Lubuk chhep chhup, khuih mam lem loh hi chu hmuh a hahthlak a, a balh hmel bik a, hrik pawh a tam hmel bik bawk. Lubuk hi thenkhatin pa an tih viau laiin, thenkhat chuan zaithiam leh guitar perh thiam entirna ah an ngai a, thenkhat tan erawh mit tikham a tling thin. Lubuk chher chhura awm hi a hrehawm a, sam hmawrin beng a hawlh tan dawn dek dek anih chuan lumettu kan pan ruai zel. Lumeh hna hi thiam thil a ni ve a, mi nazawng thiam ve loh a ni. Khawtlang tana mi tangkai tak, an tangkai zia kan hriat loh fo thin, mitin ina kan mamawh si chu lumet thiam te hi an ni awm e. Lumeh dawr ah han lut ila, meh tir tuma nghakin an lo thu leh thup thin. Lumettu te hi an hlu a, kan mamawh a, hla takah pawh awm se, kan pan nal nal fo thin. Hei hian lumettu pawimawh zia a tarlang mai awm e.
Hna hniam a ni em?
Lumeh hi hna hniam angah ngaih a ni fo thin a, mi tam takin hna hniam anga an ngaih anih laiin lumettu lumeh man thlakhata tling khawm hi a tam tham asin. Hnathawk tura chhuak, nalh veng vawnga inchei rem si lo a ni a, nilenga tawp taka inthuam chunga lu meh mawlh mawlh a ngai thin. Hei vang hian lumeh hi mi tam takin hna hniam ah an ngai thin. Mahse an pawisa lakluh hi a tam tham khawp mai. Nalh tak taka inchei a, nitin khawi lai office ah emawa a nghet lova thawh ai chuan a tha zawk daih a, a hlawk zawk daih a ni tih hria hi mitlemte an ni awm e.
Lumettu hna hi hna hniam a lo ni reng reng hleinem le. A hmaah zah takin kan kun a, a ni'n a duh ang angin min kuai her a, a duhleh min kuai kun a, min kuai dak bawk a. A chet pawh kan che ngam reng reng lo. A hmaah chuan milim ang maiin che lo chang lovin kan thu thin anih hi.
Hna tha a ni em?
Lumeh hna hi hna tha tak a ni vein ka hria. Lu pakhat meh manah Rs 30 a ni a. Zing karah lu 10 an met hman a, Rs 300 an hlawh thei der. Nilenga lu an meh hian lu 40 vel an met hman tlangpui thin. Ni khatah Rs 1200 an hlawh thei reng a lo ni. Sam tihdum (hair dye) hian an sum hrawm a na lehzual bawk. Nitin Rs 1000 chuang hawn thin pawh an awm. Nitin Rs 1000 lalut angah lo chhut ta ila, thla khatah (ni 26 chhung) chuan Rs 26,000 lai a la lut thei dawn a lo ni reng mai. Bakcheha cheh hian lumeh chhung a rei deuh va, current hmanga nawr anih chuan meh chhung a rei lo thin hle. Dawr luah man te, blade man te leh current hman al man te paih vek hnuah pawh cheng tam tak chu an la lalut dawn tho tho a ni. Thenkhat phei chuan dawr luah man an la inchawi tawm zui leh nghal.
A hautak em?
Lumet tur hian pawisa capital a ngai tam lem lo khawp mai. Darthlalang lian, bakcheh, a ziahna leh blade, sam nawrna machine, powder, brush nem, puanchhia, etc. A man i han chhut dawn ang hmiang.
Darthlalang Rs 200
Bakcheh Rs 50
A ziahna hmanrua Rs 100
Blade Rs 20
Powder Rs 50
Dettol Rs 20
Brush nem Rs 35
Sam nawrna machine Rs 400
Machine ha/samkhuih Rs 150
Samkhuih sin Rs 30
Puan metre 1 Rs 60
Secondhand towel Rs 50
Kawr khaina Rs 30
TOTAL = Rs 1195
Lumet tur hian pawisa tam tham neih a lo ngai reng reng hleinem maw le. Hemi bakah hian chair pakhat leh bench pakhat a ngai tel bawk ang. Hei hi chu bul tanna a ni bawk a, mahni in ami hman rih ni ta mai se. Rs 1200 i neih chuan lumeh business i tan thei reng tihna anih chu. Lumet thiam tan chuan mahni hrawk chawmna tur sum lakluh a huphurhawm loh. A bul tanna capital a tlem tehlul nen, chuta tanga income erawh a tam hle si.
Lumet tur hian pawisa capital a ngai tam lem lo khawp mai. Darthlalang lian, bakcheh, a ziahna leh blade, sam nawrna machine, powder, brush nem, puanchhia, etc. A man i han chhut dawn ang hmiang.
Darthlalang Rs 200
Bakcheh Rs 50
A ziahna hmanrua Rs 100
Blade Rs 20
Powder Rs 50
Dettol Rs 20
Brush nem Rs 35
Sam nawrna machine Rs 400
Machine ha/samkhuih Rs 150
Samkhuih sin Rs 30
Puan metre 1 Rs 60
Secondhand towel Rs 50
Kawr khaina Rs 30
TOTAL = Rs 1195
Lumet tur hian pawisa tam tham neih a lo ngai reng reng hleinem maw le. Hemi bakah hian chair pakhat leh bench pakhat a ngai tel bawk ang. Hei hi chu bul tanna a ni bawk a, mahni in ami hman rih ni ta mai se. Rs 1200 i neih chuan lumeh business i tan thei reng tihna anih chu. Lumet thiam tan chuan mahni hrawk chawmna tur sum lakluh a huphurhawm loh. A bul tanna capital a tlem tehlul nen, chuta tanga income erawh a tam hle si.
Dawr luah man:
Lumeh business tan dawn chuan dawr luah tur a ngai hmasa a. Dawr luah man hi a sang tawh a, tin dawr luah mai tur hmuh pawh a harsa tawh hle bawk. Dawr luah tur hmu lo tan pawh mamawh tlem azawng iptea ak maiin mi inah sam met duh tur zawn kual mai tur a ni. Hetianga vah kual hi a tir lamah chuan a ninawm deuh maitheia, hlawk pawh a hlawk vak lovang. A tira hlawk nghal hluai lo hi chu kan peih vak hlawm si lo.
Lumeh business tan dawn chuan dawr luah tur a ngai hmasa a. Dawr luah man hi a sang tawh a, tin dawr luah mai tur hmuh pawh a harsa tawh hle bawk. Dawr luah tur hmu lo tan pawh mamawh tlem azawng iptea ak maiin mi inah sam met duh tur zawn kual mai tur a ni. Hetianga vah kual hi a tir lamah chuan a ninawm deuh maitheia, hlawk pawh a hlawk vak lovang. A tira hlawk nghal hluai lo hi chu kan peih vak hlawm si lo.
Lumeh dawr leh thianghlimna
Lumeh dawr hi thianghlim leh fai tak angin lang mahse, a thianghlim tak tak thei lo. Mi chi hrang hrang, invawng fai deuh leh tawp deuh te, luphut ngah deuh te nen lam an lut khawm a. Hmanraw pakhat erawh an intawm vek thin. Luphut hi a thlentu chu fungi chikhat dermatophytes an ni a. Inkaichhawn a awlsam hle. Kan hma lawkah luphut ngah tak, sam tih chet zawnga tla ur ur thei khan met ta se, chumi hnuah keinin met chhunzawm ve nghal mai ta ila, luphut kai ve theihna chance hi a sang em em a ni. Nghawnga ringworm inkai chhawn pawh hi awl tak a ni bawk.
Lumeh zawh dawn hnaih lamah blade hmangin an ziat thin a. Hetah tak hian fimkhur a ngai hle mai. Blade an thlak thin hi a lawmaw. Blade hmanga ziah anih laia intih pem palh vang hian awlsam takin natna a inkai chhawn theih thin. Thisen chhuak awm miah lo leh pem awm miah lo pawh hian natna kai theihna chance a awm tho mai. Blade khan vun an ziat a, vun pawnlang an ziat pan a, a sen tan tan thin. Chutah tak chuan vuna khawsa thin vun natna hrikte tan luhna chance tha lutuk kan siam thin.
Lumehna dawr hi mi chi hrang hrang fuan khawmna hmun a ni a, mi kan inang lova, taksa kan vawn thianghlim dan pawh a inang lo fo thin. Vawikhat pawh lumet dawr ah lumet turin ka thu a, ka hma ah hian vun natna neiin lu a mehtir a, a dawt chiaha met tur ka ni si a, a phurawm loh asin aw.....Hmanraw pakhat kan intawm vek a, puan pakhat kan insin tawm vek a, min khawiha min kuaiher nawk nawk tu kut pawh a inang vek thin bawk.Kan lumeh dawr te pawh hi tun aia tihchangtlun deuh nise, dawr lian leh zau tha hek hawk, thianghlim tak ni thei se, a duhawm khawp mai.
Lumehna dawr hi mi zawng zawng inang khat veka kan lenna hmun a ni a. Mihausa te, mirethei te, pawh, lumettu hmaah chuan kan inang tlang vek. A khawpum huapa kan intluktlanna hmun pawimawh tak pakhat niin ka hria.
Naupang leh lumeh dawr
Lumeh dawrah naupang te takte te, an lu mehtir tumin an nu leh pa te'n an nghahpui ka hmu fo thin. An hriselna tur ka ngaihtuahin kei chuan ka duh ve leh tlat pek lo. Bakcheh ka lei a, inah kan meh sak hmiah zel. Hmanni khan sam nawrna khawl ka lei a, ka nawr sak hmiah hmiah mai. Han tih ve rawih chuan rin aiin a lo harsa lem lo khawp mai. Dawra lumeh hun nghaka an thu ve reng tur te, mi hrang hrang nena an inchiahpiah tur te leh thlatina pawisa senral tur te nen lam kan save hmaks mai. Mahni inlum ah kan met hmiah hmiah a, a tih chi asin aw.
Lumeh zawh dawn hnaih lamah blade hmangin an ziat thin a. Hetah tak hian fimkhur a ngai hle mai. Blade an thlak thin hi a lawmaw. Blade hmanga ziah anih laia intih pem palh vang hian awlsam takin natna a inkai chhawn theih thin. Thisen chhuak awm miah lo leh pem awm miah lo pawh hian natna kai theihna chance a awm tho mai. Blade khan vun an ziat a, vun pawnlang an ziat pan a, a sen tan tan thin. Chutah tak chuan vuna khawsa thin vun natna hrikte tan luhna chance tha lutuk kan siam thin.
Lumehna dawr hi mi chi hrang hrang fuan khawmna hmun a ni a, mi kan inang lova, taksa kan vawn thianghlim dan pawh a inang lo fo thin. Vawikhat pawh lumet dawr ah lumet turin ka thu a, ka hma ah hian vun natna neiin lu a mehtir a, a dawt chiaha met tur ka ni si a, a phurawm loh asin aw.....Hmanraw pakhat kan intawm vek a, puan pakhat kan insin tawm vek a, min khawiha min kuaiher nawk nawk tu kut pawh a inang vek thin bawk.Kan lumeh dawr te pawh hi tun aia tihchangtlun deuh nise, dawr lian leh zau tha hek hawk, thianghlim tak ni thei se, a duhawm khawp mai.
Lumehna dawr hi mi zawng zawng inang khat veka kan lenna hmun a ni a. Mihausa te, mirethei te, pawh, lumettu hmaah chuan kan inang tlang vek. A khawpum huapa kan intluktlanna hmun pawimawh tak pakhat niin ka hria.
Naupang leh lumeh dawr
Lumeh dawrah naupang te takte te, an lu mehtir tumin an nu leh pa te'n an nghahpui ka hmu fo thin. An hriselna tur ka ngaihtuahin kei chuan ka duh ve leh tlat pek lo. Bakcheh ka lei a, inah kan meh sak hmiah zel. Hmanni khan sam nawrna khawl ka lei a, ka nawr sak hmiah hmiah mai. Han tih ve rawih chuan rin aiin a lo harsa lem lo khawp mai. Dawra lumeh hun nghaka an thu ve reng tur te, mi hrang hrang nena an inchiahpiah tur te leh thlatina pawisa senral tur te nen lam kan save hmaks mai. Mahni inlum ah kan met hmiah hmiah a, a tih chi asin aw.
Lu met vrs Sam met
Lumet tih tawngkam hi mi thenkhat chuan "Lumet tih tur a ni hleinem, sam met tih zawk tur alawm," an ti thin. Sam hi an met ngai lova, bakchehin an chep thin, a nawrna hmanruain an nawr a, chutihlaiin lu an met a, tin, lu an ziat kawlh thin bawk. Sam met tih loh tur a ni a, lu met tih zawk tur a ni.
Lumet tih tawngkam hi mi thenkhat chuan "Lumet tih tur a ni hleinem, sam met tih zawk tur alawm," an ti thin. Sam hi an met ngai lova, bakchehin an chep thin, a nawrna hmanruain an nawr a, chutihlaiin lu an met a, tin, lu an ziat kawlh thin bawk. Sam met tih loh tur a ni a, lu met tih zawk tur a ni.
Lumet te hi ka fak asin. Tenchhiat loh leh hrisel angai hmasa phawt mai. Kawngna nei tan a tih chi der loh phawt... Vantlang hna ropui tak thawk anni a, hna ropui tak niah ka ngai.
ReplyDeleteLumêt hi Mizo tawng thumal a ni a, chuvangin sam kan hleh hian lumêt kan ni. Lumehna hmunah lumêt turin kan kal thin a, chutah chuan kan sam an lo hlep ta thin a ni.
Mi tupawhin hna a thawh a, a theih patawp a chhuah a, rinawm taka a thawh chuan chumi chu angaihsan awm. Hnasang anga kan ngaih (Mizo ten) thawk mahse, a hnaah a inpek zawh lova, a rinawm loh chuan mihring nep tak, hmuhsit tlak a ni thung.
Lumettu hma ah chuan tawngkam mawilo pawh hi kan chhak chhuak ngai lo asin tiraw, HV, kan lu an meh mawlh mawlh lai chuan. Lumettu te hi an intihthianghlim a tul khawp mai. Mi hrang hrang lo dawngsawngtu an ni a, communicable disease lakah pawh an fimkhur a ngai khawp mai.
DeleteHotupa chu, i rawn ziak tha kher mai.
ReplyDeleteNia, Lu met ngei a ni, a dik lamah hian i tang fan ang aw niang.
Lumeh hi eizawnna tha, mipui rawngbawlna pawimawh tak a ni. kan ramah kan tan thar angai, vai ngalsin lumet an awm tlat, meh tir duh miah loh tur.
Lumehna dawr tamtak hi an vawng fai lo khawp thin, tan an lak angai. Pan bik neih hi a tha, sawi sawi ngai lo vin kan duh dan style thlengin an hria a.
...khrum
Kan ram chhunga lumehna dawr tam tak hi chu, an hawng satliah ve mai mai a ni. Thianghlimna lam an kalpui lo khawp mai. Helam hi chu nangni chanpual a nia, i rawn haw hunah hma i la la ang chu, tiraw....
DeleteThiante u, ka thuziak khi han bihchiang ula, para tin khi, a zavai khian "L" in a intan vek lo maw?????
Thianpa hi chu eng subject pawh hi ngaihnawm leh bengvarthlak tak hian i sawi thei zel mai hi i fakawm ka ti thin ngawtmai.
ReplyDeletekum hnih kalta velah khan ka sam ka zauah a, ka hnung lamah ka han trawn deuh chhap a pa min ti thei a sin aw he he mahse khawlumin a hrehawm theilutuka ka met ta daih. tunah chuan lumehna dawr hi thla khatah vawi khat ka tlawh ngeingei a ngai ta. dawr bik ka neia eng emaw remchan lohna a awm pawhin ka ba thei :-)
Lu met hi sam met ni tlata hre ho hi chuan tawng dik an zir a la ngai viau tihna a ni e. Lo kan vah pawhin thing leh mau kan kit a mau ka vat/thing ka vat kan ti ngai chuang lo.
@triplestar:
ReplyDeleteTehkhin thu i hman khi a fuh lutuk. Mau kan sat thlu a, mau kan vat miah lo. Sam kan chep a, kan tan a, kan zuah a, thawlh bawk a; mahse lu kan met thin.
I sam zuah lai thlalak chu han post teh a, thlir a chakawm alawm le. Kei chu sam ka zuah chuan ka lu bur a lang lian thei lutuk a, zuah ve ngawt chi pawh ka ni lo. Lu te hi a ti rit bur theiin ka hre hial thin.
Lu met tih chu a dik zawk ngei mai, mah se sam met tih pawh hi a dik lo hul hual kan t anih chuan kan hnam tawng a hosa thei tak tak ngai lo ang. Sap tawng hausak na em em ni a ka hriat chu tawng diklo deuh pawh an tawng a an seng luh thiam zel vang pakhat ni in ka hria. LUMET TIH CHU HMAN TAM ZAWK NI SENG A THA KA T KHAWP MAI. Chuan lo kan vat a kan tih pawn hrei leh chem in thing kan kit thin a, thing ka kit an t lo, lo vat ani mai, lu a sam bakcheh a kan chep a nih chuan lu(sam) met tih na ani mai. hmei chhe ho sam e rawh an met lo a, an tan thin.
ReplyDelete@Ramenga:
ReplyDeleteKa blog tlawm takah ka lo welcome che a, i rawn lenluh vang te, comment tha tak i hnutchhiah vang tein ka lawm e. Mite angin thu tha tak tak hlui tur che nei lo mah ila, i hman chang chuan i rawn lenglut ve fo dawn nia.
I sawi ang deuh hian, lu met tih hi dik zawk pawh nise, sam met tih hi kan hmang lar khawp mai. "Sam ka mehtir dawn" te pawh kan tih fo thin hi. "Sam met" tih hi hman a pawina a awm chuang miah lo, kan tawng tihausatu pakhat a ni mai.
I blog ah ka lut a, blog i lo nei tha khawp mai. A theme i hman kha a mawi khawp mai. Download site link i dah leh antivirus update na i dah te pawh kha a tangkai khawpin ka ring. Tin, comment vel kha i block daih a ni lo maw?
A bengvarthlakin chhiar a nuam khawp mai. I ziah anga awlsam leh kal a ni kher lo mai thei a! Mahse, eizawnna tlak a ni a, mi tam takten hna hniama an ngaihah hian mi'n sum an hailut teuh teuh mai a ni.
ReplyDeleteThil man to rau rauah pawh lumeh man hi to-na hi a sang hle, a let thawkin a pung a ni! (Cheng 10 atanga cheng 20-ah). Hei hi selna a tam lem lo va, mipuite paw'n sel enah kan en lem lo niin a lang; hei hi an tan chuan advantage tha tak a ni!
Thianghlimna khi a pawimawh khawp mai. Lumettu zawng zawngte'n hre vek thei se duhthusam a ni. Kei, lu ka mehtir thinnaah chuan an fel khawp mai; an hawihhawm bawk a, lu meh pahin mi a be siam siam a, kan inkawm reng thei a, dawrtu pawh a nei tha tih ka hria. Tin, a thianghlim bawk. Mi pakhat lu-ah blade pakhat zel a hmang a, midang tan pawh a entawntlak hle.
@TS Khupchong:
ReplyDeleteTunlai chu thu leh hla lamah ka khawro lutuk a, ziak tur pawh ka hre fumfe tawh lo anih hi. Heti chung pawha min la chhiar sak hram hram zel hi chu ka va lawm thin tak em.
Lumeh man hi ni e, a to chak khawp asin. Rs 10 atangin Rs 20 ah, chuta tang chuan Rs 30 ah. Tunah hian lu khat meh man hi Rs 30 a nia. Dawr hawng rei tawh leh lun laklawh tawh ho chu an thla khat sum lakluh a tam ve tawh riau asin.
Lumeta eizawng ho hi a tlangpuiin an fel duh khawp mai. Mi chi hrang hrang an be bawrh bawrh thei te hi an fakawm. Kei pawh, meh tir bik thin ka nei a, a zia khawp mai.
Lungleiah chuan SBI oppositea Zuala dawrah khan ka meh tir deuh kher thin. A vawng fai ve deuh thin. Nia, hmalak theih dan awm sela a tha viau a.
ReplyDeleteDik tak chuan miin chhungkaw chawm nan an tia, cheng 30 pawh lo ni sela a na lo ve. 95-96 vel pawh khan khulamah chuan 20/= kan chawi daih tawh a sin.
...khrum
@khumchikthei:
ReplyDeleteZuala dawr ah hian kei pawh, ka kal fo thin alawm. Amah hi pa "sam rawng kal" lam deuh, satha tel tawl, hlim thei tak, nui deuh reng mai a ni a. A dawra lumeh hi a nuam bik khawp asin. Titi a thiam si, lumeh chhung zawngin min titi pui bawrh bawrh thei thin. Lumet tura ka kal ngun berna dawr anih ka ring hial. Lumeh man hi, ni e, han ngaihtuah chian chuan a to uchuak lem lo. Lungawi takin lumeh man chu ka pe ve mai thin. Sorkar hnathawk hlawh a pung a, thildang man pawh a pung zel a, dawr luah man a lo pung ve khanglang bawk nen, a awm ve viau tho ve.
Miin eng vaka an ngaih loh hi thiam takin i ziak chhuak a, a hlu ka ti khawp mai. Mi dangin an lo ngaihtuah ve a nih pawhin ziaka an dah loh i rawn thai lang hi a chhiartu tan pawh chhiar man a awmin ka hria.
ReplyDelete@dolerich:
ReplyDeleteI hun chep tak karah min rawn tlawh leh hram thin a, nang nge nge, i tilawmawm thin khawp mai. Kei, thiante zinga a thupui fun lo ber leh, thu nei nawi ber mai blog a i rawn lenglut thin hi, ka tan chuan lawmawm tak a ni. Thingpui/coffee han inlum a rem si lo, kuhva han intheh lah a rem chuang bawk si lo.....Hetianga kan han intlawh tawn tel tel te hi a nuam riau asin.
A thatchhe tawk leka lehkha zir a, kuthnathawh zahpui tawk leka inlak changkan ai chuan lumet a eizawng ho hi an ngaihsanawm fe zawk tiin ka sawi fo thin.
Thiante u, ka thuziak min chhiar sak thin a, thu ho mai mai pawh ziak ila, tha takin min comment sak thin bawk a, in chungah ka lawm khawp mai.In tello chuan ka blog hian hlutna a nei lo tih hi ka han sawi nawn leh ang e.
ReplyDelete