Infiamna lam ti ngai lo ber hian infiamna lam ka'n ziak ve ang e. Taksa hi khawl ropui tak mai a ni a, eng lai pawha hna thawk reng mai, amah leh amah uluk taka inenkawl thei a ni. Kan taksa hi chevela hna thawk bawrh bawrh thei tura duan anih ang chiah hian thlan tla zawih zawiha hnathawh hi kan taksa hian a ngeih hle a. Tunlaiah mi kan awmawl tawh a, hnahram thawh ai chuan hahdam zawka hnathawh a hlawk zawkin a nuam zawk bawk a, kan hahdam mah mah hle a. Hei hian a hrinchhuah chu thau, dulkiar, thisen sang leh zunthlum te hi a ni. Tin, kan tihrawlte hi kan sawizawi reng loh chuan a lo nem a, a lang nalh thei lova, kan taksa pawhin resistance a neih chak loh phah hial thei thin. Kuthnathawh lam kan tlansan laklawh tawh si a, chuvangin thlan tla zaih zaih khawpa infiam hi kan taksa hian a mamawh hle a ni.
Pa han nih hnu hi chuan hun a tight a, hunawl neih ang angah nupui-fanaute kilkawi ve an ngai a, infiamna hun takngial pawh a uiawm tham ta hle mai. Patlinga pumpa tlai huntha zawng zawng infiam nana khawhral fo mai chu, chhungte lakah a inthlahrunawm tlat thin. Mahse taksa hriselna aia hlu engmah a awm lo a ni tih hriat chian chuan he hun hi a uiawm loh hle thung si.
Eng infiamna pawh hi ti ve dawn ila a hmanrua a ngai a, a hmanrua atan pawisa tamtak sen a tul thin. Mi thenkhat chuan zingah tlan ila, pawisa senral a ngai lova a tha ber an ti fo thin. Mahse zing tlan hi phur lai chauhva tih a awl fu a ni. Thil awm miah lo uma patlinga pumpa tlan vuk vuk reng peih chu mitlemte chauh an ni awm e. Infiamna erawh opponent te nena infiam paha intihhlimna a ni a, hma takah thawh kher a ngai lova, mahni hunawl neih huna va infiama va insawizawi ve mai theih a ni a, a thain a remchang hle. Peihawm loh tak leh enjoyment awm miah lova zinglam hma taka thawha tlan vuk vuk ai chuan taksa sawizawi paha enjoyment kan lo neih ve hi a hlu ka ti tlat. Tin, opponent awm miah lo infiamna hi chu a nuam lo hrim hrim bawk.
Mahni kum mila infiamna
Mahni kum mila infiamna thlan thiam erawh a pawimawh khawpin ka hria. Tlema kum la naupan deuh lai chuan infiamna chi hrang hrang hmangin infiam thin ila. Naupan lai chuan mizo naupang infiamna pangai hi a nuamin a tha hle a; tin heng football leh hockey te pawh hi tha tak a ni. La naupan viau laia volleyball leh basketball khelh tum tlat te, upat viau tawh hnua football leh hockey khelh tum tlat te pawh hi a fuh miah lo. Kan upat chhoh zel mila inkhelhna/infiamna thlan thiam hi a tul fu. Keini ang rual tan chuan badminton leh Table tennis hi khelh atan a tha tawk tawh fu ang a, nakinah phei chuan Table Tennis bak hi chu khel chi ka ni lo thuai ang.
Mahni zirlai mila infiamna
Zirlai nih laia kan tihtur chu lehkha zir anih rualin taksa hriselna tawk leka infiam hi a ni bawk. Lehkha zirlai tibuai lo tawka infiamna hun siam thiam a tul hle a, zirlai nih vanga infimna hun nei miah lo tura inngaih ngawt hi a fuh miah lo a ni. Zingkar lehkha zir, chhuna class kal, zana lehkha zir, henmi kar lakah hian infiamna hun tlem hnawh len tum tur a ni. Game rei tak tak khelh ngai chi emaw, inhliam palh hlauhawm ang chi emaw infiamna ang chi hi chu ti nasa vak lo thei se a tha hle. Naupangte hi anmahni chauh chuan infiam nuam an ti lova, pa te'na kan enpui theih hi nuam an ti hle niin mi thenkhat chuan an sawi fo thin. Zirlai naupang chuan a tlai ban veleh homework ti se, a zawh veleh infiam nghal mai tur a ni. Mahse hei pawh hi a chang chuan harsa tak a ni.
Infiamna hi nun tihlimawmtu pakhat ani a, inkhelh leh infiam hrim hrim hi a nuam a, nun a tizangkhai a, hawiher a tizang a, thian leh hmelhriat tam tak min siamsaktu a ni fo thin bawk. Ziak tur a tam, mahse ziak tur ka hre tawh lo. Infiamna hi hriselna atan a tha hle, mahse hmelthatna te, luck-na te erawh a ni chuang hauh lo. Tin, damreina pawh hi a ni chuang lovin ka hria.
A tawp ber atan chuan.... eng infiamna mah hi thiam tak tak ka nei lo, taksa intihnat lampang tih loh chu tumah cho loh tak tak pawh ka nei chuang lo, infiamna phena intihhlimna hi ka duh ber a ni miau si a........
A tawp ber atan chuan.... eng infiamna mah hi thiam tak tak ka nei lo, taksa intihnat lampang tih loh chu tumah cho loh tak tak pawh ka nei chuang lo, infiamna phena intihhlimna hi ka duh ber a ni miau si a........
Infiamna hi chi hrang hrang ka ti kual ve nual thin a, thiam tak ka ni lemlo nain nuam ka ti ve a. Taksa hriselna atan a tha bawk nen, post tha khawp mai.
ReplyDeleteInfiamna chi hrang hrang i ti thin anih chuan infiammi diktak i nih chu. Eizawn nana hman kan tum anih lem loh chuan chuti em ema thiam filawr nih a ngai lem lo, a nawmna hrim hrim leh a ken tel, fitness, hi a pawimawh ber alawm, tiraw.
DeleteFitness bakah hriselna a ni tel zel hi a thatna ania.
DeleteA dik khawp mai. Fitness leh hriselna mai piah lamah, kan infiamna te hi kan nuam tih zawng anih chuan a hlu bik riau bawk.
DeleteHehe.. A tha khawp mai. Mahse, tun hnaia kan infiamna uar ang chi hi a hautak tak riau mai a, kan ram chhulchhuak ni lo infiamna hi chu mi rethei tan a harsa khawp mai. A hmanrua leh thawmhnaw neuh neuh a lo ngai ve zel bawk nen. Chumi ai chuan, kan pi leh pute atanga kan lo uar tawh thin infiamna hi uar ila, sum leh pai sen ngai miah lo an ni hlawm tho si a, taksa a sawizawi tha em em bawk si. A nei fate erawhin infiamna changkang chu bei ta tho se.. Sikul intihsiakna angah hi chuan Mizo infiamna hi uar thar leh ila ka ti ngawt mai. Man a nei lo va, a hlawk em em si.
ReplyDeleteEnglekhawle.. Post tha tak a ni. Eng infiamna pawh ni se, thlan tla zawih zawiha infiam chu taksa tan a tha dawn a ni tih chu a lang reng mai.
I ngaihdan hi ka tawm khawp mai. Kan pi leh pute hunlai ata tawh, infiamna tha tak tak kan nei ve thin a, heng kan infiamna neih ve te hi chawisan leh tihlar a tha khawp mai. Competition te pawh hi a hranpa ngatin huaihawt thin ni thei se a duhawm hle.
DeleteThil pakhat ka'n zep tel ve lawk ang e. Naupang pawnto hla pawh kha uar thar leh a tha ka ti. Zan lamah nilovin, tlai lamah uar thar leh theih nise, naupang tetakte te tan a nuam khawpin ka ring thin.
A chhiar a va hahdam thin em. "k'u nge nge.
ReplyDeleteDolerich, i han reh tawh vek vek hi chuan i reh veng veng thin mang e aw.... i rawn let leh hram a, ka lawm kher mai.
DeleteSir, Post tangkai leh hlu tak a ni e.
ReplyDeleteMahse, kei zawng infiamna a ka tih theih ve tawk chu; lo thlir hi a ni tawp. Football te hi ka tui em em a, ka en peih hle bawk. Ka khel thiam chuang lem hlei lova.
I ti duh e.... kei pawh, tunah chuan inkhelhna atana pheikhawk nalh tak te hi, inkhel en nan mai mai alawm ka lei tawh. Inkhelh hi chu a nuam, mahse hun hi neih a har ta ngei mai. Football khel en hi chu ka hrat ve hraih hraih thin khawp mai. Infiam/inkhel thin mite aiin inkhel ngai miah lo te hi an hmel a tha zawk..... ehhhh
DeleteI ziak hi han chhiar ila a zo thuai zel a, han scroll kir ila alo tawi zek zawk bik ngai der silo. I ziak thiam anih dawn hi, ka ti ta ber e.
ReplyDeleteInfiam lamah chuan thalkah leh intihsek i thiam thawkhatin ka ring.
HV, i tilawmawmin i tizahthlak em mai. Keia thuziak ve hi chhiar tlak pawh a awm lo thin, chuti chung pawha min rawn tlawh hram hram thina comment te min hnutchhiah sak hram hram thintu te hi in va hlu thin tak em.
DeleteChhangchhepa han nih meuh chuan infiam leh insawizawi lam pawh rilruah a lang thei ta lo. Thuthmunah chum biang biang ila anih tawh mai hi maw....
Va tha mai mai... hotupa chu i sek reuh phian dawn nih hi. Keipawh heng i sawi te hi atakin ka nunpui ve hram hram thin. Office kal velnaah pawh a theih chin chin chu ke in ka kal hram hram zel thin. Taksa hmangaih hi a ngai, kan tan vek a ni.
ReplyDeleteSek lo ve, sek lul lo mai, chuti ngawtin a sek theih hleihnem. Sek tur chuan mi tih peih loh tiha, mi rit chawi peih loh chawi turh turh a ngai. Chutiang chu ka peihna hian a tlin ve hlawl lo.
DeleteI sawi dik chiah, taksa hi khawl ropui tak, mahni leh mahni inenkawl thei a ni a, khawl pawh a duat leh tuaihnum peih apiangin an nei tlo mai ang hian kan taksa hi kan hmangaih a kan duat a, kan tuaihnum peih a ngai. Taksa insawizawi mai bakah ei leh in lam pawh hi a pawimawh khawp. Hei erawh ka harsat fu mai; thil tangkai miah lo, taksa tana tha miah lo eia in hi a nuam ve tlat si....
Motor che lova ding reng a chhe hma em em thin ang hian, kan taksa pawh engmah ti ngai miah lova a awm mai mai chuan a chhe hma hle turah ka ngai.
ka chhiar chhuak vek. chhiar a man hla khawp mai.
ReplyDeleteI tilawmawm lutuk e. Kei, sport lama engmah lo leh thiam nei reng reng lo, a kheltu nih aia a thlirtu nih thlang zel zawktu hian, taksa tana infiamna thatzia ka rawn ziak ve ngawt a nih hi....
DeleteZiak ngaihnawm ve aw!
ReplyDeleteZirlai mila infiam hi i ngaipawimawh a tha khawp mai. Kei ngei pawh hian ka lo tisual lek lek tawh a. Pawl X ka zir khan Chess ka thiam tan a. Ka tui hle a, mahse ka inhmu chhuak a. College ka kal chuan ka khel duh tawh lo. Collegeahte khan inkhelhna tha tak a awm a mahse zirlai ka nih bakah inhlawhfa ka nih bawk avangin ka hel hram hram thin. A nuam ka tia mahse ka hun ka ui tlat a ni.
Cricket pawh hian duh aiin ka hun ala hnem mah mahin ka hria a mahse ka in adjust nasa hle.
Tha khawp mai. Mi tamtakin chhiar ila a tha. Mahni hnathawh phu lo deuha infiamna ngaihnat pawh hi thil awm thei a nia. Entirnan: First Class Officer anga Badminton lawm ve ang ngawtte hi..he he. Ka ziak leh ta teuh mai!
I comment chhiar a nuam kher mai. I hun chep tak karah min rawn tlawh hram hram thin a, ka lawm e.
DeleteInfiam/inkhelh hi a nuam a, mahse zirlai nih chhung cuan insum thiam a tul khawp mai. Zirlai tan kher lo pawh, patlinga pumpa chhungkua kalsana inkhelh tuk tuk reng tum pawh hi tha lo tak a ni.
Nang zawng, hun hlutzia i hrechiang a, i hun hlu tak kha thil dang tih nan i hmang khawtlai ngam lova, mahni leh mahni i in control thei a, i fakawm khawp mai.
Badminton i han sawi takah chuan, ka khel chak thin asin aw.....mahse ka income hian a cho phak ve mawlh si lo.
I va ziak tha reuh ve aw...ngaihnawm a lawm..
ReplyDeleteLast para ah khian eng infiamna ah pawh tumah cho loh ka neih loh thu ka rawn ziak khi......Tichuan, eng infiamna/inkhelhna ah nge min cho le??? Invawr, inkaibah leh nawhalh pen thlengin ka thiam ania aw....
DeleteI sawi dik khawp mai.
ReplyDeleteNupui fanau neih tawh hnuah chuan hun pek chu a har duh ang reng khawp mai.
I rawn lenluh aangin ka lawm e. Tihian inthlahrung ru tak chungin tlai lam hun chu ka inpe lui hram hram fo thin, regular erawh a rem chuang lo na'ng a.
Delete