Pathian hla leh lengzem hla hi chu sawifiah kher ngai lovin kan hre vek a. Kan Mizo zaithiamte zingah a thenin Pathian hla an sa a, a thenin lengzem hla. A khawi zawk zawk pawh hi thu leh hla lam atanga lo thlirtu tan chuan a hlu em em vek a; kan zotawng literature tihausatu vek an ni.
Pathian hla leh love song sak pawlh hi a pawi em le?
Hei hi keimah leh keimah vawi tam tak ka inzawt fo thin. Pathian hla leh love song hi chu thil kal hrang daih a ni a. A hun leh a hmun azirin kan thliar hran thiam chu a pawimawh khawp mai. Gospel hla thinin love song a sak chuan kan thin a khei zar thin a, kan dem rawn luai luai thin. Chutiang bawkin love song sa thinin a hranpa ngata piantharna a chang anih lem lohva Pathian hla a sak chuan kan ngaisanglo khawp mai. A bikin kan Gospel hla sa thin te lakah hian kan beisei hi a sang mah mah thin in ka hria.
Pathian hla leh love song sak pawlh hi a pawi em le?
Hei hi keimah leh keimah vawi tam tak ka inzawt fo thin. Pathian hla leh love song hi chu thil kal hrang daih a ni a. A hun leh a hmun azirin kan thliar hran thiam chu a pawimawh khawp mai. Gospel hla thinin love song a sak chuan kan thin a khei zar thin a, kan dem rawn luai luai thin. Chutiang bawkin love song sa thinin a hranpa ngata piantharna a chang anih lem lohva Pathian hla a sak chuan kan ngaisanglo khawp mai. A bikin kan Gospel hla sa thin te lakah hian kan beisei hi a sang mah mah thin in ka hria.
Mipui lam pawh hi kan dik zan lo deuh chu a ni. Love song an sa dawn ani tih hriat sa reng concertna ah chuan pawisa tam tham tak senga concert ticket lei kan hreh loh laiin, Gospel hla an sa dawn ani tih hriat rengna concert ah erawh chuan pawisa sen kan hreh deuh tlat thin. Love song hlang hlak sa thin te zaia kan sawm changin pawisa tam tak sen kan hreh lo va, chutihlaiin Pathian hla sa thintu chu zai tura kan sawm changin pawisa tam tham pek kan hreh tlat lawi si thin. A chang phei chuan chibai mai lo duhtawk te, hlabu leh bible present a duhtawk ta mai te pawh an awm chawk a nia. An inpuahchah laia a hautak dan a inang reng a, music track siam nana an insenso zat pawh a inang reng bawk. Gospel hla sak ai chuan Love song sak hi kan zaithiamte tan chuan a hlawk zawk daih. Gospel hla satu tan chuan love song sak ve mai a chakawm duh ngawt ang le.
Love song sak hi sual a ni em?
Lengzem hla, thenkhat te'n 'love song' an tih mai hi kan hla neih zingah chuan a tam ber hial awm e. Nula leh tlangval in hmangaihna lam hla te, phuloh zun ngaih lam hla te, inthenna lam hla te, nupa inngaih lutukna lam hla te, khaw hmun lova cheng inhmangaih tak te luanliamna hla thlengin a huam a. A huam pawh a zau ang reng khawp mai.
Kan love songs ho hi han thlir chiang ta ila, a tam zawk chu phuloh Di zuna uaina lam hla a ni e, kan ti thei ang. Phuloh Di zuna uai zet chu a lo nat thin zia kan hre theuhin a rinawm a. Hmangaih berin ka hmangaihna a hnawl anih si chuan chu aia na a awm thei dawn em ni? Keini ang hla phuah thiam ve lo ten thu leh hlain kan puang chhuak ve thiam lo a ni mai a. Miin hla, thluk nalh tak nei hmang ngeia zah pawh dawn zo lova a hmangaihna luangliam a puang chhuak anih chuan a ropui ka ti. Suala ngaih mai atan chuan ka ui thin.
Mihring ina kan mihringpui te laka kan tihtheih san ber leh ropui ber chu 'hmangaihna' hi a ni in ka hria. Pathian hmangaihna ropui tak, dai ve mai mai lo, inphatsanna tel miah lo chatuan hawlh tlang hmangaihna erawh engtikawng mahin tluk phak ve lo mahse, mihring te hmangaihna hi, inhuatna ai chuan ropui tak ala ni tho tho. Hmangaihna lan chhuah tirna lam hawi hla te, hmangaihtu'n a hmangaihzia leh a duh zia, a tellova tlai khat len pawh a zuam loh zia a puanchhuahna hla te hi a ropui ka ti. Suala ngaih mai atan chuan ka ui tlat thin.
Krista zuitu kan ni a, nitin a kross pua Amah zui tur kan ni. A kross pua nitin zui erawh a har em em thung si. Piangthar nih avanga lengzem hla hnualsuat ngawt hi a dik ka ti thei lo hrim hrim a. Lengzem hla hian nunkawng diklo ah min hruai anih erawh chuan, chu chu sual a ni. Hetiang ngaihdan ka neih mek lai hian tunlaia kan hla thenkhat hi chu thu kal tluang pangai, thluk neia siam anni deuh hawt ta mai. Chuti a lo nih takah chuan lengzem hla thenkhat ah hian thu tha lo, leh nunkawng diklova midang hruai thei pawh a awm nawk ta ngei ang. Chutiang hla dukdak lo erawh chu hnawl ngam ta ila. Biakinah te, Pathian pawlhona hmunah te kan sa anih lem loh va lunglen zual changa lengzem hla sa a lo kiu ve ngawih ngawih hi sual ah ka ngai lem lo va. Thlarau nun tichau vek thei khawpa lengzem hla kan sa anih lem loh chuan lengzem hla sak hi, kei chuan sualah ka ngai lo.
Krista zuitu kan ni a, nitin a kross pua Amah zui tur kan ni. A kross pua nitin zui erawh a har em em thung si. Piangthar nih avanga lengzem hla hnualsuat ngawt hi a dik ka ti thei lo hrim hrim a. Lengzem hla hian nunkawng diklo ah min hruai anih erawh chuan, chu chu sual a ni. Hetiang ngaihdan ka neih mek lai hian tunlaia kan hla thenkhat hi chu thu kal tluang pangai, thluk neia siam anni deuh hawt ta mai. Chuti a lo nih takah chuan lengzem hla thenkhat ah hian thu tha lo, leh nunkawng diklova midang hruai thei pawh a awm nawk ta ngei ang. Chutiang hla dukdak lo erawh chu hnawl ngam ta ila. Biakinah te, Pathian pawlhona hmunah te kan sa anih lem loh va lunglen zual changa lengzem hla sa a lo kiu ve ngawih ngawih hi sual ah ka ngai lem lo va. Thlarau nun tichau vek thei khawpa lengzem hla kan sa anih lem loh chuan lengzem hla sak hi, kei chuan sualah ka ngai lo.
Mizo in Love Song kan tih tam tak hi chu hremhmun tlak na khawp niin ka hre lo. Hmangaihna hi chu Pathian min siam danah Mipa leh Hmeichhe inkara awm tur a ni ve hrim hrim a; hringnunah tunhma daih tawh atangin zai a lo awm ve bawk nen thu maia sawifiah theih loh puanchhuahnan a remchang a; hringnuna bet tlat a ni.
ReplyDeleteKan Mizo Kristian hmasa te khan thil thlir fuh lo an nei nual thin- Zu hmunah Khuang an leklam hle a; Kristianna a lo luh hnuah Khuang chu Setana hmanrua niin an ngai tlat a; Biak Inah pawh lakluh an khap hial a nih kha. An duhdan a khirkhiap avangin Mizo History a Hla pawimawh tak, Kaihlek Hla te kan lo neih phah ta a. Mahse hei kum te a'n liam zel a; khang hunlaia an ngaihdan ang ngawt kha a ni thei ta lova; zawi zawiin kan inthlahdul mek chu a nih hi.
Love Song chu soi loh Biak Ina Musical Instrument lakluh ringawt pawh an duh lo thin a; mahse tunah chuan Drum Set, Bass Guitar, Keyboard etc. nen kan nih tak nuai mai hi. Khuangpui leh Khuangte tlir ringawt chuan thalaite huikhawm an har tawh a, chindan thar kan chhawpchhuah zel tul ang bawkin Love Song sak hi sual a ni em, ni lo em? tih chungchangah pawh hian rilru zim tak kan put reng chuan Love Song satute kha 'Misual/Khawvel Mi' anni reng mai dawn a ni.
@Dawldanga: I ngaihdan hi mi tam berte ngaihdan a ni. Mahse, sap ho kha lo conservative viau lo ta se, tunah hian kan kristianna hi a dal viau tawh lawng maw, tih ngaihdan pawh a neih theih tho mai. Khuang hmanga Pathian fak hi kan culture nen a inmil chiah a, kan culture mil ngeia Pathian kan fak hi a ropui ka ti. Tin, khawvel kal chho zel ah, thiamna a pung ve zel a, Pathian kan fak dan leh musical instrument te thleng hian hma kan sawn ve zel tur a ni. Pathian chuan amah fak nan 'a tha ber' zel a duh dawn si a.
ReplyDeleteLayout thar maw?? en a nuam hle mai. ka thlak ve daih dawn emawni le hehehe
ReplyDeleteVawiin chu, hei, ka ninhlei a, ka khawih kual nasa mai. A tawpah heti hian a chhuak ta anih hi. Thlak kual ve chhin teh. A nuam ve mai mai a nia.
ReplyDeletechhiar a nuam hle mai..kei, Pathian hla hi chu ka dah san nachhan ni a ka hriat chu..engkim min petu kan pek let ve naah ka ngai a, lengzem hi a sual ka ti lem lo, mahse keimahni leh keimahni inkarah a tawp mai a,Lalpa phei chuan a ngaihmawh vak chu ka ring lo..te ka han ti ve ngawt a..awmzia nei maw...:)
ReplyDelete-Lynda
@Lynda: Piangthar diktak hian love song an sa ul ul ngai miah lo. Hei vang hian love song hian chhete mahin thlarau nun a chawm hauh lova, Pathian mite chuan Lalpa fak nuam an ti thin ani tih chiang takin a lang.
ReplyDeleteMahse, mahse.... ka han ti leh hram teh ang, chhawrthla eng no ruai hnuaia lunglen zual chang te hi chuan love song nge nge hi chu sak a lo nuam zawk a ni.
He thilah hi chuan keini chiang ringawt mah ila inhnialna hi chu a la awm reng dawn niin ka hria. Sentence tawp ber khi a dik chiah a; thil reng reng hi hman sual a, hman that theih a ni. An sawi fiamthu fo angin 'Hmangaihna Ka Ngen A Ni' tih hla pawh tu emaw chuan pianthar phah nan a hmang hlauh theih a, kan sawi phak a ni lo...KTP/TKP Programme hmang sual a sawn pai ta nawlh te pawh an awm ve bawk... chutiang kual vel chu a ni e. Tlangkawmna- Love Song hrim hrim hi sual a ni lem lo; mahse ringtute tan chuan Pathian fakna hla sak a tha zawk.
ReplyDeleteKhua a har tak tak hi chuan Lengzem ai in Pathian hla ngaihthlak ka duhzawk thin. Pathian hla hi chuan ngaihthlak rei a dawl em em bawk.
ReplyDeleteNaupang te te in Lengzem hla an han sa al al hi chu a mawi vak lo hian ka lo hre ve mai mai thin.
A mak ngawt mai, ka thlarau nun hi chhete mahin chawm lo pawh nise, lengzem hla sak hi nuam ka ti zawk tlat thin.
ReplyDeletePathian hla hi ngaihthlak nuam ka tia, Lengzem hi sak nuam ka ti.. :D
ReplyDeleteKan inang chiah anih chu. Lengzem hla hi chuan lung a len nge nge a lo nih hi. Keia thuziak ningnel ve tak tak te chhiar tura min lo tlawh a, i lo len luh thin vangin ka lawm e.
DeleteKa sawi tum in lo sawi nual tawh mai! Love song zawng zawng hi a thu te ngun taka han ngaihthlaka han chhiar chuan thil sual em em pawh a ni vek hran lo. Amaherawhchu, Mizo-ah chuan ka hre chiah lova, sap ho te leh nhnam dang te hi chuan Love song-ah rau rau pawh a thu ken thalo tak tak te an nei chawk!. Love song thenkhat phei chu mi thinlung a hneh theih nan te, an album hralh hlawk tak anih theih nan te setana hnena hlan te pawh a awm teuh bawk.
ReplyDeleteLal Isua Krista ringtu, mi piangthar tha/dik tan chuan thlarau nun chawm lo chu hawisan/paih/kalsan ngam mai hi tha in ka hria.
Nang meuhvin i han sawi chuan a dik thluam mai a. Ni e, love song han tih hluai chuan a lo huam zau em alawm maw le. Hla bawlhhlawh tak tak te hi chu sak ve loh a, ngaihthlak miah loh a him ber.
Deletecaribou, i ziak tha in i ngaihtuahna i rawn chhawp chhuak nalh khawp mai. Ka thlawp tawp che.
ReplyDeletekei pawh-in ka vei ve em em 1 a ni tlat. Ve ul ul a na.
Lengzem hla mizo in a kan neih ho hi chu a va thianghlimin a va inthlahrung teh luh em! Sak te pawh a nuamin, a hla thu a han chen veng veng te hi a nuamin a va hlu em!
Hmangaihna ah han luangliam thei lo lung pui e maw kan ni lo va, a awmzia te kan han hre ve thei te hi kan vannei in ka hria.
Tin, hmangaihna han hre tur hian mihring leh mihring in kar atanga lo in irh chhuak hmasa ber kha a ni tlat.(kan hriat chinah)Pathian hmangaihna te hi chu a awm sa, a zara lo thaw ve mai kan ni ti hi chu sawi ngai lova thudik awmsa ani. amah erawhchu hmangaihna han experience tak tak tur a lo hre thiam ve tur chuan midang kan va kawm a kan kawp theih te tang chauh kha ani phawt. Chuta tang chuan LOVE for GOD chu kan hrethiam ve tan chauh ani in a lang!
Thil sual ani theih em dan tur hi ka hre thiam chiah lo.
ti ve bauh bauh te ang...
zai ang, Pathainin a thil siam te fakin, mawina hmu theia min siam, hmangaihna nei tur leh duh tur a min siam, a khawvel thil siam te a lungawina leh hlimna nei thei tura min siam kan nihna hre reng chungin.... Kal mai te ang! Khawi tha thei hle mai caribou nge nge!
@Anonymous : I hming han tarlang hram la a tha tur. A tua pawh chu lo ni ta la, i comment hi a ngaihnawm khawp mai. Love song leh Pathian hla chungchang bikah hian thlir dan hrang hrang a awm thei awm e. Pathian hla sa tu nazawng an piangtharin an thlarau mi kher lo, chutih rualin love song sa nazawng an sual kher bawk hek lo.
ReplyDeletePathian hla sa thin chuan a nun a in uluk a ngai bik a, anmahni kan tehna leh endan pawh kan strick khawp mai; chutihlaiin love song sa thin erawh a nungchang ah tehna strick tak kan leklam lem lo.
Kan mizo love song hi, a tam zawk hi chu, i sawi ang khian an thianghlim hlawm khawp mai.
Ziak thra khp. A hma cuan helamah hyan k buai lem lo a, i ziak k chhiar a, k buai ta tlat! Hehe
ReplyDeleteLove song sak hi mizo zaithiamte tan a hlawk zawk fe, i tih lai tak khi k lo ralkhat chhut ve neuh2 in, a ni kher lemlo ve theiin k sia..(?).. Audio cassette hi zo zaithiamte lakluh ve na ber kha a ni thrn a, gospel cassette hi hralh hnem zawk a nih k va ring em! Mse, a zaithiam a zir poh ni thei ag cu. Gospel lama kal hian khovel thil tak pohin advantage a nei ve tho, ti ila, min pompui thei ngem le? Zah an hlawh a, ngaihsan an hlawh a, hmeichhe gospel singer phei chu nupui atan an tla na zok ve thei asin..heng te hi an thlir ve tho lo maw, mihring vek kn nia, indemna lam thu nilo se..
A ngaihnawm e.
Kan Mizo zaithiam zingah Lenglawng, lengzem & ramngaih-hla sa thinte’n, an pianthar avanga, “Pathian hla chauh ka sa tawh dawn”‘ tihho hi he tawngkam an chhakchhuak tih ka hriat a tang an hla thar sak ho reng reng hi ngaithlak ka tum tawh lo hrim hrim.
ReplyDeletePathian fakna hla chauh sa thinte(gospel singers)ho hi chu atantirh atang reng Pathian fakna hla sa an ni a, a tha, zaithiam nazawng, an piangthar tak a vanga, “Love song ka sa tawh dawn lo”, tih hi chu an intihhmuh ve mai mai niin ka hria.
Pathian tan an aw leh an zaithiamnate serh hrangho hi tha ka ti a, mi tih vang a loh tih ve ngawtte hi tul ka ti lo thung. Tin, farisaiho ang a lanmawi tumna hi ka huat zawng a ni a, kan piangthar a ni chuan kan nunah rah chhuah tir mai ila tih hi ka ngaihdan mawlte a ni.
Tin, zaithiamin Pathian fakna hla leh lengzem & lenglawng an sak vang a lo hmuh khaw lo ve ringawt hi keimahni thinlung lam leh kan ngaihdan hi a zim a ni zawk lo maw aw? ka ti deuh.
@Catherine rempuii: Concert leh show neih nikhua hian Gospel hla sa tam zawk hi chuan kut thinga chibai bak hi an hlawh meuh lo va. Lengzem hla sa ho erawh hi chu an sum hrawm a na thei riau niin ka lo hria. I thil thlir dan hi ka pawmpui khawp mai. Pathian hla retheihpui ngam, hlawk lohpui ngam te hi an zahawm, fak an phu ngawih ngawihin ka hria.
ReplyDelete@chepahakhata: I ngaihdan khi ka tawmpui khawp mai che. Mahse an pianthar hnua Pathian hla chauh sak tum tawh ho zai pawh hi ngaithla tho rawh. Anmahni mimal decision siam ania, kan zah sak ve tho tur alawm. Ka blog ah i ngaihdan i rawn thawh ve avangin ka lawm khawp mai.
ReplyDeleteBlog i va nei tha ve.. Ka rawn lenglut ve fo tawh ang.
ReplyDelete@Noddy: I mi fakna hi ka phu mawlh lo ve. I lo lenluh avangin lawmthu ka sawi a, lo lenglut fo turin ka sawm nghal bawk a che.
ReplyDeleteLOve song leh Pathian hla hi chu sak pawlh chiah ka ngailo. Pathian hla sa te hian rawngbawlna a ngaiin an sa theuhin ka ring a, Love song nen han chawhpawlh se chuan a ngaithlatu thinlungah hna athawh dan a dang daih ngei ang.
ReplyDeleteTirhkoh Paula pawhin miten an tluk phahna tur a nih chuan sa reng renga ei tawh loh tur thu a sawi kha mawle. Kan Kohhran Upa leh Pastorte hian Love song hi sa ta reng mai se, an mahni kan ngaihdan tur a lang nghal in ka hria.
Pathian hla rawngbawlna atana hmang thin, Biakina sa thin ngei mai khan YMA function ilo velah love song sa ul ul thin ta mai se, kan en dan chu a dang khawp ang le. Thenkhat an phunnawi ngei ang a, chu chuan mi derdep te rinna phei chu a chawk chhe thei hial mai thei. I thusawi hi ka pawmpui zawng tak a ni.
DeleteRingtu dik tak te chu(ringtu der nilo), nitin an nunah Krista nun mawi in lar chhuak tur a nih avangin Love song ai chuan Pathian fakna hla in an nun a luah tur a ni a,love song kha haw lem lo mahse, an rilru luahtu a ni thei lo. "Ka lama tanglo chu mi do a ni" titu kha kan Pathian a ni si a. Mi piangthar dik tak te chu Love song sak reng pawh tum se, sawn nilova, Pathian fa dik tak an nih chuan, Lalpa thununna an tawng ngei ang,Ka piangthar tawh a, love song sak hi a sualna ka hrelo titu te hi chu, in enfiah ngai an niin ka hria.
ReplyDeleteI blog ah ka lo lut ve tawp mai, a pawi em lovang chu maw....
I hming han thai lang zeuh la aw.... Ka bloga i lo luh avang hian ka lawm khawp mai. Lo lut satliah mai lova ngaihdan tha tak min ziah lan sak vangin ka lawm leh zual. I thusawi hi a dik lutuk. Hotu pahnih rawng a bawl theih loh tih a nih kha. Mi piangthar diktak tan chuan Pathian hla lo chu sak tur a awm lo, a khahin an khat liam zawk thin si a.
DeleteKei chu ka piangthar tawh a, vai film vel ka en tawh dawn lo, Bible lam film chauh ka en tawh dawn tih ang deuh a ni.
DeleteNgaihdan a inanglo hlawm hle mai. A nih leh, Gospel Singer hian amah chauha a awmlaiin Love Song (MIZO LOVE SONG) hi sa ta se, atan thil sual a ni a ngem? Kha Love Song a sak avang khan 'Pathian lamah a tang lo' kan ti angem?
ReplyDeleteA hmasa bera ka comment ang khian keini Mizo in Lengzem/Lenglawng kan neih ho hi chu a thianghlim viauin ka'n hre deuh a; hremhmun tlakna khawp pawh niin ka hre lem lo. Miin (khawvel pum huap ngaihtuahin) 'KHAWVEL LAM HLA' kan/an tih tlangpui hi chu Love Song hi a nih rualin hla dukdak lo ho an sawinaah kei chuan ka ngai deuh ber a. Sap hla tam takah chuan Pathian sawichhiatna leh Setana fakna lam te, tharum thawhna lam te, zahmawh lam te a tam thin hle tih pawh kei mimawl hian ka sawi ve kher ngai lovin kan hriat theuh ka ring.
Chung nena khaikhin chuan keini Love Song ve hi chu han in hmuh 'Rul thlah' ngawtna chi niin ka hre tlat lo. Mahse, a chunga ka comment ang khian keini Kristian tan chuan Love Song sak ul ul reng hi a inhmeh tawh lem lo a; sak miah tawh loh tur ka tihna lah a ni hek lo.
Chepa sawi khi a dikna lai a awm, miin a pianthar tak avangin 'Pathian hla lo chu ka sa tawh dawn lo' ti engang mahse Pathian hla chauh a sak vang ringawt khan miin a nun an en dawn miah lo.
Hmangaih berte hnena "Ka hmangaih che" tih hi sual a ni lo. Love song tam zawk hi thianghlim taka nula leh tlangval, nu le pa, inhmangaih zia puanchhuahna chu a ni chiang alawm. Pathian hmangaihna hi tluk zo lo pawh ni ila, huatna ai chuan Hmangaihna hi a ropui zawk tho tho mai. Love song hi malmak ngawt chi pawh a lo ni lem lo. Thianza hova zan thla enga ruilo hai lova han zai pawh hian Pathian hla ai chuan love song bawk hi sak a kal leh thin.
DeleteCaribou, midang tan ka sawi thei lova, keini ang zai thiam ve lo tan chuan pathian hla pawh, love song pawh mahni awm hmuna lo sak ve mai mai chu pawi pawh ka lo ti vak hlei nem!
ReplyDeleteMifingin "ka fing, chuti khati" an ti ngai lo. I zaithiam zia hretu an tam khawp ania aw. Kei ve hi, mahni inchhungah khawhar changa love song sak rut rut hi ka la ching khawp mai.
DeleteTuihna hmunkhat atangin tui tui leh tui lo a chhuak thei em ni?
ReplyDeletePublic a sak leh mahnia sak keuh keuh erawh a inang thei lo.
"Tuihna hmunkhat atangin tui tui leh tui lo a chhuak thei em ni?" He i tawngkam hman hi a ril in i sawi duh leh i sawi tum a fun kim khawp mai.
Deletema hmagaih i neih cuan i rilru ah love song chu a tla na xok ang.. pathian i hnaih lai cuan... khatiang xel kha nimai lo mi ka ti...
ReplyDeleteLove song sa te sum kan pek hrehloh gaihtuahin Gospel hla sate sum pek kan hreh i ti hi a dik hle in ka hria.
ReplyDeleteLove song hi PATHIAN hla nena tehkhin chi a nilo vin ka hria. A hrang hlak ve ve a ni. Pathiana mi piangthar tawhte tan Love song sak hi thil tha a nilo ka ti, kan thlarau nun chawmna tur thil lo chu paih ngam a ngai. Love song salo hian nula leh tlangval inhmangaihna hi a puitling thei. Ka nupui nen hian vawikhat mah love song in kan inawi lemlo, mahse Pathianin remruatna hnuaiah kan innei. Example ka neih ve a nih hi.
@Anonymous: I sawi dik lutuk. Ka pawm zawng tak a ni.
ReplyDelete@duhawma: I example pek khian min tinui huk mai. I han sawi takah chuan, kei pawh, ka nupui nena kan inchhai lai hian love song kan insak khm miah lo.
Anonymous and duhawma te, ka blog min tlawh sak a, in ngaihdan in rawn thawh ve avangin ka lawm khawp mai. In lo leng lut fo dawn nia.
I thute chiar aman hla khawp mai...... engtin nge Fb lamah te ka in hmuh theih dantur.....engtin nge kan in contack theih dan tur ni ang aw, ka mimal biak duh khawp mai che.
ReplyDeleteA hrethiam loten love song an sawichhiat thin dan thenkhatte:
ReplyDelete1. Love song hian Pathian a chawimawi lo.
2. Love song sak/ngaihthlak hian Isua tan kan sengkhawmpui lo.
3.Isua ni se a sa ang em?
4.Pathian hla awm reng laia love song sak/ngaihthlak te chu a..
5. Love song hi biakin ah sak chi a ni lo.
Ka chhan let ve na chu
Khimi point ka chhawp chhuah hoah khian 'Love song' tih khi thumal dang 'Inkhel en/nula rim/phone leh computer games khelh/ meizial zuk/kuhva ei/ comedian search en/etc.' angin han hisap chhin teh u. Hetiang hi chuan a fiah viau turah ka ngai..
A dik lutuk. 100% Amen
Delete