Khawnge kumthar lawm nan krismas urlawk zan ah te, krismas boruakin min chiah lai te leh kumhlui thlah zan tea nasa taka kan in thin, zu chungchang ka han sawi daih teh ang.
Zu zet hi chuan khel nasat a tawk ta malh malh khawp mai. Hmanlai atangin zu in thin hnam kan ni a, thil puitham deuh leh kut niah te zu hian hmun pawimawh tak a luah fo thin. Pi leh pu te kha an lo in control thei a, an chungah thuneihna pumhlum neitu Lal an awm miau avangin discipline pawh a tha em em thin. Zu in avanga buaina siam an tlem a, an rui chhe lutuk dawn anih chuan an inthiarfihlim mai thin. Tunlai zu in thin tam tak hian, "Hmanlai atangin zu in thin hnam kan ni a, pi leh pu te paw'n an in nasa a, buaina an siam ngai chuang lo," tiin tanfung atan an hmang fo thin.Tunlai ah chuan mimal tin hi zalen kan ni ta a, zu in avangin miin buaina pawh siam ta se, hmanlai anga a chunga thuneihna pumhlum neitu an awm tawh si lo. Hei vang hian khawtlangah buaina a thleng fova, chhungkua ah harsatna a thlen phah ta fo thin anih hi. Mifing, mi hawizau, pa rawntlak kai pha chin tan chuan zu lo in ve zeuh zeuh hian pawina em em a nei lo pawh ani thei. mahse chutiang mi chu mizo zawng zawng te hi kan ni vek si lo. Zu khap sawisel thintu mifel tak tak, khawtlang leh kohhrana mi inhmang thenkhat te hi chu, a ruka zu in ve mai thei thin te an ni duh khawp mai a; thenkhat phei chuan a rukin an in nasa thei ve khawp mai. Zu hian tangkaina tehchiam a nei emaw ni le, heti tak maia kan han duh huam huam mai hi le aw.
Zu zet hi chuan khel nasat a tawk ta malh malh khawp mai. Hmanlai atangin zu in thin hnam kan ni a, thil puitham deuh leh kut niah te zu hian hmun pawimawh tak a luah fo thin. Pi leh pu te kha an lo in control thei a, an chungah thuneihna pumhlum neitu Lal an awm miau avangin discipline pawh a tha em em thin. Zu in avanga buaina siam an tlem a, an rui chhe lutuk dawn anih chuan an inthiarfihlim mai thin. Tunlai zu in thin tam tak hian, "Hmanlai atangin zu in thin hnam kan ni a, pi leh pu te paw'n an in nasa a, buaina an siam ngai chuang lo," tiin tanfung atan an hmang fo thin.Tunlai ah chuan mimal tin hi zalen kan ni ta a, zu in avangin miin buaina pawh siam ta se, hmanlai anga a chunga thuneihna pumhlum neitu an awm tawh si lo. Hei vang hian khawtlangah buaina a thleng fova, chhungkua ah harsatna a thlen phah ta fo thin anih hi. Mifing, mi hawizau, pa rawntlak kai pha chin tan chuan zu lo in ve zeuh zeuh hian pawina em em a nei lo pawh ani thei. mahse chutiang mi chu mizo zawng zawng te hi kan ni vek si lo. Zu khap sawisel thintu mifel tak tak, khawtlang leh kohhrana mi inhmang thenkhat te hi chu, a ruka zu in ve mai thei thin te an ni duh khawp mai a; thenkhat phei chuan a rukin an in nasa thei ve khawp mai. Zu hian tangkaina tehchiam a nei emaw ni le, heti tak maia kan han duh huam huam mai hi le aw.
Zu kan in loh laia thil zahthlaka kan ngaih, kan tih duh reng reng loh, mahse zu kan han in ta a, a hmaa kan tih duh miah loh kha hreh miah lova kan han ti hmiah hmiah mai hi thin hi chu, a tha lo lam a ni duh tlangpui bawk a, a pawi thin khawp mai. Zu hian tum loh takin zahna ruamah min hnuk lut fo thin. Zu a hnuleha kan inchhir ngawih ngawihna tur thil min thlen fo thin a, chutiang bawkin kan in control theih lohna avangin thian te'n kan chunga rinna an nghah thin pawh a derthawn phah fo thin.
Zu khap burna dan a that loh zia huai taka sawi pung pung ho mifel tak tak te hi, a ruka zu duh ve em em thin an ni duh khawpin ka hria. Kohhranah an inhmang a, khawtlangah mi challang tak an ni. A rukin zu an in thin a, an inthup thiam em em bawk. Khap tu an nei ve lova, inthlahrun a ngai hek lo. Chutiang chuan zalen takin duhtawk tawkin an in tawh mai thin. A tawpah erawh inthup hleih theih loh hun te a rawn inher chhuak thin a.
"Zu te chu, in thiam chuan taksa tan a tha alawm" tia iak iak ho hi, normal life ah chuan zu an in thiam khawp ang. Mahse, lungngaihni te, thinrim ni ah te erawh duh aia tam an in mai thin ka ring tlat. Regular taka nitin tlemte tea zu in thin hi a tha pawh a ni maithei. Chu ai chuan tlemte tein nitin regular takin bawnghnute in ta se, a taksa tan a that ka ring zawk. Regular taka niin in thin hian a ken tel chu zawi zawia addicted a ni mai. An in regular tulh tulh a, an hrisel tulh tulh a, an biang te pawh a sen tha tulh tulh a, an hnar a sen bawk a, an thau va, an dul a lo kiar a, an chak phah em em chuang si lo. A tawpah chuan zu ngawlvei an lo ni mai thin. Mithiam, mifing, zu in thiam tak tak, mahni in control thei tlat mitlemte te avanga "zu inthiam" fak mawi ngawt hi ka society hian a zo lo.
Zawlaidi hi sorkarin khap bur lo mahse, zu a ni tho tho. Dangpuithu hi lehkha mawi takin fun mahse, a chhung ami chu dangpuithu tho a ni a, a uih ngai rengin a uih tho. Thlan pawh hi mawi tak takin chei thin mah ila, zan lamah chuan a nelawm loh dan pangai thovin a nelawm loh thin. Grape atang zu siam te pawh hi hming mawi tak tak pawh vuah ila, zu a ni tho tho. Amah tizu tu ber alcohol kha a tam thova, zu anihna hi kan thup mawi mai mai a, thup mawi eng ang mah ila, zu tho a ni.
Zu sak nan hian buhfai a ngai a. Zu factory ah nitin buhfai tam tak hman ral a ni thin. Zu sakna atana buhfai an hman thin hi a tam zawk chu supply buhfai anih ka ring tlat. Special a dilin kudam atangin tlawm tetea a lei theih ka ring a, tin, buhfai phurtu driver te kut atangin an lei thin ka ring bawk. Hetia zawlaidi an thlah zalen takah chuan kan buhfai hmanral tam tak hi a save dawn tlata hriatna ka nei. Kan population phu lova buhfai kan heh te, kaan hriat miah lohva buhfai lo there thin te pawh hi a ziaawm sawt tur ah ka ngai. Zawlaidi erawh ka fak chuang lo, sawi mawi eng ang mahse ZU tho a ni. A siamna hmanrua raw material a dang deuh hlek chauh a ni.
Zu laka fihlim thin tan chuan zu hi sual laka lut tura min thlemtu a tling lo. Chuvangin zu laka kan fihlim anih chuan a lawmawm ah ngai phawt ang. Zu kan in avangin kan sual tihna ani kher lova, zu kan in loh avangin mifel kan ni kher chuang hek lo. Zu in thin mifel tak tak an tam khawp mai. Zu in thin, mahse khawtlang tana mi tangkai, tlawmngai, chhiatni that nia fel tak tak an tam. Zu in thin te hi an fel in kawm an nuam duh hle a, midangte hriatthiamna pawh an ngah duh zawk mahin ka hre thin. Zan lama YMA duty zingah pawh hian zu in ngai lo vuak hi a na bik a, zu in ve thin vuak erawh a na lo deuh thin an ti. Chuvangin, zu an in avanga tawngtaw en hran ngawt erawh a fuh ber awm lo ve.Mahse, i han ti leh hram teh ang, zu an in loh laia kawm nuam tak leh kan infiampui bawrh bawrh thin te pawh hi, zu an han in meuh chuan kawm an nuam lo sawt thin a, ngaih-huat an neih hma tawh thin avangin tawngkam hman pawh fimkhur a ngai tawh hle thin.
Zu hian thatna lai riau a nei ve a. 70% alcohol hian bacteria a tihlum thei. Hemi avang ngawt hian zu in hi a that phah chuang lo. Bacterial cell tihlum thei khawpa zu concentration sang chuan kan taksa cell te a tihlum ve thei tho turah ngaih tur. Bacteria that thei khawp 70% alcohol khi i in anih chuan nang pawh i R.I.P. ve nghal a ni mai. Zu hi min tithathotu a ni a, taksa tiphur a, min ti sa pup pup theitu a ni. Khaw vawt ah a tangkai phian (a tawk tea in chuan). Zu hian kan chhia leh tha hriatna a ti bo thei a, harhfima kan awm laia kan tih ngam loh te kan tih ngam phah thei. Insum theihna a ti bo va, hei vang hian hmeichhia leh mipa in zu an in chua, a tawpna chu Sex a ni tlangpui. Hmeichhia hian zu an in hian sex lamah an inphalrai awlsam a, tlemin an inthlahdah deuh hlek thin an ti. Khawvela chak ber emaw huaisen ber emaw min tihtir theitu chu zu bawk hi a ni. Mihring nihna diktak leh kan rilru te hi, kan chhia leh tha hriatna hian a thup mawi hram hram a, chu chhia leh tha hriatna chu zu hian a tikiang thei si a, chuvangin miin zu a in chuan, a lo inthup mawi ve hram hram thinna te kha hlih kianin a lo awm ta a, a mizia dik tak pholanin a awm ta thin a ni. A lungawilohna te, a thinurna te a lo puak chhuak ta thin a, thenkhat lahin an lo hur tuk phah thin bawk.
Zu hi chuan mihring nun ava lo tibuai tak em. Ka pa hi zu in mi anih miau avangin ka naupan laia kan chhungkaw tibuaitu ber chu ZU hi a ni. Ka pa hi zu a in loh lai chuan pa zaidam, pa tawng tam lo, chhungkua hmangaih thiam tak, hnathawh hreh nei lo a ni a. Chhungkaw tana thahnemngai, tui tin hnih a kawt chung pawh a, bucket la khai hram thin a ni a, thing leh mau kan put chang pawha mi tam tak ina an put zawh ve loh tur khawpa tam pu thin a ni. MNF ah pawha lo tang tawh thin tih takah buhthlei thlengin a thiam. Mahse zu a in erawh chuan a rui chhe thei khawp mai. Mak deuh mai chu, ka pa hian thingpui a in te, bawnghnute a in te hian a rui ngai lova, mahse zu a in tawh chuan chhungkua kan buai laih zel. Zu avangin kan tap a, kan lungngai a, chhungkua kan darh a, hlimna ni kan hmu tlem thin. Ka pa in zu a han nghei chiah chu, khang kan lungngaihna chhum zing zawng zawng kha a kiang zo ta a, chhungkaw hlim tak kan ni ta a. A zu in thin laia kan thil neih phak loh tha tha kan lo nei ve thei ta. Zu that loh zia leh chhungkua a lo tih buai theih thin zia te a tak ngeia hrechianga tawng tawhtu ka nih avangin keia tan zawng zu hi han fak mawi ve thei tur chi ziazang ka lo ni lo ve.
Zu avanga hlimna chuan rei a daih tak tak lovang. Tuna zu fak mawi thin te, zawlaidi fak mawia theihpatawpa tan khawh thintu te kha, in duh em em zu kha in chhungkua in lo in thin ula, tun atanga kum 5 vel a ral huna ah a that zia min hrilh ve dawn u nia. Chumi hnuah a lo tha takzet anih a, chhungkaw hlimna thlentu a lo nih theih a, min tihrisel sawt thei te a nih a, sum leh pai lamah hmasawnna tha tak min pek theih dawn a, tun aia Pathian min hnaih tir sawt tu anih theih takzet chuan ka in ve ang a, a tul anih chuan ka ruihpui anga, a chenin ka chen ang.
Eng ang pawhin fak mawi mah ila, zu hi chu ZU a ni reng tho vang.
Zu khap burna dan a that loh zia huai taka sawi pung pung ho mifel tak tak te hi, a ruka zu duh ve em em thin an ni duh khawpin ka hria. Kohhranah an inhmang a, khawtlangah mi challang tak an ni. A rukin zu an in thin a, an inthup thiam em em bawk. Khap tu an nei ve lova, inthlahrun a ngai hek lo. Chutiang chuan zalen takin duhtawk tawkin an in tawh mai thin. A tawpah erawh inthup hleih theih loh hun te a rawn inher chhuak thin a.
"Zu te chu, in thiam chuan taksa tan a tha alawm" tia iak iak ho hi, normal life ah chuan zu an in thiam khawp ang. Mahse, lungngaihni te, thinrim ni ah te erawh duh aia tam an in mai thin ka ring tlat. Regular taka nitin tlemte tea zu in thin hi a tha pawh a ni maithei. Chu ai chuan tlemte tein nitin regular takin bawnghnute in ta se, a taksa tan a that ka ring zawk. Regular taka niin in thin hian a ken tel chu zawi zawia addicted a ni mai. An in regular tulh tulh a, an hrisel tulh tulh a, an biang te pawh a sen tha tulh tulh a, an hnar a sen bawk a, an thau va, an dul a lo kiar a, an chak phah em em chuang si lo. A tawpah chuan zu ngawlvei an lo ni mai thin. Mithiam, mifing, zu in thiam tak tak, mahni in control thei tlat mitlemte te avanga "zu inthiam" fak mawi ngawt hi ka society hian a zo lo.
Zawlaidi hi sorkarin khap bur lo mahse, zu a ni tho tho. Dangpuithu hi lehkha mawi takin fun mahse, a chhung ami chu dangpuithu tho a ni a, a uih ngai rengin a uih tho. Thlan pawh hi mawi tak takin chei thin mah ila, zan lamah chuan a nelawm loh dan pangai thovin a nelawm loh thin. Grape atang zu siam te pawh hi hming mawi tak tak pawh vuah ila, zu a ni tho tho. Amah tizu tu ber alcohol kha a tam thova, zu anihna hi kan thup mawi mai mai a, thup mawi eng ang mah ila, zu tho a ni.
Zu sak nan hian buhfai a ngai a. Zu factory ah nitin buhfai tam tak hman ral a ni thin. Zu sakna atana buhfai an hman thin hi a tam zawk chu supply buhfai anih ka ring tlat. Special a dilin kudam atangin tlawm tetea a lei theih ka ring a, tin, buhfai phurtu driver te kut atangin an lei thin ka ring bawk. Hetia zawlaidi an thlah zalen takah chuan kan buhfai hmanral tam tak hi a save dawn tlata hriatna ka nei. Kan population phu lova buhfai kan heh te, kaan hriat miah lohva buhfai lo there thin te pawh hi a ziaawm sawt tur ah ka ngai. Zawlaidi erawh ka fak chuang lo, sawi mawi eng ang mahse ZU tho a ni. A siamna hmanrua raw material a dang deuh hlek chauh a ni.
Zu laka fihlim thin tan chuan zu hi sual laka lut tura min thlemtu a tling lo. Chuvangin zu laka kan fihlim anih chuan a lawmawm ah ngai phawt ang. Zu kan in avangin kan sual tihna ani kher lova, zu kan in loh avangin mifel kan ni kher chuang hek lo. Zu in thin mifel tak tak an tam khawp mai. Zu in thin, mahse khawtlang tana mi tangkai, tlawmngai, chhiatni that nia fel tak tak an tam. Zu in thin te hi an fel in kawm an nuam duh hle a, midangte hriatthiamna pawh an ngah duh zawk mahin ka hre thin. Zan lama YMA duty zingah pawh hian zu in ngai lo vuak hi a na bik a, zu in ve thin vuak erawh a na lo deuh thin an ti. Chuvangin, zu an in avanga tawngtaw en hran ngawt erawh a fuh ber awm lo ve.Mahse, i han ti leh hram teh ang, zu an in loh laia kawm nuam tak leh kan infiampui bawrh bawrh thin te pawh hi, zu an han in meuh chuan kawm an nuam lo sawt thin a, ngaih-huat an neih hma tawh thin avangin tawngkam hman pawh fimkhur a ngai tawh hle thin.
Zu hian thatna lai riau a nei ve a. 70% alcohol hian bacteria a tihlum thei. Hemi avang ngawt hian zu in hi a that phah chuang lo. Bacterial cell tihlum thei khawpa zu concentration sang chuan kan taksa cell te a tihlum ve thei tho turah ngaih tur. Bacteria that thei khawp 70% alcohol khi i in anih chuan nang pawh i R.I.P. ve nghal a ni mai. Zu hi min tithathotu a ni a, taksa tiphur a, min ti sa pup pup theitu a ni. Khaw vawt ah a tangkai phian (a tawk tea in chuan). Zu hian kan chhia leh tha hriatna a ti bo thei a, harhfima kan awm laia kan tih ngam loh te kan tih ngam phah thei. Insum theihna a ti bo va, hei vang hian hmeichhia leh mipa in zu an in chua, a tawpna chu Sex a ni tlangpui. Hmeichhia hian zu an in hian sex lamah an inphalrai awlsam a, tlemin an inthlahdah deuh hlek thin an ti. Khawvela chak ber emaw huaisen ber emaw min tihtir theitu chu zu bawk hi a ni. Mihring nihna diktak leh kan rilru te hi, kan chhia leh tha hriatna hian a thup mawi hram hram a, chu chhia leh tha hriatna chu zu hian a tikiang thei si a, chuvangin miin zu a in chuan, a lo inthup mawi ve hram hram thinna te kha hlih kianin a lo awm ta a, a mizia dik tak pholanin a awm ta thin a ni. A lungawilohna te, a thinurna te a lo puak chhuak ta thin a, thenkhat lahin an lo hur tuk phah thin bawk.
Zu hi chuan mihring nun ava lo tibuai tak em. Ka pa hi zu in mi anih miau avangin ka naupan laia kan chhungkaw tibuaitu ber chu ZU hi a ni. Ka pa hi zu a in loh lai chuan pa zaidam, pa tawng tam lo, chhungkua hmangaih thiam tak, hnathawh hreh nei lo a ni a. Chhungkaw tana thahnemngai, tui tin hnih a kawt chung pawh a, bucket la khai hram thin a ni a, thing leh mau kan put chang pawha mi tam tak ina an put zawh ve loh tur khawpa tam pu thin a ni. MNF ah pawha lo tang tawh thin tih takah buhthlei thlengin a thiam. Mahse zu a in erawh chuan a rui chhe thei khawp mai. Mak deuh mai chu, ka pa hian thingpui a in te, bawnghnute a in te hian a rui ngai lova, mahse zu a in tawh chuan chhungkua kan buai laih zel. Zu avangin kan tap a, kan lungngai a, chhungkua kan darh a, hlimna ni kan hmu tlem thin. Ka pa in zu a han nghei chiah chu, khang kan lungngaihna chhum zing zawng zawng kha a kiang zo ta a, chhungkaw hlim tak kan ni ta a. A zu in thin laia kan thil neih phak loh tha tha kan lo nei ve thei ta. Zu that loh zia leh chhungkua a lo tih buai theih thin zia te a tak ngeia hrechianga tawng tawhtu ka nih avangin keia tan zawng zu hi han fak mawi ve thei tur chi ziazang ka lo ni lo ve.
Zu avanga hlimna chuan rei a daih tak tak lovang. Tuna zu fak mawi thin te, zawlaidi fak mawia theihpatawpa tan khawh thintu te kha, in duh em em zu kha in chhungkua in lo in thin ula, tun atanga kum 5 vel a ral huna ah a that zia min hrilh ve dawn u nia. Chumi hnuah a lo tha takzet anih a, chhungkaw hlimna thlentu a lo nih theih a, min tihrisel sawt thei te a nih a, sum leh pai lamah hmasawnna tha tak min pek theih dawn a, tun aia Pathian min hnaih tir sawt tu anih theih takzet chuan ka in ve ang a, a tul anih chuan ka ruihpui anga, a chenin ka chen ang.
Eng ang pawhin fak mawi mah ila, zu hi chu ZU a ni reng tho vang.
A thain a ropui hle mai. Parangraph khatna tih loh chu para bul 'Z'-in a intan vek a, a dangdai pah khawp mai!
ReplyDeleteAn in regular tulh tulh a, an hrisel tulh tulh a, an biang te pawh a sen tha tulh tulh a, an hnar a sen bawk a, an thau va, an dul a lo kiar a, an chak phah em em chuang si lo.
Khi khi ka duh bîk em em bawk.
Ni e, zu hi chu zu a ni reng dawn a nih hi. In loh mai hi a hrisel ber a, zu ina nghei thei chuan ngaihsan an hlawhphah sawt thin. Zu han to vet vet zia mai chuh!
Kan lehkhabu thianghlim meuh pawhin zu chungchang hi a lo ziak hnem khawp mai a. Chuvangin zu hi a tha lo a ni ang e. Thil sual tihna hmanrua chu sual a ni mai dawn lo'm ni te ka lo ti mai asin.
Para khatna khi chu ka ziak zawh vek tawh hnua post huai nana ka ziak belh anih khi. Uluk taka min chhiar chhuah sak avangin ka lawm khawp mai. Zu in loh hi damreina chu ani chuang hauh lo na a, zu hi chuan taksa chu a sawp chhe nasa thin takzet ani tih hi mi tam takin kan haider tlat thin. A in thiam te'n an in thiam tihh chu ka hre na a, in ve thiam lo te hi a tam zawk an ni.
ReplyDeleteA sei viau nang a chhiar a manhla khawp mai i ziak tha e.
ReplyDeleteNi e, zu hi chu han fak mawi viau in eng ang hming pawh phuah ila zu a nihna hi a bo chuang lo, zu in avanga dinhmun lo tha ta aiin zu in avanga dinhmun lo chhe ta sawt hi mizo zingah chang ni lovin he khawvelah hian an tam zawk ngei ang.
@triplestar: Kumthar chibai phawt le. Zu chungchang hi ziak tur ka ngah hle a, ziak tawi ka la inti mah mah asin. MSc kan zir laiin microbiology paper ah khan zu chi hrang hrang kan zir teh khiah a. Rin loh takin exam ah khan mark 15 pu in a lokal a, ka ziak ve ta ngheng mai anih kha. Grape atanga siam Zu hi ZU diktaka pawm phal lo kan tam khawp mai. An pawm emaw pawm lo emaw ZU diktak a ni e.
ReplyDeleteI lo lenluh vangin ka lawm khawp mai.
i ziak tha hle mai.... ka chhiar chhuak
ReplyDeleteKa thuziak hi a that leh that loh chu ka hre lo na a, min chhiar chhuah sak vangin ka lawm khawp mai.
DeleteZu avanga hlimna chuan rei a daih tak tak lovang. Tuna zu fak mawi thin te, zawlaidi fak mawia theihpatawpa tan khawh thintu te kha, in duh em em zu kha in chhungkua in lo in thin ula, tun atanga kum 5 vel a ral huna ah a that zia min hrilh ve dawn u nia. Chumi hnuah a lo tha takzet anih a, chhungkaw hlimna thlentu a lo nih theih a, min tihrisel sawt thei te a nih a, sum leh pai lamah hmasawnna tha tak min pek theih dawn a, tun aia Pathian min hnaih tir sawt tu anih theih takzet chuan ka in ve ang a, a tul anih chuan ka ruihpui anga, a chenin ka chen ang.
ReplyDeleteAva ropui tak em...mi zawng zawng hian ti hian ti thei sela chuan ava tha dawn em...rethei te tan hausakna thlentu te a ni anga..Lungngaite tan hlimna thlentu a ni dawn si a.
ZU sak nan a Buhfai an neih dan te hi ava lo bawlhhlawh tak em...amah ZU that tawh loh nak alai a, asiamna kawnga pawisawilo chan tur lo lak kiam sak leh chu a, chhui chian ava ngai em.
Kava han hlawk leh tak em i zarah...
Zu in thiam ho hi chuan thian kawm nan an thingpui hang dawm thei mai thin a. Mahse hetiang ho hi chu mi tlemte an ni si a. A tam zawk hi chuan kan in thiam mawlh lo. Ka tawng tu'n lo haw lo se la, MAP zingah te hian zu avanga mahni thla hlawh lak tur nei mumal lo te pawh an awm thin asin.
DeleteZu hi chu mi thenkhat tan buaina a tling lo. Mahse, a ram pum leh a hnam pum chhut chuan, zu kan that phahna aiin zu kan chhiat phahna hi a tam zawk daih a ni.
Thian duhtak te u, ka blog a in rawn lenluh avang hian ka lawm khawp mai. Lo lenglut fo ang che u aw.
Hotupa, Zu chungchang hi ka chhiar fova, i ziak kim in i ziak tha e. Kan khaw lamah hian zu atam khawp mai; nepnawi dawr tinah an nei mai. A tlawm em em mai lehnghal. Mahse, heti taka atam si hi, in a rui buai hmuh tur hi an vang viau lawi si a.
ReplyDeleteZu inthiam tak fa neih ai chuan, zu in ngai lo fa neih ka duh e.
Btw, ka blog pawh wordpress lamah ka chhunzawm leh ta mai.
@sekibuhchhuak: Ka blog i rawn tlawh khat hi chuan khua a har thin. Wordpress lamah chuan ka lo leng lut thuai ang.
ReplyDeleteZu chungchang hi sawi a tam a, inhnialna a tam tawh bawk. A sawia sawi fel theih chi rual a ni lo. Zu in thiam tak tak, pa hawiher zau, mithiam, mahni in control tlat thei ho hi chu kan sawi phak a awm lo. Mahse, mizo zu in thin tam zawk hi chuan zu in an thiam mawlh lo. Ruih an tum a, buaina an chova, an pawr a, huai em em ah an inngai ta thin. Chhungkaw buaina an thlen a, khawtlangah buaina an siam thin bawk. Kan rama chhungkaw kehdarhna tam ber leh nupa inthenna tam ber thlentu chu ZU hi a ni.
Engah nge miin zu a in hian ruih ngei ngei a tum thin le? Mi rama zu an thlah zalen ang hian thlah zalen ta se, kan Law and Order a chak lo ropui si a, kan hmuhnawm nuaih nuaih ngawt ang.