaw ni le aw... ti ila, khalama in mobile phone an classify dan ka hrethiam ve chiah lo deuh va. Phone man tlawm te teah pawh hian Opera mini te chu a hman theih deuh vek alawm, helamah chuan. A hminga GPRS connect thei tawh phawt chuan an hmang ve mai zel.
DeleteKa phone-te chu Verizon company a kum 2 contract kan siagn vanga 'free phone' alawm hahaha. Inbiak nan tawp kan hmang a ni ber. :)
Deletehttp://i39.tinypic.com/ilbpjq.jpg
I phone ah khian QWERTY keyboard a awm thlap si a, internet i connect theih ka va ring deuh e aw.... Helamah chuan QWERTY keypad nei phone reng reng chu internet connect theihna vek an nia sin.
DeleteConnect thei e,mahse a screen a te lutuk a bakah, ka tan a tangkailo em alawm. In lamah computer screen lian pangai a awm thova. Hnalam atan hnaah computer dang a awm leh thova. Internet pawh tel khan pawisa ka seng thlawn mai mai alawm :)
DeleteCompany te deuh deuh ho hi chuan thlakhatah $51 emawni pekin India rama phone connection ang hian khawiram pawh kohnan te, internet etc a awm thin. Signal a chhiat hlawm bakah family plan an nei lova, kan hmang duhlo a ni.
Ka sawifiah thiam mailo heti chuan :D
Ka hrethiam ta e. Helamah hi chuan internet connect man hi a to uchuak thei lutuk a. A mi nazawng tana han pawh ve ngawt chi pawh a ni lo. Mahse, hei, tunhnaiah a connect man te a lo tlawm chho ta a, internet speed te pawhin hma a lo sawn chho bawk nen, in lamah kan connect ve ta ruih ruih mai. Chuti chung chuan, mi tam zawk tan chuan phone atanga internet connect hi a la awlsam zawk bakah pawisa a save em em bawk nen, phone atanga khawih hi kan tam zawk ka ring. A screen a te deuh na a, a browse chhung a rei lo va, tin, kalna apiangah a lo hman theih vei bawk nen. Kei pawh hian ka leklam khawp mai.
DeleteHelamah chuan a into hleih asin. Phone atangin Rs 49 hmangin thla khat chhung duh duh website kan browse theih laiin, broadband internet ah chuan thla khat chhungin Rs 700 te 8oo te a ni daih.
Ka bi fai vekin ka hria, hotupa. Opera Mini i sawi hian theatre lam min hrutpui dawn emaw ka ti hman a sin. Engtia tih tur nge, ka Smart phoneah hian a awm ve em?
ReplyDeleteGoogle ah khan "Opera mini for..." tiin i phone model kha type la, han search teh. A hmu vat ang a, i download dawn nia. A nih loh vek pawhin, i mobile kha Nokia a nih chuan Nokia Store or Nokia OVI Store atangin awlsam takin i download thei bawk ang. Mobile thenkhatah chuan Opera Mini hi a in install saa an dah te pawh ka hmu fo mai.
DeleteDownload la, hmang ve chhin teh. Hman a nuam vei reuh riau asin.
ka bo
ReplyDeleteI ho em mai, han bo vak tur a awm loh hi. Download la, han install ve pawp mai teh. Zawi muangin i hmang thiam chho mai ang.
DeleteHetiang lam pang hi kan hre lo mai mai khawp a, ka chhiar chhuak hram a ni, min lo hrethiam teh :) Hmana ka mobile a Opera awm kha ka opera hriat ve chu a ni mai, khatiang kha i sawi ang hi a ni em ang chu...
ReplyDeleteI mobile ah khan install ve teh. Hman a nuam a nia. Phone changkang tak, Android OS hmang chi ngat i hmang anih chuan Opera mini aia tha a ken tel nghal ka ring a; chutiang anih lem loh chuan download la, hmang ve chhin rawh. Internet browse nan a tha reuh a nia aw.
DeleteMobile atanga internet browse hian Computer atanga browse chu a tluk lo vei vei viau na a, kalna apianga hman theihna tak hi mobile internet a hlut ve na a nia.
Thianpa ka mobile hi maw.. Torch light support chi ngat a ni ka la hman ni. :) hihihi.. tlo teh mai a nia.. mi biak leh msg thawn bak a theih loh..
ReplyDeleteMobile phone te chu mi biak nan leh message thawn nan alawm. I mamawh ah chiah chiah i hmang anih chu. Chutiang phone chu a bo mawh bik, tin hmeh reng a tawk lem lo bawk a, a tlo duh bik hle bawk. Mobile phone a torchlight awm hi chu zanah a tangkai asin aw......
Deletelawmthu sawi turin ka lo lut leh. Ngah nge hman hmanah i post loh tunah chuan ka bo ta lo, a lo va nuam emmmm!! a hma kha chuan te reuhte hian a lo lang a, ka'n zoom a, a lian hle a, chhiar tur chuan a phek tih kual chiam a ngai a, a leng si lo. tunah chuan a hmai tiatin a lo lang a, ka van lawm ve aw.
ReplyDeleteA dang pawh tha deuh han post leh teh, ho intih kha a ho lo kan tan hian.
Opera mini hi hman a nuam reuh riau asin. A phek hawn pawh hi a screen mil tawk lek zelin a compressed a, a tha reuh riau asin. Hmang ka hriat tam tak hi an zeihawi vak lova, a key hrang hrang te hi hmang bel ve se chuan an awlsam phah khawp ang. I hmang rei ang a, hman nuam i ti chho ve tulh tulh mai ang.
DeleteTaka, tunlai hian misual.com leh blogger ho hi mobile version hian a lut nghal mai thin a, web version pangaia i thlir duh chuan a phek hnuai lamah khan "View Web Version" tih a lo awm ang a, kha kha i click dawn nia.
Tin, website tam zawkah web version in a lut thin a, hawl kual hawl kual i peih loh chuan keypad 1 kha hmet keuh la, mobile view a transform na tur a rawn lang mai ang. I dahlet leh duh hunah pawh a ngai tein keypad 1 kha hmet leh keuh la, a rawn lang leh mai ang.
Opera hi phone ah chuan ka hmang nasa ber. UC pawh hi ka hmang zeuh zeuh. Fb nan uc hi chu ka hmang tlangpui.
ReplyDeleteOpera mini atanga gprs hman hi inchhir an vang khawp a nia. Kei pawh hian ka zawngchhang laklawh tawh anih hi. FB nan UC browser i hmang thin anih chuan, FB nan hian UC browser a tha zawk tihna em ni?
DeleteSangpuii pa, i ziak zawk awm tak thil a ni na a, ka lo ziak khalh vel che anih hi. Ehhhhh... nang aiin ka phawi rang zawk. Cowboy hunlai chu ni se, Sudden-a tur chiah chiah maw le....
Hei i ziak a, a chiang thawkhat viau alawm le. UC hmanga FB hian thlalak en hi a nuam bik a, tin, Opera aiin a lang lian zawk bawk a. Chuan thih download duh neih hian UC hi a tha zawk bawk a. Computer ang deuh hian download laklawh lai pawh duh huna pause a duh huna resume leh mai theih ani vei roh a. A bak ah hi chuan opera ka hmang char char thin. FB nan pawh hian Opera ka hmang nasa zawk tho.
DeleteI sawi hi a dik ka ring khawp mai. File save vel pawh hi Opera ah chuan a buaithlak chang a awm thin. Tin, i sawi ang hian FB ah, picture a lang te thei khawp mai. Heng te avang hian Opera mini bakah a chang changa hman atan UC hi ka install tel ve reng thin. 'Download laklawh laia paused leh resume theih' tih lai tak hi a pawimawh hle mai.
DeleteKei chu UC Fans!! Opera hi ka phone Nokia 5233 ah hian hman a nuam der lo
ReplyDeleteUC fans chu i ni hrim hrim. UC Browser chungchang hi FB lamah i post zing tawh riau vin ka hre tlat.
DeleteLal Sisen, blog khawvel ah hian i va han reh thei tlawk tlawk ve le. Tan han la deuh teh. I chhunga awm chu i ta vek, nangma pual liau liau anih kha aw......
Ka hriat ngailoh tam tak ka hriat phah a, a tih chi hle mai, lo apply ve char char nghal ang aw i zarah
ReplyDeleteMuana, ka blog ah i rawn lenluh avangin ka lawm e. Keia blog neih ve hi a holam lutuk a, thu tha chhiar tur pawh a awm ve kher lovang. Romantic deuh leh thu lunglenthlak lampang lah ziak tur ka hre ve der si lo. Hman chang changin tihian thu nepnawi mai mai hmangin ka blog ka tinung ve hram hram anih hi. I hman chang chuan i lo lenglut ve fo thin dawn nia.
DeleteOpera zindabad. . !
ReplyDeletePepe, i va fel ve, min rawn tlawh tehmial a. Ka lawm e.
DeleteSawi ve tur ka va hre lo e!! ka cell phone ah hian internet, video etc etc, thil chu a tam ve mai!. Ka hmang tangkai lo khawp mai.. Computer Screen lian hman theih laia screen te en hi ka peih ngang lo a ni e. A tul fe ah erawh chuan ka hmang ve zeuh zeuh..
ReplyDeleteMahse a hmang tangkai peih tan chuan thil tangkai tak i rawn ziak a, a lawmawm hle mai.
Min rawn tlawh thin a, ka va lawm thin tak em.
DeleteComputer scren hlai nena khaikhin chuan phone atanga internet hman chu a nuam lo khawp mai. Chhun lama computer or laptop thutchilh thei tan chuan mobile internet erawh a tangkai hauh lovang a, chutiang ni ve lem lo tan erawh a hman man a tlawm bikna leh a mobility hi a hlu ania aw....
E khai ka va bo ve aw!
ReplyDeleteMahse nakinah ka tan a la tangkai thei a ni. Mi tamtak tana post tha tak a nih dawn hi a.
Good Post!
Kris, i dam thin maw? I hman changin i rawn lut thin a, a lawmawm thin hle mai. Opera mini hlir hi phone atanga internet browse nan ka hmang thin a, ka hmang rei ve thawkhat tawh bawk alawm tiin ka rawn ziak ve ngawt anih hi. Thenkhat tan chuan a ho ngawtin ka ring.
DeleteOpera hi ni e hman a nuam. Dolphin kha ka hmang zuai a, Opera ah bawk ka let leh. Shortcut keys erawh ka hmang lemlo.
ReplyDeleteShortcut key hi mobile phone, numerical keypad hmang thin bik tan deuh a nia. Touchscreen leh QWERTY keypad nei phone tan chuan a buaithlak deuh maithei. Lo hmang ve chhin teh, hman a nuam riau asin.
DeleteTichuan, i lo lenluh ve duh avangin ka lawm khawp mai.
Kei chu OM ka hmang hmasa a, hman pawh nuam ka ti viau. Kei, thil thar lawm tih takah, OM 4.2 ai chuan v6.5 hi hman a nuam ka ti zawk, tabbed browsing a theih a, a chak a, page a compress tha a, onscreen qwerty keyboard a nei bawk.
ReplyDeleteMahse UC-ah ka pém daih! Thil a download chak zawk a, OM-a speed dial ang thovin quick link a dah theih bawk. Zanah night mode-a dahin a èng pup a tihreh theih bawk, etc. Etc. Ka duhzawk ta riau. Ka hawilêt tawh miah lo; mahse mahni nuam tih zawng te te hi a awm ve a.
I comment hlu tak hi Spam lamah a lo lut daih a, ka lo hmu lawk lo alawm le. I comment pawh ka chhang thei lawk lo che a, a zia lo hle mai.
DeleteI sawi hi a dik ang, Opera Mini hi download dawn hian a buaithlak deuh hlekin ka hria. Download hrim hrim nan chuan OM ai chuan UC Browser chu a tihchi zawk daih alawm.
Opera mini.v4.4.39016.net chak dan min lo hrilh te u.
ReplyDelete