Ka camera neih ve chhun ka phone camera hmanga ka lak thlalak thenkhat ka'n vawm khawm ve mai mai teh ang.
Thal:
He thal hi Manipur atanga ka chah a nia, naupang tan chuan a la rih deuh mah mah vangin a phelh theih theih ka phelh darh a, a aiah hmawlh suih ka vuah sak a, kah nuam an ti hle. Thal hmawr zum khi ka phawi daih bawk.
Tangkawng:
Kan ram chhunga hnam tenau zawkte hian tangkawngsa hi an duh hle a, a tui viau anih ka ring, an ngam huai thei em mai.
Phur takin an puah a, an sat sawk sawk mai.
Hetiang tuibur hi Chakma unaute hian an uar hle a. Zuk zawngin a ri barh narh thin. Keini chuan kan tuibur leh kan vaibel zuk thinte kan hlamchhiah zo tawh a, chutihlaiin an ni chuan an hnam meizuk dan hi an la chawinung chho zel thung.
Thlam leh a vel cheimawitu atan chuan hetiang par hi a lo mawi ber mai. A par a mawi mai bakah a chuai har em em bawk. Ka tan chuan anthurium par aiin a mawi zawk a, a hlu zawk bawk.
Thal:
He thal hi Manipur atanga ka chah a nia, naupang tan chuan a la rih deuh mah mah vangin a phelh theih theih ka phelh darh a, a aiah hmawlh suih ka vuah sak a, kah nuam an ti hle. Thal hmawr zum khi ka phawi daih bawk.
Tangkawng:
Kan ram chhunga hnam tenau zawkte hian tangkawngsa hi an duh hle a, a tui viau anih ka ring, an ngam huai thei em mai.
Phur takin an puah a, an sat sawk sawk mai.
Hetiang tuibur hi Chakma unaute hian an uar hle a. Zuk zawngin a ri barh narh thin. Keini chuan kan tuibur leh kan vaibel zuk thinte kan hlamchhiah zo tawh a, chutihlaiin an ni chuan an hnam meizuk dan hi an la chawinung chho zel thung.
Thlam leh a vel cheimawitu atan chuan hetiang par hi a lo mawi ber mai. A par a mawi mai bakah a chuai har em em bawk. Ka tan chuan anthurium par aiin a mawi zawk a, a hlu zawk bawk.
Mawi hlawm hle mai. Ram kal naah thal khi ken ka chak khawp mai.
ReplyDeleteI taima bawk aniang, thlalak hi peih a ngai teh asin an ti.
...khrum
E heu, thlalak lam kan va uar ve. Khi thal khi a va tha ve, a to viau lo maw. Tangkawng chu le(h), a tui an ti viau chu ni ang maw?
ReplyDeleteTuibur khi ka zu ve chak chhin. Thlam bula zamzo lo par chuk tluka ka lunglentu hi a tam tawh lo teh a nia aw.
A hmuhnawm hlawm e. Khi khi i fapa em ni?
Nia, ka fapa, ka thalbe chhuak a nih ve reuh khi. Thal kah hi nuam a ti thin hle a, mahse a hlauhawm vangin ka phalsaklo deuh thin. A man chu a to lem lo, thing atanga siam a ni bawk a.
DeleteKhitiang tuibur khi zuk thiam a har reuh asin, rinloh taka a tui lem khawlh a awl reuh lutuk....
A hmuhnawm e. Thal khi a lian tha bawk a, a rih hmêl lèng làwng khawp mai. Tangkawng khi ka râp! A lem en ringawt paw'n engtin emaw ka awmin ka hria! Tuibur pawh khi a dangdai hle mai. Khitiang khi ka vawi khat hmuhna. Pangpar khian lung a tileng. Lo-a feh a châkawm hle mai. Mitthla-ah eng eng emaw a lang uar uar mai. A dang pawh rawn post zel rawh.
ReplyDeleteThal khi Junior Category hman tur bika siam a nia, mahse 'long bow' lampang deuh anih vang leh competition type anih vangin duh aiin a lianin a rit mah mah.
DeleteTangkawng sa hi ka la ei lo na a, a tui bawk a niang, an puah lai ka hmu ta fo mai.
Khitiang tuibur khi zu ve chhin teh, a tui haka khuh kharh kharh a awl reuh a nia....
Tangkawng chu ka khawngaih reuh mange a.
ReplyDeleteChakma tuibur, "Daba" hi zuk nuam ka ti thei khawp mai. Chakma nula han rim ila min rawn chhawp ngei mai a hehehe, an duhsak an pe hmasa ber thin. ;)
Chakma nula i rim chuan an tuibur khi an pe hmasa ber thin ang che maw...... Keini chu kan changkanna hian kan culture-a kan tuibur zuk thin dan min kalsan tir a, anni chuan an la humhalh tha kher mai. Tuna a zu mektu pawh khi nula a nia. Cigarrete chu a tui zawk ngei ang, mahse an hnam tihdan khi a rukin an uar tlat tho nia.
DeleteBâwn-i, "indi aide" kan ti mai dawn em ni ;)
DeleteHe he.... kei ai chuan i la thiam hmel fe mai ka ti.
DeleteSir, tangkawng sa khi ka ei chak tawp. Tui hmel khawp mai. Biologician nge nge, tangkawng min hlui a; chil i ti put mai dawn e. :D
ReplyDeleteKa blog ah i rawn lenglut ve duh a, ka lawm kher mai. Keini kum lama chawhnu ruih tawh hi chu mi han tihhlim leh tihphur dan te, welcome words nalh tak tak nena lo dawnsawn che ang te pawh ka thiam lo.
DeleteTangkawng sa hi vawikhat na reng reng chu la tem ve chhin tur a ni. A tui viau anih ka ring tlat.
E khai, i fate hi a takin ka hmu chak tawlh tawlh mai. Tun tum ka lo haw khan ka rilruah in awm renga mahse ka lo kal hman ta lo a ni.
ReplyDeleteTangkawng sa hi ka ei tawh a. Tui ka ti lutuk!
Daba erawh ka la zu lo. Vawk ke khi han chu kha a chakawm khawp mai.
Min rawn tlawh ka ring rilru deuh va, mahse i hun a lo tight em anih tak kha, ka hrethiam e.
DeleteKa fate hi mite lakah chuan engmah ni lo mahse, kei, an pa ber mitah chuan an aia mawi, nalh leh duhawm dang reng reng an awm lo. Fate hi, nu leh pate tana an hlut hleuh hleuh hle laiin, ka fate ka enkawl thiam lo vang a, an naupan laia ka hlimpui em em te hi, an puitlin hnuah min tilungngaitu, ka mittui tila tamtu mai mai an ni ang tih erawh ka hlau fo thin.
"Vawk ke" i tih khi, tangkawng pahnih an talh a, an rawh a, an puahlai thlalak anih khi. A puahtu pawh a phur surh surh khawp mai.
I hun chep tak karah pawh ka blog i rawn tlawh hram hram thin a, ka lawm e.
Khita khi kan chhang thuak tawh na chein, Muantea thal tur ka zawng a, pakhatmah lei tur zuk awm lova mawle. Hunting season intan leh hun, June thla bawr velah a tam leh em em dawn reng mai si a. :(
ReplyDeleteMuantea hi eng eng emaw hi a lawm ve reuh va, thal kah leh shoting pawh hi a "theory" chuan a thiam asin aw..... Tak taka, khalam archery set chu a tha hlawm khawp ang chu. Kei chuan crossbow, lens awm thlap hi ka awt asin aw. Helamah chuan lei tur a van hmel khawp mai.
DeleteHunting i han sawi takah chuan, kan ramah hian silaia kah tur pawh ramsa an vang tawh fu a ni. A awmchhun pawh an ti lutuk, thal nen phei chuan veh an har khawp ang. Kan ramah hian eng ramsa mah hi ralmuang taka tla an awm ta meuh lo aniang e....
Crossbow chu a nalh hlawm khawp mai. Muantea chuan theory tal a a thiam chuan a that chu hehehe.
DeleteHelam hunting season an siamna chhan ber chu an population control nan a tih a ni ber. Savawm khaw chhunga lo lut mi eitur rawn ti darh tih ang chi te, motorin sakhia a sut hian motor a chhiat nasat bakah thihna thleng a thlen theih vangin kah phal chin an nei thin. Tunah chuan birth control zawnga control tumna pawh a awmin ka hria, ka chhiar tlat.
Muantea chuan a hum dan, a tin dan, a ken dan, tih ang reng vel hi a tuipui thin khawp mai......ha ha ha..... Crossbow chu neih ve hrim hrim atan a itawm khawp mai. India ram chhungah pawh hian chah theihna hmun chu a awm ve a ni awm e, mahse a to tiar tiar khawp ang.
DeleteNangni awmna lamah chuan ramsa in humhalh tha a, duhtawka kah tur pawh a awm anih chu. Keini lamah chuan a chithlahtu tur pawh kan zuah lova, a pui, no hruai lai pawh kan that hmiah hmiah zel maw le. Savabu lak ching pawh an la tam khawp mai. Kah tuma kan veh kan veh ve ngai loh rulngan erawh zawi zawiin a pung chho dawn a ang khawp mai thung.
In pafain thal kah ka la zirtir ang che u:)
ReplyDeletePafa tih hian caribou hi ka hrechhuak thin. Fate ngaihsak berte zing a mi a ni ngei ang. Ka entawn ru thin.
Tangkawng puahtu hi nangmah i ni tih i inpuang nghal mai lova :D
Competition type ni lem lo thal kah chu ka thiam lutuk. A siam pawh ka awlsam rapthlak.
DeleteMuantea thin hi a, i tizahthlak zawk e mai. Fa enkawl chungchangah chuan nang tluka entawntlak i awm chuang hleinem. Fate nge nge hi chu an hluin an kianga awm a lo nuam anih hi tiraw. Hlimtaka an inchhaih a an zuang a an tlankual velte tluka hmuh nuam hi a lo awm reng reng hleinem le. Mahse hmabak a ko mang e. Ka enkawl atana Pathianin ka kuta a dah leh min pek an ni a, enkawl thiam lovin min tilungngaitu mai mai an la ni ang tih erawh ka hlau fo thin.
Khaih khaih khaih...... tangkawng khi ka lainat mah naka laiin aw...
Kan naupan lai khan thal siam kan uar thei khawp mai. Thal kah pawh kha kan thiam viau thin. A lo nuam ve thei mange. Kan naupan lai tho in Tangkawng sa ei kan tum a. Rulhut a lo pai nasa lutuk a kan paih vek. A aiah kan thiante zu pawl sa kan ei zo vek.
ReplyDeleteSangpuii pa, naupan lai kha chuan rilrua Robin Hood leh Sherwood Forest te, Red Indian hnam hrang hrangte ralbei tura thal leh fei nena an inthuam tup mai mitthla ran chungin thal kan siam a, a bawmah thalfang kan han pai bawk a, a nuam ve thin asin aw tiraw. I sawi ang hian, a hunlai kha chuan thalkah te kha kan thiam ve thin khawp tak asin. Local Archery Competition te kha awm thin se chuan kan invawrh sang thei thin khawpin ka ring, tun hnua ka ngaihtuah let leh hian.
Deletetuibur zukna tih vel kha chu tha deuha museum a khunga, kawng danga chawinun loh a pawi lo zawk lo maw?
ReplyDeleteA ni ngawt mai, i sawi hi a dik chiah; thahnemngaih luatah duhthu ka'n sam chiam alawm le. Meizuk hrim hrim hi hriselna atan a tha lova, promote chi miah loh.
DeleteE khai a, a nalh piah lamah nunhlui lam ngaih a ti na tlat mai. Tangkawng leh Thal mawlh khi..!!!
ReplyDeleteNaupan laia thal siam siam uar hunlai kha a ngaihawm ve riau asin. A hmawrah rifle mu kah ruah tawhna hi kan vuah a, ka siamsa kha rapchungah ka dahtha teuh thin.
DeleteKa pi tuibur zuk thin kan la kawl tha reng. Tapchhakah meilum kan ai a, ka pi malchung ka bawh a, tuibur hi a zu ri berh berh zel.
ReplyDeletepic. nena tih lan a, insawi fiah thin hi a chiangin a manhla thin mang e.
tren tren.
I han sawi chhuah takah chuan ka'n chhunzawm ve lawk ang e.....Ka naupan lai chuan ka pi hi khawi ila kalna apiangah ka zui deuh chawt thin a, a tuibur kha a zu ri berh berh thin. A tuibur zu lai kha ka mitthlaah a cham reng thin a, a zu ri pawh ka bengah a cham reng thin. Ka pi khan ka lung a va tileng thin tak em.
DeleteThlalak pawh i lo thiam viau hi! Thal kah hi ka la ti ngai lo na a, Muantea chu ka cho ve tlat! Tangkawng khian ka lung a tileng teh tlat bawk! :)
ReplyDeletePu Din, i hun chep tak karah min rawn tlawh thin a, ka lawm e. Ka sawi tawh khi, Muantea chuan a theory chiah a thiam. A vawn dan tur diktak te hi a hria a nia aw...... Tu te emaw tan chuan tangkawng sa hi chu hlu vet vet tak mai a nia.
DeleteHotupa, hmanniah mobile atang ka rawn comment tawh emaw ka tia, ka comment kha a lo lut lo tawp anih khi.
ReplyDeleteKhitiang thal khi ka kap chhin chak khawp mai.
Tangkawng sa khi ka ei chak tlat bawk.
Hnam thenkhat chuan khitiang 'raw vaibel' khi DUMBUR an ti. Kan zu ri kurh kurh thin, naupan lai chuan.
Thlir a nuam e.
...khrum
Hmanni lawk pawh khan khitiang tuibur khi, pitar pakhat zuklai CRP pakhatin a zuk sak chhin ve ngawt mai a, a tui a hip ni ngei tur ani, a ner nasa kher mai. A sim ve chiang khawpin ka ring.
DeleteTi daih ila, i hman remchan hunah TT khel turin ka la rawn cho dawn che nia.
Thlalak an fuh hlawm. Naupang thal kap khi a puitlin meuh chuan a zei viau ta ve ang. Tangkawng puah khi chu ei a chakawm vak loh. Pangpar khitiang khi ka hmuh pawh ka la hre lo.
ReplyDeleteMesjay, i tilawmawm e. Keia fapa ve tehlul, puitling chho ve pawh nise, eng thil ah mah a zei ve hlei lo ang e.... Mahse, mahni fa te na na na hi chu, an thil tih apiang hian min tihlimin min tilawm thung si anih hi. Thal kah hi a ngen fo mai a, hmun a duh zau ve deuh thin si, a buaithlak khawp mai. Mi rawn tlawh thin a, ka lawm e.
DeleteZamzo par picture chu a va nalh ve. Keipawh anthurium tih vel ai chuan mawi ka ti feee zawk. Mizo pangpar ho hi a lo nalh ber mai, lung pawh a len. Anthurium hi chu plastic a ang si ka ngaina lo bawn. Tangkawng khi an tawn khawm dan khi hreawm hmel ltk a khawngaih lamah a kal
ReplyDeletePi Jerusha, tunlai chu i reh vawng vawng hle mai. I hna lamah i buai hle anih ka ring. Zamzopar hi a mawi riau asin, a par pawh hi a chuai har khawp mai. Sap hovina an chin uar em em chu nise, emaw foreign atanga lakluh emaw chu ni ta se, kan intihhmuh nasa leh khawpin ka ring. Engemawti taka kan chawi lar thiam chuan a la tangkai viau theiin ka ring tlat.
DeleteTangkawng an phuar hlawm dan, a kut leh ke an hnungkhirh dan khi chu ni e, a hrehawm hmel khawp mai.
Mit a titlai ngei mai..
ReplyDeleteBawiha, ka lawm e. Min rawn tlawh vang hrim hrim pawhin ka lawm e.
Delete