Kum dang aiin kumin krismas hi a vawt dawn tlatin ka hria, timur ah a man a, ruh a seh a, a hikin a hik thei alawm le. Kan 'sorkar thar chak tak' hian khaw vawt lamah tan a la a nih ka ring hial. Pathian zarah kan dam a, eng tin tin emaw kan ti nek nek a, Lal pian hun champha lawmawm tak chu kan lo chuangkai leh ta reng mai. Ringlotu te tan chuan season festival pakhat ang lek ni mahse, keini ringtu te tan chuan hun hlimawm ber leh thlakhlelhawm ber a ni. Khawi hmunah pawh awmin khawii ramah pawh cheng sela, kan hunpui ber krismas a lo thlen meuh hi chuan Lal pian hun champha lawm turin Zoram an pan vang vang thin.Hei hian Zofa te tana krismas a hlut bik zia a tarlang chiang hle awm e. Hmmm....krismas la hnai tual tual a, chhangchhepa tan thlunglu a hai tual tual anih ber mai hi maw.
Engah nge krismas hi kan ngaihhlut em em:
Zofa te thinlungah chuan krismas hun hi hun ropui leh kan nghahhlelh ber pakhat a ni. A hun leh a ni a lo thlen hma chawlhkar tam takatang tawhin urlawk a ni a. Milian ber atanga mirethei ber thlengin kan lo urlawk nasa em em thin. Kan pi leh pu te khan krismas hi an lo ngai pawimawh em em a, he hun atan hian nasataka lo inpuahchah lawkin mahni theih tawk tawkin tan an lo la ve thin. Krismas hunpui laia sa ei tur neih loh hlauvin ran an vulh a, thang an kam a, sa an chang bawk a. An thuamhnaw neih that apiang he huna hak theih tur hian an sufai a, an puan thulkhung thlengin an phawrh chhuak thin. An neih chhun chun pawh ui phal lovin fate thuamhnaw lei nan an seng ral a, krismas ruai theh theih anih ngeina turin sum an tuak hram hram thin. Mahni inbul an hnawk an thianfai a, hnim an thlo fai vek a. Mahni in an tifai bawk. Hetiang tak hian krismas atan an theih ang ang in an lo inpuahchah ve thin a ni. Mirethei pawhin thil thar nei lo mahse, berampu te'n chibai tal an buk ang khan Lal lo piang tur chu phur takin an hmuak a; khawchhak mifing te'n an thil neih ro hlu ber ber pawh Lal chibai bukna atana an ui lo ang mai khan a thei chhungkua pawhin an neih rosum an ui lo. Mahni neih ang ang nen Chhandamtu lo pianga chu an lo hmuak thin anih kha. Hei hi kan thisenah tuhin a awm tawh a, kan than hnan tlat tawh a nih hi. Mahni theih ang tawk tawka Christmas hun atana lo inpuahchah lawk hi thil tha tak a ni a, tu leh fa thleng pawha chin chhunzawm zel atana tha a ni.
Krismas bazar:
Krismas laiin bazar a lun thei hle a. Mak tih tham khawpa tam mipui kan inhnawh tulh tulh thin anih hi. Mipui chhiar sen loh tei nuai nuai te chuan krismas hun atan eng enge maw an lei a, an duh zawng leh mamawh te zxawngin mahni buai buaiin an phu nuai nuai ani ber mai. Khawpuia cheng te hian a hmalamin an mamawh te lo inlei lawk ta se, thawmhnaw te pawh hi lo thui tir vek ta se, mipui tam lutuk hi chu a ziaawm deuh tur. Krismas thlen dawn hnaih ni 19 atanga ni 22 inkar velah hi chuan thingtlang lam atanga lokal, hmanhmawh taka fa te thawmhnaw tur zawng tu te hi kian ve ta ang ila, bazar tawt lutuk hi a ziaawm phah ka ring khawp mai. Krismas bazar hunlai hi thingtlang lam ami te tan chuan an hun neih that ber ani a, buh an seng zo tawh a, ram lam hna thawh a ngaih loh hunhlai tak a ni.Thingtlang lam nu leh pa te, an fa te nen bungbawr taka inkaiin an lokal ve a, thuamhnaw pawh en tha hleithei lovin an innek kat ang dawr dawr a. Hetiang ang anih chhoh zel dawn chuan leh, mihring kan pung tulh tulh si a, hmalam hunah chuan khua a va var lo dawn tak em.
Nu leh pa tana lungngaih hapta:
Christmas hun hi hlim taka hman duh lo tunge awm ta ang le? Lal lo piang hmuak tur hian mahni neih zawng zawng pawh sen ral ui lotu vek kan ni ani lawm ni? Mahse nu leh pa tam tak hi chu an rilru a hah lawk thin a ni. Thenkhat tan chuan naupang thawmhnaw lei sak ringawt pawh huphurhawm tham a ni ta. Thuamhnaw man a to ta lutuk te, fashion lama kan kal nasa ta lutuk te hi a pawi a ni. Thuamhnaw a thar anih hrim hrim chuan lungawi ta mai lovin, thawmhnaw manto ber ber kher inbel an lo duh ta a, "a thing, a tunlai lo, a man a tlawm em mai," tih ang chi tawngkam te hian chhungkaw budget a tibuai pha tlat thin. Bazara pheikhawk an zawrh lei duh si lovin darthlalang bawm chhunga uluk taka rem, pheikhawk manto taka lei thin kan ni si a. Mahni thawh chhuah mil tawk lek lek hian inchei thin ta ila chuan ava hahdam thlak dawn tak em. Krismas dawna nu leh pa rilru tihahtu pawh hi naupang thawmhnaw manto ta lutuk te hi a ni pakhat thin awm e. Thawmhnaw manto inlei theih siak lam te, mobile manto pui pui lei thei nih te, electronics bungrua atana mahni thawh chhuah aia tam hmangral thei nih te, thawmhnaw chhuak thar apiang inbel thei nih te, television lama kan hmuh thin celebrities hovin hlawh neia an hak thin thawmhnaw ang man to tak taka lei thei nih te hi ropuina ah kan ngai tlat hi a pawi khawp mai. Hei hian changkanna dik lo vah min hruai lut a, ei leh in tur tha leina ai aiin thawmhnaw manto ber ber kan inbel a, khawlaiah changkan hmel fe fe in kan leng zuai zuai thin. Thawmhnaw manto pui pui lei kan chin avang hian chhungkaw khawsak rel a buai a, krismas dawnah phei chuan chhungkaw nu leh pa lu tihaitu ber a ni thin.
Ruihhlo ti thin leh zu in thin nu leh pa tan lah lungngaihna bawk; an fa te'n he krismas hunah hian dan sen rual lohva tam ruih tur an hmu leh ngei ang a. An sahawk nasat luat vangin an rui chhum leh hmawk hmawk dawn si. Krista zuitu te'n he hun lawmawm takah hian Lalpa faka zaia an lam mup mup laiin, nu leh pa tam tak chu, krismas lo thleng tur huphurhin an thaw kawk kawk thin. Krismas hmuah dan te hi a lo inang lo hlawm thin mang e.
Thingtlangpa leh krismas:
Thingtlangpa chuan krismas hunah pawisa a mamawh tam dawn ani tih inhria in kum tawp dawnah nasatakin hna a thawk chiam a, thing a tan a, meihawl a rawh a, lung a chher a, a buh thar chhuah te a hralh then bawk a. Kumtluana a thawh chhuah sa, a kum lehaan buhthar te an hralh then phah a, nasa taka a inhlawhfakna te, a hlawma pawisa a hmuh ve chhun chhun te naupang thawmhnaw thar lei nan hmang zo vek thin. Kum thar huna naupang sikul admission fee tur , lehkhabu thar leina tur, uniform thar leina tur thlengin an zuah hleithei thin lo. Nu leh pa tam tak tan chuan krismas hi a huphurhawm reng bawk a ni. Kumtir te atangin nitina a inhlawhfakna te, huanthlai a hralhna atang tein, tlem tlemin pawisa lo khawl ve hlek hlek se. A thawhchhuah atanga hmun sawma thena hmun khat Pathian tana a dahhran hnu ah, hmun khat dang chu kum tawpa naupang thawmhnaw thar lei nan dah hrang zel ta se. An thawh chhuah a tlem tumin an dah hrang tlem deuh ang a, an thawh chhuah a tam tumin an dash hrang tam deuh mai ang. Vawikhata a dah hran hi a tam ka ring lo. Mahse, vawi 12 lai a dah hnu chuan pawisa engemaw zat chu a lo tling khawm ve tawh ang a, chu pawisa tlingkhawm hmang chuan krismas thawmhnaw thar an lei tawh mai dawn a ni. Hetiang anga kumtirte atanga plan mumal tak lo neih lawk sa thlap ang hi hrilh pawh ni ila, thenkhat chuan an huphurh ang a, a enga maha hmain min hnial leh tawng tawng ang a, an peih leh chuang tawp lovang. Han ti chhin se a that zia an hriat mai ka ring.
Krismas lo hmuak tur hian thinlung kawngka hawn a tul em em a, kan hmuah ber Isua Krista hi welcome leh si lovin a phawvuakah kan lo phur ve em em ringawt thei. Thlarau pawlna changa mite'n Pathian faka zan khaw tairek thleng thlenga an men laiin, a behbawmah lo phur ve em em in a pawngsen tlaivar ve ngawt theih bawk. Thlarau lam inpuahchah a tul tluk zetin tisa lama lo inpuahchah hi a tul a, sum pawh nasa taka insen huam a tul thin. He krismas chhung hian insen loh pawh tum ila, keimahni ah a beh tlat tawh avangin kan inseng ral dawn tho tho. Chuvangin kei anga rethei, side income nei ve lo, eiruk ve tur awm bawk si lo, mahni ei khawp chiah chiah thawk chhuak tan hi chuan sum lamah awmze nei taka lo inpuahchah lawk hi a tul takzet a ni.
Ka thuziak min chhiar sak thintu ka thian tha tak tak te u, Krismas Chibai vek ule. Dam leh hlim tlang takin, chhungkuain krismas hmang theuh ang che u; ram hran khawhrana awm avanga chhungkuaa in hmang thei lo anih pawhin, in awmna hmunah hlim takin krismas in lo hmang dawn u nia. He krismas lawmawm takah ah hian tisa leh thlarau lamah hlawkna nasa tak in chan theuh theih nan ka duhsakna sang ber ka hlan a che u.
Engah nge krismas hi kan ngaihhlut em em:
Zofa te thinlungah chuan krismas hun hi hun ropui leh kan nghahhlelh ber pakhat a ni. A hun leh a ni a lo thlen hma chawlhkar tam takatang tawhin urlawk a ni a. Milian ber atanga mirethei ber thlengin kan lo urlawk nasa em em thin. Kan pi leh pu te khan krismas hi an lo ngai pawimawh em em a, he hun atan hian nasataka lo inpuahchah lawkin mahni theih tawk tawkin tan an lo la ve thin. Krismas hunpui laia sa ei tur neih loh hlauvin ran an vulh a, thang an kam a, sa an chang bawk a. An thuamhnaw neih that apiang he huna hak theih tur hian an sufai a, an puan thulkhung thlengin an phawrh chhuak thin. An neih chhun chun pawh ui phal lovin fate thuamhnaw lei nan an seng ral a, krismas ruai theh theih anih ngeina turin sum an tuak hram hram thin. Mahni inbul an hnawk an thianfai a, hnim an thlo fai vek a. Mahni in an tifai bawk. Hetiang tak hian krismas atan an theih ang ang in an lo inpuahchah ve thin a ni. Mirethei pawhin thil thar nei lo mahse, berampu te'n chibai tal an buk ang khan Lal lo piang tur chu phur takin an hmuak a; khawchhak mifing te'n an thil neih ro hlu ber ber pawh Lal chibai bukna atana an ui lo ang mai khan a thei chhungkua pawhin an neih rosum an ui lo. Mahni neih ang ang nen Chhandamtu lo pianga chu an lo hmuak thin anih kha. Hei hi kan thisenah tuhin a awm tawh a, kan than hnan tlat tawh a nih hi. Mahni theih ang tawk tawka Christmas hun atana lo inpuahchah lawk hi thil tha tak a ni a, tu leh fa thleng pawha chin chhunzawm zel atana tha a ni.
Krismas bazar:
Krismas laiin bazar a lun thei hle a. Mak tih tham khawpa tam mipui kan inhnawh tulh tulh thin anih hi. Mipui chhiar sen loh tei nuai nuai te chuan krismas hun atan eng enge maw an lei a, an duh zawng leh mamawh te zxawngin mahni buai buaiin an phu nuai nuai ani ber mai. Khawpuia cheng te hian a hmalamin an mamawh te lo inlei lawk ta se, thawmhnaw te pawh hi lo thui tir vek ta se, mipui tam lutuk hi chu a ziaawm deuh tur. Krismas thlen dawn hnaih ni 19 atanga ni 22 inkar velah hi chuan thingtlang lam atanga lokal, hmanhmawh taka fa te thawmhnaw tur zawng tu te hi kian ve ta ang ila, bazar tawt lutuk hi a ziaawm phah ka ring khawp mai. Krismas bazar hunlai hi thingtlang lam ami te tan chuan an hun neih that ber ani a, buh an seng zo tawh a, ram lam hna thawh a ngaih loh hunhlai tak a ni.Thingtlang lam nu leh pa te, an fa te nen bungbawr taka inkaiin an lokal ve a, thuamhnaw pawh en tha hleithei lovin an innek kat ang dawr dawr a. Hetiang ang anih chhoh zel dawn chuan leh, mihring kan pung tulh tulh si a, hmalam hunah chuan khua a va var lo dawn tak em.
Nu leh pa tana lungngaih hapta:
Christmas hun hi hlim taka hman duh lo tunge awm ta ang le? Lal lo piang hmuak tur hian mahni neih zawng zawng pawh sen ral ui lotu vek kan ni ani lawm ni? Mahse nu leh pa tam tak hi chu an rilru a hah lawk thin a ni. Thenkhat tan chuan naupang thawmhnaw lei sak ringawt pawh huphurhawm tham a ni ta. Thuamhnaw man a to ta lutuk te, fashion lama kan kal nasa ta lutuk te hi a pawi a ni. Thuamhnaw a thar anih hrim hrim chuan lungawi ta mai lovin, thawmhnaw manto ber ber kher inbel an lo duh ta a, "a thing, a tunlai lo, a man a tlawm em mai," tih ang chi tawngkam te hian chhungkaw budget a tibuai pha tlat thin. Bazara pheikhawk an zawrh lei duh si lovin darthlalang bawm chhunga uluk taka rem, pheikhawk manto taka lei thin kan ni si a. Mahni thawh chhuah mil tawk lek lek hian inchei thin ta ila chuan ava hahdam thlak dawn tak em. Krismas dawna nu leh pa rilru tihahtu pawh hi naupang thawmhnaw manto ta lutuk te hi a ni pakhat thin awm e. Thawmhnaw manto inlei theih siak lam te, mobile manto pui pui lei thei nih te, electronics bungrua atana mahni thawh chhuah aia tam hmangral thei nih te, thawmhnaw chhuak thar apiang inbel thei nih te, television lama kan hmuh thin celebrities hovin hlawh neia an hak thin thawmhnaw ang man to tak taka lei thei nih te hi ropuina ah kan ngai tlat hi a pawi khawp mai. Hei hian changkanna dik lo vah min hruai lut a, ei leh in tur tha leina ai aiin thawmhnaw manto ber ber kan inbel a, khawlaiah changkan hmel fe fe in kan leng zuai zuai thin. Thawmhnaw manto pui pui lei kan chin avang hian chhungkaw khawsak rel a buai a, krismas dawnah phei chuan chhungkaw nu leh pa lu tihaitu ber a ni thin.
Ruihhlo ti thin leh zu in thin nu leh pa tan lah lungngaihna bawk; an fa te'n he krismas hunah hian dan sen rual lohva tam ruih tur an hmu leh ngei ang a. An sahawk nasat luat vangin an rui chhum leh hmawk hmawk dawn si. Krista zuitu te'n he hun lawmawm takah hian Lalpa faka zaia an lam mup mup laiin, nu leh pa tam tak chu, krismas lo thleng tur huphurhin an thaw kawk kawk thin. Krismas hmuah dan te hi a lo inang lo hlawm thin mang e.
Thingtlangpa leh krismas:
Thingtlangpa chuan krismas hunah pawisa a mamawh tam dawn ani tih inhria in kum tawp dawnah nasatakin hna a thawk chiam a, thing a tan a, meihawl a rawh a, lung a chher a, a buh thar chhuah te a hralh then bawk a. Kumtluana a thawh chhuah sa, a kum lehaan buhthar te an hralh then phah a, nasa taka a inhlawhfakna te, a hlawma pawisa a hmuh ve chhun chhun te naupang thawmhnaw thar lei nan hmang zo vek thin. Kum thar huna naupang sikul admission fee tur , lehkhabu thar leina tur, uniform thar leina tur thlengin an zuah hleithei thin lo. Nu leh pa tam tak tan chuan krismas hi a huphurhawm reng bawk a ni. Kumtir te atangin nitina a inhlawhfakna te, huanthlai a hralhna atang tein, tlem tlemin pawisa lo khawl ve hlek hlek se. A thawhchhuah atanga hmun sawma thena hmun khat Pathian tana a dahhran hnu ah, hmun khat dang chu kum tawpa naupang thawmhnaw thar lei nan dah hrang zel ta se. An thawh chhuah a tlem tumin an dah hrang tlem deuh ang a, an thawh chhuah a tam tumin an dash hrang tam deuh mai ang. Vawikhata a dah hran hi a tam ka ring lo. Mahse, vawi 12 lai a dah hnu chuan pawisa engemaw zat chu a lo tling khawm ve tawh ang a, chu pawisa tlingkhawm hmang chuan krismas thawmhnaw thar an lei tawh mai dawn a ni. Hetiang anga kumtirte atanga plan mumal tak lo neih lawk sa thlap ang hi hrilh pawh ni ila, thenkhat chuan an huphurh ang a, a enga maha hmain min hnial leh tawng tawng ang a, an peih leh chuang tawp lovang. Han ti chhin se a that zia an hriat mai ka ring.
Krismas lo hmuak tur hian thinlung kawngka hawn a tul em em a, kan hmuah ber Isua Krista hi welcome leh si lovin a phawvuakah kan lo phur ve em em ringawt thei. Thlarau pawlna changa mite'n Pathian faka zan khaw tairek thleng thlenga an men laiin, a behbawmah lo phur ve em em in a pawngsen tlaivar ve ngawt theih bawk. Thlarau lam inpuahchah a tul tluk zetin tisa lama lo inpuahchah hi a tul a, sum pawh nasa taka insen huam a tul thin. He krismas chhung hian insen loh pawh tum ila, keimahni ah a beh tlat tawh avangin kan inseng ral dawn tho tho. Chuvangin kei anga rethei, side income nei ve lo, eiruk ve tur awm bawk si lo, mahni ei khawp chiah chiah thawk chhuak tan hi chuan sum lamah awmze nei taka lo inpuahchah lawk hi a tul takzet a ni.
Ka thuziak min chhiar sak thintu ka thian tha tak tak te u, Krismas Chibai vek ule. Dam leh hlim tlang takin, chhungkuain krismas hmang theuh ang che u; ram hran khawhrana awm avanga chhungkuaa in hmang thei lo anih pawhin, in awmna hmunah hlim takin krismas in lo hmang dawn u nia. He krismas lawmawm takah ah hian tisa leh thlarau lamah hlawkna nasa tak in chan theuh theih nan ka duhsakna sang ber ka hlan a che u.
Krismas Chibai le, Pu Cari :)
ReplyDeleteKRISMAS he ti taka kan la nghakhlel hi engvangnge ni ang tih hi ka ngaihtuah fo thin. I sawi te pawh khi achhan zing ami chu ani ngei ang. Kristian kan nih hma a, kan KUT pawimawh te hlamchhiah khawp a kan Kristian ta anih chuan alawmawm na chin awm mahse, kan hnam kal zel dan tur hi a ngaihtuah awm viau te hian kan hre ve deuh thin a.
Thil engkim atan MASI kan nghakhlel a, hengte avang hian thalai tam tak pawn kan hmang thiam tawk lo em ni ang ? Ngaihpawimawh loh tur tihna nilovin, tlem a hman nep deuh te hi chhing chho ta ila engnge kan an ang. Sakhuana thil anih ang in, SAKHUA takin hmang ta mai ila. A..aharsa si ang ! :-)
Krismas chibai.
ReplyDeleteZiak tha khawp mai a. 'A tawpah tih tawk a awm' an tih ang deuh a nia,kan kut neih dang te kan lawm urhsun vak si lova, kum tawpah krismas theihpatawpa uar leh uchuak khawpin kan lawm leh si a,hei hian harsatna min thlen nasa khawp mai.
Thawmhnaw man mawlh mai hi a to uchuak lutuk thin, krismas hma kar khan naupang thawmhnaw lei turin kan chhuak ve a, kum 2 kum3 hak tawk vel te kha Rs 1700 man te zuk nia mawle, chu aia to pawh chu tamin ka ring. chugkaw tam takahchuan naupang hian rual an awt a ni lova, an nuleh pate hian rual an awhsak lutukna lamah hian thawmhnaw man to to an leisak thin. hei hian an len hun hengin thil man to duhnaah a hruailut theiin ka ring. chhia leh zahpuiawm lutuk ni silo, man tlawm tha ve tho si hian inthuamtir ila a tha maiin ka hria
@Sekibuhchhuak: Kan kut pawimawh te pawh kha kan la vawng nung reng alawm. Chung ho pawh chu kan khawp kham zo lova, kut phuahchawp "Thal favang kut" te hial pawh kan uar tak viau hi, (thal lai leh favang hun hi a inhlat tehreng nen). Kei chu krismas hun kan la ngaipawimawh te hi a tha ka tia sin aw....Nakinah chuan krismas te hi holiday pakhat ang leka kan ngaih hun a la thlen ka ring hial asin. Vocation pakhat ang lek leh nula/tlangval intawllenna hun tha ang leka kan ngaih hunah chuan insiam thatna chance a awm tawh lovang.
ReplyDeleteHotupa, i hun chep tak karah pawh ka blog i rawn tlawh hram hram thin a, ka lawm khawp mai.
@triplestar: Christmas hun chep tak karah ka blog i rawn tlawh hram hram hi, kei tak asin lawm le. I tilawmawm khawp mai.
ReplyDeleteI sdawi ang deuh khian thawmhnaw manto ta lutuk hi chu a manganthlak khawp mai. Manto tak tak an zawrhna karah a mantlawm ka zawng ziai ziai zel mai maw le. Sumdawng ho lah hi, min duhsak niawm fahran hian "Nang i ni bawk a, a tlawmin ka pe dawn che nia" an han ti thla zen bawk a. Kan pawisa chiah an duh tih ka hre reng si a.
Thawmhnaw man tlawm te hi hak zak lovin intihhmuh ta zawk ila a that phian ka ring.
Sir kalo hmu tlai a ni maw. Chhiar a nuam leh hle mai a.
ReplyDeleteKrismas bazar chung chang a i rawtna khi tha ka ti khawp mai. Anla tih ngei a ngaih hmel khawp mai a. DC lam emaw YMA lam emaw in. Ngaihtuah chhuak tha hle mai.
Chuan hmanlai hun a Krismas an hmuah dan pawh a lunglen thlak mange. Zokhua chung chang ah pawh an hman nawm thin zia sawilo in an problem ilo ziak a chuan solve dan tur ilo ruahman bawk a. Tha ka ti. I rilru ka hrethiam. A tha thin e. Hlim taka kan awm hian mi dang hreawm hi kan hriat tulh tulh hian kan thin lung a thiang hlim thin in ka hre ve thin.
Krismas hmain chhiar ila chuan duhthawh takin Krismas chi bai ka buk tur che a nia aw in chhungkua in. A tha hle mai.
Kris-a: Ka blog tlawm taka thuziak holam tak tak te, tlawmngaih chhuaha min chhiar sak thin avangin ka lawm e. Nangni tel lo hi chuan ka blog hi a khua a har thin anih hi. Thingtlang lam hian krismas an hmang urhsuh thei hle a, an neih zawng zawng hmangin krismas an hmang thin ani deuh ber mai. Ka suggestion siam ve hi a applicable dawn em ka hre lo. Ka rilrua awm ka ziak ve tawp mai anih hi. Ka blog min rawn tlawhsak thin a, ka lawm khawp mai. I rawn lenglut fo dawn nia.
ReplyDelete