Engemaw ti tiin eng thu thu emaw ka ziak ve ta nual a. Mahse Pathian thu lam hawi reng reng ka lo la ziak hleinem maw le. Ka nun hian Lalpa chawimawi lo thin hle mahse, khaw'nge ka'n ziak ve reng reng ang e.
Sual thihsanin Kristaah kan nung tawh a, Piangthar kan lo ni ta. A thihna avangin kan sualte phum bovin a awm a, a thawhlehna avangin chhandam kan lo ni ta. Mi tupawh Kristaa chhandamna a neih tawh chuan sual tih duhna a nei tawh lova, sual chakna a nei tawh hek lo. Amahah Krista chu a nun tlat tawh avangin a thil duhzawng te pawh Krista duhzawng te an ni tawh si a.
Kan zui Krista hi a thianghlim a, sawisel bo a ni. Amah zuitu ni thei tur chuan sual kan thisan ngei ngei a tul a, nun tharin kan nu a lo tul tawh thin. Nunthara nunbul tan chu mi piangthar te kawng zawh tur atana rahbi hmasa ber chu a ni. Miin hotu pahnih rawng a bawl thei lo va, pakhat huain pakhat a duh thin. Kristaa mipiangthar tawh tan Setana rawng leh Pathian rawng a bawl kawp theih tawh loh. Mipiangthar diktak chu chu phat rual lohvin a rahah a rawn lang chhuak mai thin. Krista zuitu chuan a thiltih thin te bansanin, thlemna nasatak leh kawng hrehawm tak karah pawh, nitin a kross pu chungin a zui thin.
Miin a thiltih thin te bansan a, rilru leh tihtakzeta Lalpa a zuia Lalpa tana a inpumpek tawh chuan, leilehna ah a kut a nghat tawh a, Lota nupui anga hawikir thei mai mai a ni tawh lo va, a nunhluiah kir leh thei a ni tawh lo. Vawi khat rilru tihvara awm a, van thilpekte tem tawh a, hawisan leh te chung a pik hle ang a, an chan tur chu Lota nupui chanpual ang lek kha a ni dawn a ni. Evangelist zui tlut tlut a, tluchhe leh ho pawh hi, buh pho vengah takngial pawh an tlak loh ve an tih thin pawh kha thilmak a lo ni lo. Pathian hawisantu chung chu pik hle tur a lo ni.
Tlang chunga khaw awm chu thuhruk theih rual loh khawpa langsar ani ang chiah hian Kristaa piangthar tawh chu, inthup tum eng ang mahse a chezia ah te, a nundan leh hawiherah te, a khawsak danah te hai rual a ni tawh lo. Piangthar diktak chuan Lalpa nena an intawn dan te sawi nuam a ti a, an sawi ning ngai lo va, an tlantu Krista an fak ning ngai hek lo. Thuin Lalpa an chawimawi a, hla hmangin an fak bawk thin. An eng chu Lalpa a ni a, chu eng chu, midangte tieng chhawng thei khawpin a rawn eng chhuak thin. Amahah mite'n Lalpa ropuina an hmu ngei ngei thin.
Piangthar tawh chuan, a hun hluia a thil lo tih tawh thin te atang leh a thian hluite atangin nitin thlemna a tawng fo thin. A thil lo tawn tawh a zirin a thlemna dawn pawh do a harsat dan a inang lo viau thei bawk. Eng anga thlemna nasa pawh tawk se, amah tichaka thlemna lak atanga pui theitu chu, amah Krista chauh chu a ni si. Nitina Krista nena an inzawmna tinghet zual sauh sauh theitu leh a ralthuam tha neih te chu Pathian thu leh tawngtaina chauh a ni a. Chung a ralthuam te chu a thlauhthla ngai tur a ni lo. Krista nena an inzawm tlat chhung chuan eng doral mahin a hneh ngai lovang.
Piangthar tawh pawh nise, a chenna chu khawvel tho anih vangin nitina a tawn thin pangai reng a tawng ang a. A chang chuan thlemna nasa tak tak te, nuihsawhna te, hrehawmna te, lungngaihna te, tahna te, thinurna te, inhnialna te, inhauh thinurna te, deuhsawhna thlengin a tuar atan a rawn inchhawp chhuak vek dawn. Hetiang thlemna leh tawrhna satliah mai mai hi chu, Lal Isua tuarna nena tehkhin chuan "engmah lo" mai a ni si. Piangthar chuan a nun a uluk tur a ni a, mite'n amahah thiltha chauh hmuh an tum thin vangin nitin Pathian hnena inhlantharna nena a intuaithar reng a tul thin. Krista zuitu nih hi thil namai lo tak a ni a; sipai huaisen tak ang a awmin Krista tana dopuitu nih a ngai a, atana lakkhawmpuitu a nih a ngai bawk. Nitin thlemna te'n bei thinin thlemna tuifawn te'n vur hlawp hlawp thin mahse, a chakna Isua avangin a tuar hram hram thin a; engemaw changin tluk palh chang pawh a tawk thei, tlu mahse a tlu hlen ngai lova, huaisen takin tho leh mai zawk thin. Kan taksa hi Pathian in a ni a, kan vawng thianghlimin kan enkawl tha hle tur a ni a, sual lakah inthiarfihlimin Pathian chenna tlakah kan buatsaih thin tur a ni.
I ziak ngai lo va keini ngawt ai chuan i lo ziak thiam leh hle tho mai.
ReplyDeleteNi e, ringtu nun chu mi dangte tan pawha hai rual loh, ei tur awm mombati ang maia mi dangte en tura mahni lam ral zel ang hi a ni thin. Lawng nen hian an tehkhin thin a, a inawm ka ti hle thin mai. Lawng chu tuiah a awm a, mahse lawng chhungah tui a awm chuan a pil mai thin; khawvelah kan awm a, khawvel kan kawchhunga a awm chuan kan oil mai dawn hi a lo ni.
A manhla thin khawp mai. Ringtu, Kristian, Piangthar, he mi te pathum hi a in anglo vek ni in ka hria, Kristian te Gospel camping ah kan lut a, kan paingthar ruih ruih a, mahse ringtu nun nei tak tak hi chu piangthar in ti zawng zawng hian an nei vek ngai lo in ka hria.
ReplyDelete@Rp Pachuau:
ReplyDeletePathian thu lam hawi hi sawi tur ka hre tlem hle a, ziak tur pawh ka hre thlawt lo. Ka thuziak pawh khi a indawt chhoh dan khi a fuh zan lo deuh chuan ka hria. Tisa lama upa viau tawh pawh hi, thlarau lamah chuan nausen tluk lek ka la ni si a. I comment chhiar a nuam, ziak lehzel tur pawhin min tihuaisen sawtin ka hria. Ka lawm e.
@Ramenga:
"Gospel camping" i han sawi takah chuan, khawvelah hian gospel camping nei nasa ber pawl kan ni thei mai lovang maw? Krista zuitu te hi kan nghet lo a ni, kan rinna ah hian kan nghet mawlh lo. Sakhaw dang betu te pawh hian hetiang ang, camping ang chi hi chu an uar lo hle in ka hria, an rinna ah erawh an nghet tlur tho bawk si. Keini hi zawng, nausen chawbarh ngai reng thin ang mai kan niin ka hre thin.
I thu ziak te hi chhiar anuam thei hle mai. Mahni phak tawk thlemna kan tawng theuh... kan rinna leh tumruhna tichiangtu a niin ka hria.
ReplyDeleteIsua zuitu nih vangin kan tlu thei tawhlo tihna a ni lova, Amah vangin kan tho leh thin zawk a ni.
@H.V.:
ReplyDeleteA lang thut a, ka ziak ve thuai mai anih hi. Ziah tan dan tur ka hre lova, a tawp khar dan pawh ka thiam hek lo.
I comment:
Isua zuitu nih vangin kan tlu thei tawhlo tihna a ni lova, Amah vangin kan tho leh thin zawk a ni,
tia i ziak hi a dik khawp mai.
Sermon ropui chu a va ni tehlul em! Piangthar kan tih ber chu tu hi nge, Piangthar awmdan tur eng nge tihte chenin i ziak chiang khawp mai. 'Kan taksa hi Pathian in a ni..' i tih khi mi zawng zawngin fiah takin hre thei ila chuan keimahniah sual a zalen thei hauh lovang. A tha ka ti khawp mai.
ReplyDeleteTun tum chu science lam atang ni lovin a gospel lam atangin a ni ve thung a ni maw, he lamah pawh i lo duai lo hle mai a, chhiar a manhla khawp mai.
ReplyDeleteThlemna lam sawi takah chuan 'Thlemna a awm nia inring tan chuan engkim mai hi thlemna a ni thei' tih lampang ziak ka chhiar tawh thana ka inhriat chu..
TS:
ReplyDeleteI tilawmawm lutuk e. Pathian thu lamah na na na hi chuan zofate hi kan class a sang hle a, hei vang hian han ziak ve ngawt hi a huphurhawm duh kher asin.
Pathian thu lam a ni bawk a, comment lam pawh han thluaithlum vak tur ka van kher mai.
@triplestar:
Nia hei, thianpa, eng ka ti zo ta nge, ka gospel ruih mai, tun tum chu. Piangthar niha nunthar neitu tan chuan thlemtu tur thil hi a lo tam thei khawp ang. Zu in thinte paw'n 'khilaitu' tur an hmu thei em em a, drugs ti thinte paw'n a thlawna invihna mai tur an van hek lo. Hei vang hian thlemna a pung hluai a, thlemna hian a vurin a vur hlawp hlawp thin. Mahse, thlemna zawng zawng ah hian, kan duh phawt chuan, tlan chhuahna tur a awm zel thin.
Thian duhtak te u, ka thuziak hi ka chhuan loh tehreng nen, min comment sak liam liam a, ka rilru takzetin ka lawm hle a nia aw.
A tha hle mai
ReplyDelete