Tunlai chu ziak tur a vang kher mai, hetiang te chuan blog pawh a khawro thei mai dawn alawm le. Ziak tur hriat loh manah Hmangaihna lampang bawk hi ka'n khel leh nuah nuah ang e.
Hmangaihna chungchang hi chhiar huphurhawm khawpa sei ka ziak tawh a; ziak tawh leh sawi tawh awm ve thei lo hmangaihna na na na hi chu nitina a thar leh zel thin anih ang ngeiin sawi a bang tak tak thei dawn lo anih hi. Ka ziak hmasak kha chu hetah hian a chhiar theihin a awm e.
Phut let neilo hmangaihna aia hlu zawk hmangaihna a awm thei dawn em ni ka ti thin tak na a, Hmangaihna chuan hmangaihna a phut let thin miau si. Hmangaihna chuan chhanlet a phut a, enge maw beisei let a nei thin. Chutiang zelin chhan let loh hmangaihna natzia hi aw. Chhanlet hmangaihna chuan hlimna vawrtawp a thlen laiin, chhanlet loh hmangaihna chuan lungngaihna, rilru natna leh zahna nasa tak mi a thlen thin. Sawi chhuah miah loh hmangaihna pawh hi a par chhuak hlei thei lo chu anih hi. Mi pahnihte inhmangaih tawnna chu a duhawmna zawng zawng nen thup rual lohvin a rawn par chhuak thin.
Thenkhatin hmel hmangin duhzawng an zawng a, thenkhatin family background an thlir a, thenkhat chuan lehkhathiam leh mahni inhaiveng thei kher an zawng thin. Hmeltha leh neinung, khawsa thei, kan zawn luatna lamah min hmangaih ngawih ngawihtu, khuanu ruat, khuanu samsuih nihpui ngei tur te hi kan hmuh hmaihin kan hmuh kan fovin ka ring thin. Tin, zahzum luattukna hian mipahnih inkara hmangaihna chi tiak thei tur chu a tisukuk thei tho bawk awm e. Inhmangaih tak te pawh hi, karah hem thlaktu an awm chuan engkim a tawp vek thei thin bawk. Phulo leh tlinglo tlat nia inhriatna pawh hi hmangaihna piantir theilo tu pakhat a ni thei bawk ang chu.
Min tuam mawitu "savun" phena hmangaihna inthup tlat hi hmuh fiah a harsa thin. Hetiang hmu fiah thei khawpa kan mit tih vara a awm meuh chuan "Hmangaihna mit hi a lo del lo chiang kuang thin hle". Chu hmangaihna chuan, amaha inphum ru, mite hmuh ve loh min hmuhtir thin. Hmangaihna mit tihvara a awm meuh chuan elrelna te, insawichhiatna te hian thinlung a hneh zo tawh lova, an thatlohna leh tlinlohna nia mite sawi lai tak chu khawngaihna pian chhuahtirtu a ni deuh deuh zawk si. Kan thatlai leh vullai chauhva min hmangaiha min duhtu an awm ve tho awm e. Chungtiang hmangaihna tawngtu nih chu ka hlauh ber a ni fo thin. Kan nihna leh kan tlin lohna ang anga min duha min hmangaihtu tluka hlu an awm lo. Harsatna tak tak kan tawh hunah chiah hian hmangaihtu der chuan a tlanchhiatsan thin a, hmangaihtu diktak erawh chatuan lungpui tluk zeta rinawmin a ding nghet tlat thin.
Hmangaihna hian hlimna tam tak min thlen thei a, chutih laiin hmangaihna kawng zawh fuhloh chuan rilru natna leh tahna thlentu, taksa thlenga nghawng pawi thei leh lungngaihna ruama min awmtir theitu a ni thin. Hmangaihna phatsantu chuan uirena kawng a zawh a, chu zet chu chhungkaw tana chhiatna leh tahna thlentu, chhungkaw tikehdarhtu, naupang rilru nasataka hliam tu, leh thihna hial thlentu a ni fo thin.
Suala ka bosan thin pawha min hmangaih reng thin tu Pathian min hmangaihna hi a rilin a va lo thuk em. Mihringte hmangaihna hi chuan rei a daih ngai lo fo va. Kan rilru hi a inlet thut thut thin, Pathian hmangaihna erawh a danglam ve ngai lo. Mihring tawng leh hla mai hian a phawk chhuak zo tak tak lovang. Pathian ngaihah chuan pawnchhe hnangkhai leh eklung ang mai chauh kan ni a. Pawnchhe hnangkhai hausa deuh te, fai deuh te, hmeltha deuhte ang lek chauh kan ni. Lei vaivut hmanga a siam mihring, amah siamtu phatsana A hmelma Setana lama kalsantu, chhanchhuak tura mahni leh mahni inti tlawm a, a ropuina zawng zawng kalsan vek theitu, keimahni avanga hmuhsitna, endawngna, zahna tuartu, a siam mihringte tluk leka hniama rawn indah theitu hmangaihna hi a va ropui tak em. Pathian hnena kan sual thawi dam nan na leh hrehawm tinreng tuara kraws lera khai kana awm a, thihna hneha tho leh Isua hmangaihna hi a ropui a ni. Kan nawmsak laiin amah kan hre duh lova, atan engmah kan huam ve hek lo. Ani erawh chuan tuisik mai kan nihlai atang tawha min hmangaihin, kan nawmsak lai ber atanga thihna luipui kan dai thlengin min hmangaih reng thin a, min kalsan ngai lo.
Tunah zet chuan kan changkang tawh a, kan inti sap tawh a, movies leh TV vela kan hmuh thin sap nula leh tlangval ho inngaizawng te'n sex an hmang thin te hi a dan tur reng emaw ti pawl te pawh an awm ta niin ka hria. Ngaisang eng ang mah ila sap ho chu sap angin awm rawh se. An tihdan kan copy vek a tul lem lo ve. An inchei dan zawng zawng lo copy pawh hi a tul lem lo khawp mai. Hei hi chu Mizoram a ni a, mizo culture ang taka kan nun thiam a ngai. Kan hnam leh khawsak mil tawk leka hmangaihna kan lan chhuahtir thiam a tul khawp mai. Hmangaihna hi tawngka leh chetzia hmangin lanchhuah tir thiam ila, taksa hmanga lan chhuah tir kan tum thin hian kawng ni lo lamah kan peng thin a lo ni.
Min tuam mawitu "savun" phena hmangaihna inthup tlat hi hmuh fiah a harsa thin. Hetiang hmu fiah thei khawpa kan mit tih vara a awm meuh chuan "Hmangaihna mit hi a lo del lo chiang kuang thin hle". Chu hmangaihna chuan, amaha inphum ru, mite hmuh ve loh min hmuhtir thin. Hmangaihna mit tihvara a awm meuh chuan elrelna te, insawichhiatna te hian thinlung a hneh zo tawh lova, an thatlohna leh tlinlohna nia mite sawi lai tak chu khawngaihna pian chhuahtirtu a ni deuh deuh zawk si. Kan thatlai leh vullai chauhva min hmangaiha min duhtu an awm ve tho awm e. Chungtiang hmangaihna tawngtu nih chu ka hlauh ber a ni fo thin. Kan nihna leh kan tlin lohna ang anga min duha min hmangaihtu tluka hlu an awm lo. Harsatna tak tak kan tawh hunah chiah hian hmangaihtu der chuan a tlanchhiatsan thin a, hmangaihtu diktak erawh chatuan lungpui tluk zeta rinawmin a ding nghet tlat thin.
Hmangaihna hian hlimna tam tak min thlen thei a, chutih laiin hmangaihna kawng zawh fuhloh chuan rilru natna leh tahna thlentu, taksa thlenga nghawng pawi thei leh lungngaihna ruama min awmtir theitu a ni thin. Hmangaihna phatsantu chuan uirena kawng a zawh a, chu zet chu chhungkaw tana chhiatna leh tahna thlentu, chhungkaw tikehdarhtu, naupang rilru nasataka hliam tu, leh thihna hial thlentu a ni fo thin.
Suala ka bosan thin pawha min hmangaih reng thin tu Pathian min hmangaihna hi a rilin a va lo thuk em. Mihringte hmangaihna hi chuan rei a daih ngai lo fo va. Kan rilru hi a inlet thut thut thin, Pathian hmangaihna erawh a danglam ve ngai lo. Mihring tawng leh hla mai hian a phawk chhuak zo tak tak lovang. Pathian ngaihah chuan pawnchhe hnangkhai leh eklung ang mai chauh kan ni a. Pawnchhe hnangkhai hausa deuh te, fai deuh te, hmeltha deuhte ang lek chauh kan ni. Lei vaivut hmanga a siam mihring, amah siamtu phatsana A hmelma Setana lama kalsantu, chhanchhuak tura mahni leh mahni inti tlawm a, a ropuina zawng zawng kalsan vek theitu, keimahni avanga hmuhsitna, endawngna, zahna tuartu, a siam mihringte tluk leka hniama rawn indah theitu hmangaihna hi a va ropui tak em. Pathian hnena kan sual thawi dam nan na leh hrehawm tinreng tuara kraws lera khai kana awm a, thihna hneha tho leh Isua hmangaihna hi a ropui a ni. Kan nawmsak laiin amah kan hre duh lova, atan engmah kan huam ve hek lo. Ani erawh chuan tuisik mai kan nihlai atang tawha min hmangaihin, kan nawmsak lai ber atanga thihna luipui kan dai thlengin min hmangaih reng thin a, min kalsan ngai lo.
Tunah zet chuan kan changkang tawh a, kan inti sap tawh a, movies leh TV vela kan hmuh thin sap nula leh tlangval ho inngaizawng te'n sex an hmang thin te hi a dan tur reng emaw ti pawl te pawh an awm ta niin ka hria. Ngaisang eng ang mah ila sap ho chu sap angin awm rawh se. An tihdan kan copy vek a tul lem lo ve. An inchei dan zawng zawng lo copy pawh hi a tul lem lo khawp mai. Hei hi chu Mizoram a ni a, mizo culture ang taka kan nun thiam a ngai. Kan hnam leh khawsak mil tawk leka hmangaihna kan lan chhuahtir thiam a tul khawp mai. Hmangaihna hi tawngka leh chetzia hmangin lanchhuah tir thiam ila, taksa hmanga lan chhuah tir kan tum thin hian kawng ni lo lamah kan peng thin a lo ni.
Chhanlet loh hmangaiha hlan hi chuan lunglen a awl a, lunglen hi a chang chuan nuam ka ti viau lawi a. Lunglen nuam ti viau thin e tilo chuan chhanloh hmangaihna avanga lunglen erawh ka tuar peih der lo thung.
ReplyDeleteHetiang vang te pawh hi aniang e, ka mitin a mit a tawn a, awm thei tur ka hmuh/hriat loh chuan hmeichhia hi ngaihzawng ang zawnga kawmnel hi ka tum ngailo. Kawm pangaiin ka kawm a, min kawm ngeih dan atangin thildang a kai chho em/thei a ni em tih chik takin ka thlir ru reng thin. Thiantha pangai ang bak engmah awm thei dawn lova ka hriat chuan ngaihzawn tumin ka kawm ngailo.
Tichuan.... :)
@H.V. :
ReplyDeleteI comment a ngaihnawm khawp mai. Hmangaihna hi zawng englai pawha tuai thar reng ngai a ni a, sawi zawh tawh a awm thei lo va, ziak tawh pawh a awm thei lo anih hi. Kei hi ka rawlthar chhoh lai leh ka tlangval tirh lam hian ka zakzum hle a, duh zawng te, tha tih zawng te, a ruka hmangaih te ka nei ve thin. Sawi lang lem lova ka thup ral tak mai mai hi a awm nual a ni.
Hmeichhia hi kawm an nuam a, titipui pawh an nuam, mi an care thiam bawk a thian atan pawh an tha khawp mai. Mahse, hmeichhia hi chu hmeichhia ngang hi an nia, 'limit' a awm leh thin. Thian atan chuan mipa nge nge hi an nghetin an tlo thinin ka hria.
Biak che ka van duh tak che em
DeleteHmangaih neih hi a nuam a, hmangaihte'n min han hmangaih chiah hian a nuam bawk a. Ka thiannu pakhat chuan, "Ka hmangaih ni lovin min hmangaihtu ka zawng dawn.." a ti ve mauh mai. Thenkhat chuan kan hmangaih, min hmangaihtu ni bawk neih an tum ang a, thenkhat chuan an hmangaih chauh neih an tum bawk ang a. Chutiang vel chu a ni e. Hmangaih deuh emaw kan tihte hi inthen hnuah kan lo hmangaih loh zia a lang chiang a, hmangaih miah loh nia kan hriatte pawh hi kan lo hmangaih viau thin bawk. "Kan hnam leh khawsak mil tawk leka hmangaihna kan lan chhuahtir thiam a tul khawp mai," i tihah khian mahni phutawk bakah kawng engkima kan mil theih kan zawn thiam a pawimawh tih hi a telin ka hria.
ReplyDeleteA tha khawp mai. A hmasaah khan i lo luangliam tawh hle a! Ka comment pawh a lo awm a nih kha le.. Misual.com ka luh tirh lai a nia, blog hrang hranga luh kual kha ka hrรขt thin khawp a. Tun hnuah Mr. TSA ka hmu leh nawlh nawlh a! Lung chu a leng ve duh khawp mai.
Hmangaihte kiangah chuan engkim a a parvul thin a, khawvel hi a nuam ru veng veng thin. Min hmangaihtu avangin kan thla a muang a, kan hmangaihte avangin kan hlim thin. Min hmangaihtu an hlu a, kan duhzawng tak leh kan hmangaih zawng tak te hian hlimna sawi fiah hleih theih loh min thlen thin.
ReplyDeleteThianpa, i sawi khi a dik khawp mai. Zep thu cheng lo, kan society ah hian nasatakin social stratification hi a inphum ru ve a. Hemi avang hian kan phu tawk leh kan cho tawk chhai thiam hi a tul khawp mai. Mahni engmah ni chuang si lova ring nghahna han tihsan ve ngawt te, melh san ve viau ringawt te hi thil tul lo tak a ni.
Mr. TSA kha a bo ta vang vang mai si a, a ngaihawm khawp mai. Han kai tho leh hnuhnawh pawh ni la, a buarchuar zo vek tawh awm si a...he he he....
Pathian hmangaihna hi beisei tur nei lo ta ila chuan nun hian awmzia a nei lo viau ang.
ReplyDeleteSociety thu ah chuan I sawi khi a dik khawp mai, in hmangaihna ah pawh hian zir tur kan ngah.
"chutih laiin hmangaihna kawng zawh fuhloh chuan rilru natna leh tahna thlentu.." Rilru natna in mi a han tuam tak tak hi chuan tumah hmangaih loh tawp hi chakawm thin. Ngaihzawng lam ah chuan mi hmangaih viau pawh hi a 'den' tlat :)
@Jerusha:
ReplyDeleteThuziak tha tak hlui tur che ka nei lo chung pawha min rawn tlawh hram hram thin avangin ka lawm khawp mai.
Hmangaihna kan neih avang hian mihring nun hian awmzia a nei a, hmangaihte tana thil tih a nuam a, chu chuan mawhphurhna hlen chhuah tur neiah min siam a, hmalam hunah beiseina neiah min siam thin. Chu beiseina chu mihring nun khalh ngiltu pawimawh tak leh hrehawm kan tawrh lai leh lungngaihna kan tawh lai pawha min tichaktu a ni fo thin.