Ka nau zin haw in tuikep a lo lei haw teuh mai a. Blog update nan a thlalak ka'n dah chhuak ve hrim hrim ang e.
Ka nauvin a siam a, tuiso ah thlakin a tihlum phawt a, chumi hnuah keu phelin a chhunga a sa a la chhuak.. A kawr hi chu a sak a, chhum hmin ngawt chi a ni lo a ni awm e.
Tuikep hi
Tuikep hi, a Hebrai tawng te, a Greek tawng tein hre ve kilh kelh lo mah ila, sap ho chuan freshwater mussel an ti a; freshwater mussels rau rau ah kan rama tuikep bik ho hi painter's mussel an ti a. A scientific name chu Unio pictorum a ni bawk. Keini'n "tuikep" kan tih laiin Chakma ho chuan "Shilawn" an ti ve thung.
Tuikep hi lui chhuat lei leh chirh ah te an cheng a, tin lung kehkak karah te pawh an cheng thin bawk. Tui tithianghlimtu tangkai tak an ni. Tuia bawlhhlawh te hi an lo ei ve thin a, hei vang hi a ni mahna, a sa hi a ngap deuh lek lek thin. Tui tithianghlimtu tangkai tak an ni a, bawlhhlawh leh water pollutants tam tak an ei a, chungte chu an taksa ah an dahtha fo thin niin mithiamte chuan an sawi. A hel (hmin lo) phei chuan ei miah loh a tha. Kan ram lui tui thianghlim taka awm te hi chu a sa pawh a thianghlim turah ka ngai a, tui bawlhhlawh leh tenawma cheng an nih chuan ei loh mai a that ka ring.
Kan naupan lai chuan, luia kan chen apiangin tuikep man tumin kan liluh vang vang thin. Kan tuikep mansa te hi kan hawn ngai lem lova, hmeichhiain an duh anih chuan kan pe a, an duh lem loh chuan tuiah kan vawm lut leh mai thin. Lung kehkak kar leh lung kaw zimtea cheng thin thin tuikep te hi, an tet lai chuan lak an awl a, an thanlen hnu hi chuan lak chhuah an harsa thei ania aw.
Tuikep sa ah hian taksa siamtu ber protein a tam hle a. A sa hi a rim a tui ru riau va, hmui taka kan phei chuan ei a chakawm thei hle. A sa hi a khal telh a, mi'n tui an tih viau laiin kei chuan tui ka ti ve lem lo. Tuikep sa ah hian cancer cell tihlum thei a awm niin mithiam te'n an sawi a. Tak tak ni maw.......
Keichu tui ka lo ti viau asin. Mahse tamtak a han awm rui hi chuan ka ei hreh deuh tlat zel...
ReplyDeleteNang nge nge, scientific tak hian i sawi thei tlat zel mai a, i thuziah hi keini ang duang tan chuan ngaihtuah zui fe tham a tling zel mai
@Cyber:
ReplyDeleteMin rawn tlawh a, ka lawm e. Tunlai thiante ho in rehin in blog in update tha duh mang si lova, ka rawn ziak teh hluai anih hi. Tuikep kher kher hi chu a scientific hleithei lo anih hi.
Hmana tuikep leh chengkawl kan dissect (zai) thin laia kan chin darh viau lai te kha mitthlaah a lang fo va, hei vang hian ka ei chak lo thin alawm le. Lui sa tui tak tur chu a ni e.
Min comment sak vangin ka lawm e.
Tuikep chu ei a châkawm kher mai. Lui lam sa-ah chuan man a awlsam a, a siam pawh a harsa lo va. Lui sa-ah chuan ka duh ber pawl a ni.
ReplyDeleteA bengvarthlak hle mai, i rawn sawizauna khi. A sa hi a ngam ka ti deuh reng a! Mahse, uluk taka sil chuan a pangngai ve tho mai.
Blogger lam that loh vang a niang chu ka ti mai, blogger blog reng reng ka comment thei lo va, blog update phei chu a theih loh. Tunah chuan a tha tawh a nih àwm hi maw..
TS-a:
ReplyDeleteTuikep sa hi hnam hrang hrang pawh hian an lo ei deuh vek niin ka hria. Kan ngaihsan ngawih ngawih, han hmuh chang pawha mit tla dawn dawna kan thlir thin, Sap ho ngei pawh hian an lo ei ve tho mai.
Blog hi hmanni lawk khan a chiangkuang lo deuh nge, kei pawh ka lut thei lawk lova, hei, tunah chuan a tha pur pur e, i blog update chhiar thuai ka lo inbeisei dawn a nia.
Tuikep sa hi tui ka ti, a khal deuh telh hi han seh deuh telh telh ila.
ReplyDeleteTuikep kawrchhung lama bawlhhlawh hi a lo reiah chuan a lo lian ve telh telh a, rawng mawi tak taka lo awmin 'Tuikeplung' kan tihah hian a lo chang ta thin a ni. Japanese pa pakhat pawhin tuikep a khawi a, a kep karah bawlhlawh te reuhte thunin a than lentir a, tuikeplung farm a siam.
Triplestar, tuikep sa hi midang chuan tui an ti thin maw le, mahse han seha khal telh hi alawm ka tih hleih theih loh chu. Japanese pa tuikep khawi, farm siam dan khi, idea a neih that khi. Kan en liam leh thlir liam mai mai thil atang te hian, thil chikmi te leh chhui chiang peih te chuan finna an chhar chhuak mai thin a lo ni.
ReplyDelete