Post tur a vang em mai, June thla thar lawm nan dak kual vel mai mai teh ang. Tun lai chu ka nunkhua hi thlaler, tuihna awmlohna ang mai a ni, a ro hian ka ro ngawih ngawih mai. Keimah atang hian thu tha leh lak tlak chhuak tur reng reng zu han awm hauh lova maw le. Thu leh hla lama ka ro tluk zetin ka vun pawh a ro, boruak leh thuamhnaw erawh an hnawng churh thung. Thenkhatin 'khawvel a tawp dawn' an ti, a hun an sawn hla leh; thenkhat lahin Nibiru an lo ti thul. Kei ve lah chuan nun bul kan tan ve ek ek dawn chauh a la ni si a. Mihring hi a va lo inan loh theih tak em. Blog update ve hram ka duh si, ziak tur reng reng ka hre si lo, engtin nge maw ka han tih dawn le. Ka thu dawn nge, ka ding dawn nge, ka mu dawn nge, ka inngaihtuah mek....
"An ti sup sup sia, tih ve loh te chu a..." tia blog ka siam ni atangin ni enge maw zat a lo liam tawh reng mai. Pathian zara han dam hi chuan, ni leh thla te a liam ve zung zung a, sakhmel erawhin that lam a pan thei chuang si lo anih hi. Kan thianpa pakhat thusawi ka hre chhuak fo thin; 'tleirawl chhuak thar an hmel a tha tul tulh a, nupui neih lam hi a hmanhmawh thlak vak loh' a ti. A dik khawp mai, tleirawl an hmel a tha tulh tulh a, an duhawm tulh tulh; ani erawh a upa tulh tulh a, a vuai tulh tuilh thung. Mahni inhriatchian hi thil harsa tak a lo ni. Ni leh thla a liam a, kan vanglai hun tha te'n zawi zawiin mual min liam san mek anih hi. Eng ni lo mah ila, mahni tawka kan vanglai hun ve te kha a ngaihawm thin khawp mai.
Hun hian min nghah tum miau hek lo, kan lei vir mup mup hian a tum ram lam panin min her pui muai muai mai si a; tunah pawh kumin kum chanve June thla chu kan lo chuang kai leh ta der mai. Kumin chhungin chumi-khami chu ka ti ve ang, tia ka lo suangtuah lawk ve te lah, tih mumal ka lo la nei reng reng hlei nem le. Tum hi chu ka nei ve thin, ka tumte a that thin ang huin a tihhlawhtlin lam erawh ka peihna hian a tlin lo fo thin. Hei vang hi a ni mahna, tun thleng hian hma ka sawn thei reng reng lo nia. Hmasawn chu sawi loh, thiamthainu mawngtawlh iangin a hnungtawlh zawngin hma ka sawn ni hial tein ka hre fo thin.
Hun hian min nghah tum miau hek lo, kan lei vir mup mup hian a tum ram lam panin min her pui muai muai mai si a; tunah pawh kumin kum chanve June thla chu kan lo chuang kai leh ta der mai. Kumin chhungin chumi-khami chu ka ti ve ang, tia ka lo suangtuah lawk ve te lah, tih mumal ka lo la nei reng reng hlei nem le. Tum hi chu ka nei ve thin, ka tumte a that thin ang huin a tihhlawhtlin lam erawh ka peihna hian a tlin lo fo thin. Hei vang hi a ni mahna, tun thleng hian hma ka sawn thei reng reng lo nia. Hmasawn chu sawi loh, thiamthainu mawngtawlh iangin a hnungtawlh zawngin hma ka sawn ni hial tein ka hre fo thin.
Sawi tur ka hre lova, ziak tur reng ka hre hek lo, sak tur ka hre lova, chham tur reng ka nei lo; midang han tihlima fiamthu thianghlim han thawh bawrh bawrh lah ka thiam ve si lo va, ka thu a nawi lutuk hma hian thuai bung vat teh ang. Heti chinte mai hi blog update nan chuan tawk mai teh se.
Hahaha.. Kei pawh tun lai chu ka hul khawp mai. Internet ka khawih nasa hian min tikang deuh a mawni chu aw ka ti deuh. Ka tuihnâng tawh lo tlat.
ReplyDeleteNia, i ziah ang khian mahni inhriatchian chu a lo har ngawt mai. Mahni hi inhrechiang ila chuan midang kan sawisel kan sawisel lo tur a nia.
Ts, thu nawi mai mai pawh ziak ila, uluk takin min chhiar sak a, a thalai awm thei tur ang ang min rawn thur chhuah sak thin a, ka lawm khawp mai.
ReplyDeleteHul rau rauah kei ni hul ai chuan thu leh hla i la ngah zawk a lawm mawle. Thu ziak mi ka ni lem lo bawka ka rilrua luh fuh te loh chuan thu hi ka ziak ngawt ve thei lo tlat. Nang chu hei i hul thu ringawt pawh chhiar tham fe i ziak thei bik a lawm :-)
ReplyDeleteNupui lam i sawi takah chuan, Tlangval pakhat pawh nupui tur a duhtui ve angreng sia, a thianten, "I phu tawk te hi hre ve ta che" an tia "Ka phu tawk te chu ka hre ve reng a lawm, an chhe em a ka duh bik hlei nem" a ti ve tho a lawm :-)
-triplestar
"Tleirawl chhuah thar an hmeltha tulh tuly a, nupui neih hi a hmanhmawhthlak vak lo" dik fu niii....TSa te fiamthu mi takin, 'Ho kan tih hi a ho lo asin' Ho lo kan tih hi a ho asin'
ReplyDeleteHo i tih thi a ho lo asin.Tha lutuk
Kei pawh hi ka hul riau mai. Khua a tuidul a, keini kan hul ve thung anih mai hi, tiro ku Ts?
ReplyDeleteRilru hian tum a nei thin a, rilru neitu te hian kan bawhzui peih thin si lova hairehai. I hul pawh chu i dap chuap tho anih hmel, a tlawr tha viau tho zel si. :)
ReplyDeleteThian duhtakte u, fate damlohna hian ka hringnun an a tichau zo anih hi. In comment hlu tak tak te pawh ka chhang hman lawk lo che u a, min hrethiam dawn u nia.
ReplyDelete@triplestar:
Mahni phu tawk hi hriat a lo har anih hi. Ph tak lek chhai ai chuan phuloh Di han chhaite hi a nuam ve a nia. Mahni phu tawk lek hi chu, ni e, an chhe ve deuh em a ni....ha ha ha...
@mapuiasmack:
Milar han nih a, lar vanglai tak leh tlangval that vanglai taka nupui han neih daih mai hi chu 'a hmanhmawhthlak loh' duh ngawtin ka ring.
@CyberThug:
Keini mahni thawh hlawh pawh a huna la ve thei lo, michhe daikil kara cheng, tlang bai al ilo fahran leh Sa-um takngial pawh ngheia tem pha lo fo thin tan chuan, ro ngawih ngawih mai loh chu hmabak a awm lo anih hi.
@H.Vangchia:
Fa te avang hian kan hlim a, fa te avang vek hian kan lungngai leh thin anih hi. Rilruah thil dang a lut thei mawlh lo, ka ro vawng vawng mai.
Mapuia, hahaha.. Kha pawh chu :-)
ReplyDeleteBlog update nan tala thu tha tak i ziak thei hi ka tluk lo hle chein ka hria. April thla kha i lo ziak lo va! I thuziak hi chhiar a hahdam a, han thleh kawi vel hi i ti ve ngai lo va, chhiar a nuam ka ti thin. Vawi thum ka chhiar hnuah ka comment ta hram a nih hi! Keep going....
ReplyDeleteDolerich, i ti lawmawm e. Tun tum ka thu ziak ve teh thlawt hi chu ka chhuang lo teh asin. Vawi khat mai chhiar lova, vawi thum lai min chhiar chhuah sak hi i zahawm hle mai. Ka lawm e.
ReplyDeleteHul thu leh ziah tur hriat loh thu pawh ngaihnawm takin i ziah theih hi le.
ReplyDeleteRilru chak ve lai hun, rilrua thu a lo awm a ka ziah ve zung zung theih lai te kha ka ngai, KTP chanchinbu ka enkawl ve lai te kha chuan sermon leh editorial te hi rilrua awmsa a awm loh pawn pen ka hum chawt a ka ziak ve mai thrin kha a ni a, tunah zawng ka heti zo ta a nih hi. Blog neih ve te pawh hi chak mah ila lungtum sut darh tum ang mai a ni e.
Caribou, Pathian kan nei alawm le. Pathian in kan inenkawl nan mihring te thiamna a pe a. Chumi hmang chuan damna dawi tha tak2 an siam ve ta zel mai. Hmangaihna in i enkawl a, mithiam te thurawn angin i enkawl bawk chuan Pathian zarah an dam leh maiin ka ring tlat a ni.
ReplyDelete@Sama:
ReplyDeleteI lo lenglut a, ka lawm khawp mai. KTP chanchinbu hial lo enkawl tawh i nih chuan, ziak tur i hre tam khawpin ka ring.
@HV:
Pa tan chuan kan te hi kan hlimna an ni a, hlim taka an tualchai te hian hlimna leh lawmna min thlen thin. An damloh leh an nat hian kan na ve thin a lo nih hi.
I comment hian min tithlamuang khawp mai. Ka lawm e.
I hul vak loh hi mawle? a tlar thla ve duat a lawm, he3,.....
ReplyDelete@Hmelthate, welcome, welcome, i lo leng lut ve duh a, ka lawm khawp mai.
ReplyDeleteBlogspot te,Fb te, yotube etc. hi kan ramah hian an block a, proxy hmangin ka ranw lut thin a. Tihfuh loh chang chuan comment te hi duh hun hunah ka pe hleithei thin lo.
ReplyDeleteI post tur hriat loh thu i post pawh hi post creative a la tling phak tho tihte mai hi kan sawi tlai khawhnu ve nise!:-)
hul rau rau-ah i hmeichhe thi hul lo deuh alawm, I thawmhnaw tal a la dap deuh chup a!
ReplyDeleteMipa tan tleirawl an hmeltha tulh tulh a, hmanhmawnthlak loh, hmeichhia hian enge kan sawi ve tak ang le..?
@Pu Sekibuhchhuak:
ReplyDeleteHarsa leh khirh ta chung pawhin min rawn tlawh leh hram thin a, nang nge nge, i va han tilawmawm thin tak em.
@Varte:
Tunlai chu ka hul ve chiang anih hi, hei, ka kamtam thei thlawt lo. Min rawn tlawh a, ka lawm khawp mai.
Tin, pangpar kuhmum leh la par parh ziktluak lo (tuaitir) ai chuan pangpar par parh tawh, par vul lai tak hian nalh titu leh ittu an ngah zawk.
Hul thui deuh ve, haha. Nang nge nge.
ReplyDeleteKa awmnain a zir loh avangin blog ka update thei lova pawi ka ti, in thu leh hla chhim pha lova awm chu nikang hlo nem ang mai ka ni ka tuihnang lo hle a ni.
Han ti zel teh nang berin ro thu chu min fah teh suh.
Pu Rp, i bo pil rei vang vang hle mai. Chhungkaw lamah harsatna i tawk ta nge, i hnathawhna hmun in a zir lo zawk aw, tiin ka lo ngaihtuah neuh neuh thin a; hei, i rawn lang leh thei ta, a lawmawm hle mai.
ReplyDelete