Thu tha tak ziak turin ka tawnhriat te'n a daih lova, mite ngaihnawm tih zawng ziak turin ka tawngkam thiamnain a phak lo va, thu ngaihnawm, lung tileng leh thu lungkuai tak tak ziak turin ka tawngkam thlumin a daih hek lo. Tuilianin a chim chinah zel hnawl a hnutchhiah thin ang hian kei paw'n ka chim phak tawk lek lekah thu nepnawi mai mai ka'n hnutchhiah ve leh hram ang e.
Thinrimna
Thinrimna hi mihring nuna bet tel tlat, eng lai pawha kan nun tibuai fo thintu a ni. Mifing chuan a thinurna a control thei a, a thin a rim viau pawhin a tilang lo hram hram a, a thinurna tihkian theih dan tur a zawng thin. Mi a chu a insum zo lo va, a thinurna a puakkeh a, a baw hawk hawk a, mite maktih a hlawh a, mithinchhia, miancheh, anhlawk, kamchhia, tih a hlawh thin. Mahni thinurna hneh theitu chu mi huaisen tak leh michak tak a ni. "Thinram" kan tihte pawh hi mahni in control thei lo emaw mahni incontrol hman lo an ni fo thin. Thinur theia kan awm te hi a vanneih thlak zaw phian. Eng thil pawh tawk ila, thinrim thei miah lo ni ta ila, a tha lo ve tho mai. Miin min beng sawk sawk se la, nui khi vun vun mai ila, a fuh lo ve thei tlat. Thinrimna te, thinurna te, thin tawt up up te, lungawi lohna te hi, mihring nuna bet ve tlat, mihring nun tifamkimtu pakhat a ni ve a ni. A chang chuan thinrimna hian rilruah rualelna tha zawk a siam theih chang te pawh a awm ve chawk a nia.
Ka thin a chhia, ka thin a ram, mahni leh mahni ka in control zo lo fo thin a, chu chuan a hnuleha inchhirna min thlen fo thin. Ka thinrimna hian vawi tam tak min timualpho tawh thin. Sim theih ni se, mipangai ka ni ve mai tur.
Zaidamna
'Zaidam' tia kan sawi thinte hi mahni leh mahni in control tlat thei, rilru chak, thil hriatthiamna sang tak nei an ni duh khawpin ka hria. Eng thil pawh an chungah lo thleng se, ngaihtuahna fim tak an hmang thei a, a lo dawnsawn dan an thiam a, an lung a awi loh em em pawhin mahni leh mahni an in control tlat thei thin. Thinrim nachang hre lo khawpa mawl leh a ang hiala ngaih chi an ni hauh lo. An rilru a chak a, an ngaihtuahnain a hawl kim zung zung a, a chhia, a tha, an ngaihtuah hman vek a, a mualpho loh nan leh a hnu lama duh loh thil a thlen loh nan amah leh amah a in control tlat thin.
Hellai di hela tuk-zan hun kan hman thinlai kha chuan a zaidam theihin a lo nelawm theih hle mai; tunah zet erawh 'thuva ianga zaidam nunnem' te pawh kha, engemaw hlekah ka ri hluk hluk ta mai. Engmah inthlak danglam thei lo a lo awm lo anih hi...
Ka thin a chhia, ka thin a ram, mahni leh mahni ka in control zo lo fo thin a, chu chuan a hnuleha inchhirna min thlen fo thin. Ka thinrimna hian vawi tam tak min timualpho tawh thin. Sim theih ni se, mipangai ka ni ve mai tur.
Zaidamna
'Zaidam' tia kan sawi thinte hi mahni leh mahni in control tlat thei, rilru chak, thil hriatthiamna sang tak nei an ni duh khawpin ka hria. Eng thil pawh an chungah lo thleng se, ngaihtuahna fim tak an hmang thei a, a lo dawnsawn dan an thiam a, an lung a awi loh em em pawhin mahni leh mahni an in control tlat thei thin. Thinrim nachang hre lo khawpa mawl leh a ang hiala ngaih chi an ni hauh lo. An rilru a chak a, an ngaihtuahnain a hawl kim zung zung a, a chhia, a tha, an ngaihtuah hman vek a, a mualpho loh nan leh a hnu lama duh loh thil a thlen loh nan amah leh amah a in control tlat thin.
Hellai di hela tuk-zan hun kan hman thinlai kha chuan a zaidam theihin a lo nelawm theih hle mai; tunah zet erawh 'thuva ianga zaidam nunnem' te pawh kha, engemaw hlekah ka ri hluk hluk ta mai. Engmah inthlak danglam thei lo a lo awm lo anih hi...
Mit aiah mit, ha aiah ha
Kan kristianna hian kan nun a vawng tha a, kan rilru a tluang leh lutuk a, mi pawisawi kan hreh a, hei vang hian misual an huangtau a ni tiin kan sawi fo thin. A dik theihna kawng khat awm tho mahse kan ram tinuamtu leh tizalentu, nun tihahdamtu chu kan kristian nun tha tak hi a ni tlat. Thenkhat chuan biang lehlama min bengtu chu hnek hek sawk sawk rawh," ti te pawhin inzirtir tan tawh mai ila; "mit aiah mit, ha aiah ha, tih te pawh hi a takin chantir ve tan tawh mai ila, chu chuan misual a titim ang a, kan ramah sualna kan tudai thei ang," tiin ngaihdan tha tak tak an sawi fo thin. Mahse, kan kristianna, Krista hnung kan zui dan hi khawvel inher danglam zel mil leh lutuka kan kalpui dawn anih chuan kawng tam takah that lohna lai a awm thei. Sualna hi sualna veka hneh chi a ni lova, thinurna te pawh thinurna veka tihreh theih a ni hek lo. Sual chu suala kan thungrul anih chuan, a thungrultu leh thilsual titu chu inang reng kan ni dawn si a. Sual hi thatna hneh kan tum tur a ni a, chutih laiin tha duh reng reng lo te, sim tum reng reng lo te erawh an awm tho tho dawn. Heng ho erawh hi chu an thatna turin nataka hremna an hmachhawn erawh a tul ang.
Khelmual tha (phullem phah)
Khelmual tha tak tak tia sawi tur kan ngah lo hle a. Kan neih chhun tlemte te erawh an awl hman ngai lo hle. Mipa naupang tam takin zingtin tlaitin infiam an duh a, infiamna hmun kan neih tlem vangin khelmualin min daih lo hle a, reilote te inchhawka inkhelh te pawh a ngai fo thin.
Kan khelmual neih chhun chhun ang ang ah te hian phul lem (artificial turf) phah vek ta ila, phullem hi dim a ngai dawn si a, zingtin tlaitin inkhelh practice nan kan ui ve tumhrang dawn bawk si. Dim lo ila, thil mantam, neih zen zen theih loh a ni bawk si. Zing leh tlaia infiamna tur hmun, kan thalai te'n an nei lo nghal a ni mai dawn. Sorkar hian pawisa sen a inhuam anih rau rau chuan veng hrang hrang VC te hian ram pe sela, chu ram chu sorkarin nawr zawl hmiah hmiah sela, a panna tur kawng chhete sial nghal zel bawk se. Khelmual hrim hrim hi kan ngah chuan naupang leh thalai te'n infiamna tur hmun kan ngah ang a, kan phullem phahna khelmual tha te pawh hi kan dim thei deuh ngei ang le.
Internet
Internet hi sawi a bang thei dawn lo, nitin zantin ka hmang miau si a...... Internet hi a tangkai hle a, kan hmang tangkai thiam anih chuan thil tha tak a ni. Chutihlaiin internet hman man erawh a to lulai khawp mai. Tunah hian 750 unlimited plan ka hmang mek a. Ka thlatin bill chu Rs 650 - Rs 680 bawr vel a ni thin. Kum khatah chuan Rs 7800 atanga Rs 8160 inkar sen ral a lo ngai a. Heiti zozai sengral chung si hian internet kal tlangin pawisa hmuh a awm thei si lo. Kum khat chhunga ka khawhral tur zat hi a tam tham riau. Ka fapa tana cycle ka leisak theih loh laiin internet avanga ka sum khawhral tur zat erawh a tam tham hle mai. Torrent download leh eng enge maw download hmanga thil tlemte kan hmu ve thin tih mai loh hi chu hlep a awm miah lova, hlohna hlir a lo ni zawk. Internet avangin mit a hah a, mut hahchawlhna hun a tlem avangin taksa a rimtawng a, mut ka kham lova, zanlam huntha leh hlu tak tul lovah ka khawhral mai mai a. Hlawkna engmah a awm si lo. Mahse, chuti maia tihtawp erawh ka tum bik chuang der lo.
Tunge ka nih?
Kei hi tunge ka nih a, eng ti turin nge he khawvelah hian ka lo pian chhuah le? He mahni leh mahni ka inzawhna hi, a chhanna diktak hrechhuak tur chuan ka ngaihtuahna hian a phak ve lo ve. Kan nihna ang ang hian awm mai ila, nalh min titu in nalh min ti se, nalh lo min titu chu lo lunghnur vel mai mai se a tawk chiah. Thalo min titu sang tam tak zingah hian kan thatna lai min hmuhsaktu hi chu an lo awm ve leh chawk thin.
Kei hi tunge maw ka nih chiah a, eng ti tura lo piang chhuak nge ka nih pawh ka inhre chhuak zo lo ve.
Tunge ka nih?
Kei hi tunge ka nih a, eng ti turin nge he khawvelah hian ka lo pian chhuah le? He mahni leh mahni ka inzawhna hi, a chhanna diktak hrechhuak tur chuan ka ngaihtuahna hian a phak ve lo ve. Kan nihna ang ang hian awm mai ila, nalh min titu in nalh min ti se, nalh lo min titu chu lo lunghnur vel mai mai se a tawk chiah. Thalo min titu sang tam tak zingah hian kan thatna lai min hmuhsaktu hi chu an lo awm ve leh chawk thin.
Kei hi tunge maw ka nih chiah a, eng ti tura lo piang chhuak nge ka nih pawh ka inhre chhuak zo lo ve.
A ṭha zuai zuai e. I chuk lawr thiam khawp mai! Kei pawh hi tun lai chu mi thinrim hma tak ka ni ve ta reng mai. A hma chuan zaidama an sawi ṭhin ka nih tehreng, ka khawvel hman a danglam tak em vangte pawh a ni ang. Insiamṭhat erawh ka tum nasa a, chuti maia awlai a ni hauh lo mai. Mi zaidam takte an awhawm ka ti ngawih ngawih.
ReplyDeleteKei pawh internet-a ka senral hi a tam mah mah ka ti. Mobile-ah internet pack cheng 98 ka thun a, photon ka hmang a, cheng 750 man ka thun a, thla khatah. A hautak lutuk a, ka rawn online thei tawh lo ṭep e...:)
Mizaidam tak te hi an awhawm thin khawp asin. Hote tea ka insehruhna kha anni tan chuan engmah a ni si lova. Enge maw an ei bik a, mite hi an zaidam em em bik le??? tih mai a awl dawn....
DeleteInternet hi chu aw.... hman a nuam si, duh duh kan hmet chhuak per per mai si a, a nuam ve reuh em a ni.
Photon 750 man chu unlimited a ni ve em le? Unlimited lo hi chu hman mai mai chi a ni lo ania aw. BSNL EVDO 750 hi hmang chhin teh. A hmang tawh te'n an fak viau,unlimited a nia.
Aw.. 750 chu unlimited a nia, internet browse nan bik. Mahse, download chu 1GB emaw ni chauh! Engmah a download ngam loh. Mahse, hman theih loh a awm khât khawp mai. Thil dang hi ka la hrechiang hlawm vak lo va, photon-ah ka la tap mai mai rih a nih hi!
DeletePhoton chu ka nei thin a, tunah pawh ka la kawl reng, mahse ka hmang duh tawh lo. Pawisa a hek em mai. Ka neih tirh chuan 800 kha unlimited a nia, chumi hnuah 555 unlimited a ni leh a, khatih lai khan browsing chauh unlimited a nia, eng thil pawh download ila, ka chawi vek. Fair lo tak a ni.
DeleteA chunga ka sawi EVDO khi, photon ang deuh a nia, duh duhna ah a ken sawn theih. 750 unlimited khi hmang ve rawh, a tha an ti khawp mai. Unlimited anih chuan unlimited diktak a ni tur a ni. BSNL broadband 750 unlimited ka hmang a, engmah ka chawi belh tawh lo.
I va theh kual tha hlawm ve, thinrim hi a awl khawp mai a, insum har pawh ka ti. Mizoramah khan ka zaidam ve hman viau chuan ka hria a, vaiho ka hrawn a, hauh an lo ngai leh thin nen; zaidam deuha tih an hrethiam lo thawthang nen...ka la buan tang tang hrih a ni. Anger is a short madness tih hi dik khawp chuan ka hria.
ReplyDeleteZaidam hi a tha, thenkhat zaidam dan erawh chu an fin em em vang pawh a ni chuang lo va, an ngur chuai ve deuh ngawt ve tho chuan ka hria. a la tha zawl tal e.
Khelmual khi a dik khawp ang le.
Internet hi 98 man phone-ah leh Computerah ka hmang ve tang tang hrih, Micromax ka hmanga tha ve viau chuan ka hria. Ka duh changin 3G pack ka thun a, mahse tul bikteah lo chuan ka duh lem lo. Tha ve deuh chu 3G data pack hi a ni a, Vodafone hian sim card-ah Rs 103 hian 200mb chauh a luh laiin data pack (use and throw) ah chuan 199-in 2.5GB a lut a, a tha khawpin ka hria. Airtel a la tha leh deuh 3G data pack-ah chuan Rs 149 in 3.5 GB a lo lut thung, mahse download theih chin an tukin ka hria.
Internet hi aw, phone lah chu internet tel lo chuan a nung duh mang der tawh lo a ni ber.
Pu Rp, i comment chhiar a nuamin a ngaihnawm hle mai. Kei hi eng ka tia maw ni, a chang chuan thin ram riau lai hi ka nei a, a chang erawh chuan ka flexible em em lawi thung si. He khawvel, englai pawha thil danglam thleng zut zut reng karah hian, nun pangaia nung khawchhuak chho thei tur chuan nun flexible lutuk, eng thilah pawh mahni in adjust zel theimi nih hi a tul ta hle chuan ka hria. I sawi hi a dik, rilru zau tak put vang te, mahni rilru control vangte ni lem lova pawngpaw zaidam ve ngawt hi chu an awm chiang a ni.
DeleteI awmna lamah kha chuan internet kha a chak that ka ring a, helam hi chu e..... satahchhuak inpek ang deuh a la ni, kan mamawh miauva, kan hmang lo thei si lo anih hi. A hahthlak khawp mai.
I tibengvar thlak hle mai. I huam chin a zau a, nangmah hrim hrim hi i 'variety' ka ti. I thuziak reng reng hi a 'multi-purpose' bawk.
ReplyDelete