BHSS Golden Jubilee kan hmang zo ta bawk a, rilru ah Jubilee a la thi tak tak si lo; thingthu a la nun lai chuhin inlak thawvenna hun hman rel a ni a. Chu thurel chu lungrual taka phar thluk nghal a ni. Wednesday tlaiah rel a ni a, Thursday ah kal a ni nghal bawk. Mahni nuam tih zawng leh duhzawng lamah chuan tuan a tha tlangin thil a kaltluang pur pur khawp mai.
Kan kal dan hi pawh chawp takmeuh a ni a. Ruah a sur chuan "Tlawng hnar District Picnic Spot" ah kal tur a ni. Khua a that chuan "Tlawng lui, Thenzawl Road" lamah kal tur a ni ang. Zing lamah ruah a sur a, tha a tho lem lo hle.Mahse, vanneihthlak takin chhunah khua a tha ta ut mai. Kal dawn aruaiah, kalna hmun tur lam duh thlangin ban kan phar a, Thenkhatin IIDC an duh laiin, thenkhatin Tlawng lama kal an duh bawk. Thaza rual an la tam deuh bawk a, tuichen chak an tam zawk ni ngei tur a ni, Tlawng lui lama kal duh kan tam zawk vangin lungrual takin tlawng lui lam kan pan ta a.
Sawi thui lo mai teh ang. Duhtawka Tlawng luia chen hnuah ruah hmi a tla deuh seng seng bawk si a, IIDC Pukpui lam pan mai ang u kan ti a, lungrual takin kan kal nghal. Kan thlen hnu lawkah kan chaw order a lo thleng a, khua a lo tlailam deuh tawh bawk nen, chaw kan ei zui chu a ni nghal deuh mai. Thlalak tlem azawng ka han tarlang ve a. Digital camera atang ni lovin ka phone camera atanga rui lo hai lova ka hmeh mai mai a nia, a fiah loh pawhin min hrethiam mai dawn nia.
Kan programme hi pawh chawp programme takmeuh a ni a, a dangdaiin a nuam ang reng khawp mai. In kan thlen meuh chuan khua a thim ruai tawh a. Hetianga a huhova chhuah hi a harsain hun remchang neih a har hle a, a nuamin a hlimawm hle a ni. Engtikah tak a huhovin, lungrual takin chhuak ho leh thei ang i maw. Vawiina kan hlimni te hi nakinah chuan khuarei changin kan la ngai dawn mang e.
Sawi thui lo mai teh ang. Duhtawka Tlawng luia chen hnuah ruah hmi a tla deuh seng seng bawk si a, IIDC Pukpui lam pan mai ang u kan ti a, lungrual takin kan kal nghal. Kan thlen hnu lawkah kan chaw order a lo thleng a, khua a lo tlailam deuh tawh bawk nen, chaw kan ei zui chu a ni nghal deuh mai. Thlalak tlem azawng ka han tarlang ve a. Digital camera atang ni lovin ka phone camera atanga rui lo hai lova ka hmeh mai mai a nia, a fiah loh pawhin min hrethiam mai dawn nia.
Tlawng leihlawn bulah kan inchhawp hnawk rup mai.
Tlawng lei, tuichen zawh hnuah chhak lam atanga ka lak anih hi.
April par hian mit a tihahdamin zinkawnga chau taka zin thin te'n hmuh nuam an ti hle thin.
Eitur lam hi chu kan hnianghnar khawp mai.
Mi te iangin sakhmelin puak ti lo mahse, ka hang na a, ka chaw ei a tui a nia.
Kan programme hi pawh chawp programme takmeuh a ni a, a dangdaiin a nuam ang reng khawp mai. In kan thlen meuh chuan khua a thim ruai tawh a. Hetianga a huhova chhuah hi a harsain hun remchang neih a har hle a, a nuamin a hlimawm hle a ni. Engtikah tak a huhovin, lungrual takin chhuak ho leh thei ang i maw. Vawiina kan hlimni te hi nakinah chuan khuarei changin kan la ngai dawn mang e.
Tlawng chu alo van te em em vele. In thil tih dan khi a nawm duh hmel hle mai. In antui mawlh mai khi a dai ngei maiin tlak luh dek dek ka chak mange a :).
ReplyDeleteTichuan, i awm a tut nge i hnute alian :D hairehai. I thlalak i dah chhuak a ka lawm hle mai. Mi tamtak hetia inkawm/inbe fo si thlalak roh deuh ho hi kei rilru takin ka nel thei miahlo asin. A thuhrimah Lunglei lam, nang, Sangtea, Muantea etc. in puitling hlawm ngawt mai. In hnung zui a chakawm thin.
HV:
ReplyDeleteEisiam kan ruai a, kan duh duhna lamah kan tlan kual a, a tawpah kan inpeih veleh kan eisiamtu te'n motorin min rawn pe. A nuam dangdai asin.
Shillong kan awmlai khan guide nei miah lovin gym ah ka kal ve thin a.... tlema han thau deuh hnu hian duh aiin a langsar mah mah...hai re hai...
Mizoram chhung hi ka la dai zim hle. In veng lam pawh hi ka la thleng lo. In sikul hi chu la rawn hmuhve hrim hrim pawh hi ka chakin, ka ba ve nite pawh hian ka hria.
ReplyDeleteA chhan ( mimal thil ani nangin kan sawi mai mai ange ) : 2009- China atanga ka rawn hawng kha, China let lehna tur sum ka indaih lo nasa mai a ( inluahman, school fee+visa, thlawh hawnna tur tak ngial pawh )U Rem Rema ( Remsangpuia leh Beii ) te kaltlangin, in school; Evengelical Cell -in pawisa tam deuhvin min tanpui a, chung hmang chuan thlawhna tickette ka leive leh thei ta a. China-ah rawngbawl hna ka chhunzawmve leh theih phah ta ! Pathian rinawmna in sikul kaltlanga ka hmu kha, vawiin ni thleng hian kala theihnghilh thei lo. In kohhran misawnari pawh ni miah silo kha!
Ka sawi sikul hi, i thawhna sikul hi ani ngeiin ka hria.
Kawngte anuam tawh bawk a, rawn hawn leh hun chu rawn tei phei ve mai mai tur ani.
seki, an lo van thawk ropui vele BHSS chu.
ReplyDeletecaribou, i hnute alian hrim2 emaw ka ti tep alawm hairehai :D
Eng kohhran mi pawh nise, ramthima rawngbawl tura ke pen chhuak missionary te hi chu an hlut dan leh ropui dan a inchen vek. A enkawltu kohhran kan danglam mai chauh a ni e. Kan sikul ah hian Evangelical Cell te hi an chak hle thin a. Kumin hian an thawm a dai ang reng khawp mai. I hman remchan hunah chuan lo la tlawh ngei ngei rawh.
ReplyDeleteRemrema kha a fel khawp asin. Shillong kan awm lai pawh khan rawngbawlna lamah a inhmang khawp mai..
HV leh....ha ha ha. Dar kum deuh, pharh tha vak lo ho hi kan awm a tut hma deuh chuan ka hria.
ReplyDeletehairehai :D
ReplyDeleteA Jubilee ai mah khan a follow-up programme khi a nuam dawn anih khi le. In lawm lai khan Lungleia ka awmlai ania, Serkawnah pawh ka rawn chho asin mawle. Mahse ka buai lulai lutuk a, engmah inhriattir hman anilo a tin ni. A nungchunga han hmuhve che pawh ka chak tehreng nen
ReplyDeleteCyber leh ta mai mai chu aw, i va han ti ho e. Lo peng phei zeuh la chuan a nawm dawn nen. A hmuh lamah erawh, hmuh tlak ka awm mawlh lo.
ReplyDeleteCyberThug leh ta mai mai chu aw, i va han ti ho e. A hmuh lamah erawh, hmuh tlak ka awm miah lo na a, lo peng phei zeuh la chuan a nawm dawn nen.
ReplyDeleteA nawm hmel hlawm hle mai. April par khi a mawi khawp mai. In eitur chu riltam a tizual mang e! Hotupa pawh NEHU vela i zir lai chuan hai i awl fú lo maw?:-) Hahaha..
ReplyDeleteKawngpui dunga April par vul chuk thlir tur a awm thin hi zinkawng zawhtu te tan chuan khaw hawi a tinuamin a hahdamthlak huai thin asin. Hemi ni hi, Jubilee lawm ni aiin a nuam fe zawk.
ReplyDeleteNEHU lama ka zir lai mai pawh a ni lo, tun thleng hian min la hai nawk nawk fo mai. Mak ti taka min en ngawih ngawih tu lah an bo nahek lo. Nangni thian duh tak te nena eng tik ni emawa kan inhmuh hunah in lunghnur loh nan ka "sakface" tlawm tak hi advance in ka han tarlang lawk anih hi. Ha ha ha....
I thlalak han sawi tâkah chuan hmanni-ah Pi Malsawmi (Maisek or Hnamte Malsawmi) ina ka awm laiin i blog kan en a, i thlalak ka la a, photoshop a lo nei lo khanglang a! Engtin emawa han sawisaka facebook lama upload ka tum asin le...hahaha.
ReplyDeleteChuan, ka lo chîk ngai lo va. I blog banner khi a mawi ka ti hle mai. Rilru a tihnîm ruih mai. Khitiang khi ka la thiam lo, mahse, mawi hi ka ti ve em em ringawt mai thîn.
Ekhai a, thlalak upload te chu a tih chi nang le..... Ti lo mai rawh. Muantea of misual.com hian nuam a ti, upload sak hmiah hmiah rawh. A lawm thei lutuk. Tin, Pi Maiseki leh Pu Sama Khiangte te thlalak kha sawisa la, lo upload zawk teh. A hit khawpin ka ring.
ReplyDeleteKa banner thlalak min fak sak a, ka lawm kher mai. Nitla tur kawl eng sen phut ka hmu a, lak ve ngei tumin Zotlang kham chung kawngpuiah ka tlan phei a, ka phone camera hmangin ka hmet ve ta mawlh mawlh mai a. Phone camera sensor hi a lo chak vaklo a niang, tlai lamah chuan duh aiin a fiah lo khawp mai.