Amniocentesis hi a medical ruih na a, genetics lamah zir a ni ve fo thin a, chuvang chuan medical lampang hre miah lo mah ila, genetics kaihhnawih anih avangin tawitein ka'n ziak ve reng reng ang e.
Nu pum chhunga naute (foetus) a awm laia nautui bawm chhunga tuiah hian naute cells (foetal cells) thenkhat a awm thin a. Nautui (amniotic fluid) chu syringe hmanga hip chhuakin chu chu laboratory ah an test thin a. Cells chhunga chromosomes chu zir chiangin chromosomes dik lo (chromosomal abnormalities) avangin naute chu piansualna nei a ni em tih an hre thei thin. Hetianga test-na hi Amniocentesis an ti.
A tangkaina:
Amniocentesis hmang hian naute in genetics disorder a neih leh neih loh a hriat theih a, naute chuap a that leh that loh, rawn paing chhuak ta se, chuap tha tak neia tha taka thaw thei turin a rawn piang chhuak thei ang em tih te, Rh positive nge, negative zawk tih hriat nan te leh naute chu mipa nge hmeichhia tih hriat nan te a hman theih bawk. Fa neih hmasak lamah pianken dik lo te, piangsual te an lo awm tawh anih chuan amniocentesis test hi tangkai hle tura ngaih a ni a. Nu naupai lai chuan genetics disorder rapthlak tak a nei a ni tih hriat chhuah anih chuan, hrehawm tinreng tuar tura pian tir ai chuan chu naute chu pian chhuah tir lova tihhlum nghal mai nan te pawh an hmang fo thin. Chhung leh khat, lamhnai tak zingah painken fuh lo, piangsual, an awm chuan test ngei ngei a tha viau maithei.
A tha lo zawnga hman:
Hetihlai vek hian Amniocentesis hi a ni lo zawnga lo hmang pawh an awm ve tho mai. A tlangpuiin nau lo piang tur hi mipa nise tia duhtu hi an tam zawk a, India ramah ngat phei chuan hmeichhia hrin hi an huphurh em em thin. Amniocentesis hmang hian awlsam em em leh chiang em emin nau lo piang tur chu mipa nge anih dawna hmeichhia zawk tih a hriat theih a. Naute chu hmeichhia anih chuan an paih (aborted) mai thin a ni. Chhan dang awm miah si lova, hmeichhia anih avang ngawta nau tihtlak hi female foeticide an ti a. Nakina thuam chhawm tur huphurh vang ngawta hmeichhe naute, nu pumchhunga thlamuang taka an awm laia, tihluihna hmanga paih chhuah emaw, tihhlum emaw India rama a tam tur zia hi, rapthlak tham zet tur a ni.
Amniocentesis te, ultrsound (sonography) te hi a tangkai em em rualin, a ni lo zawnga nasataka hman a nih avangin naute pawisawi lo te'n nunna an hloh nasa em em tawh a ni. Thisen far khat pawh la siam thiam lo leh cell pakhat lek pawh mahnia la siam thiam miah lo mihring hian a chang chuan nunna hlutzia hi kan hre zo lo fo thin.
A ngaihnawm khawp mai. Thiamna hi a sang tawh si a, nakin lawkah chuan thi theilo a in siam dan te an la rawn hmuchhuak in ania ka rin.
ReplyDeleteHa ha ha....thi thei lova insiam dan em em chu hmuhchhuah a harsa mai mai ang chu...... Min rawn tlawh hram hram thin a, i tilawmawm thei khawp mai.
DeleteHaha, tar theihlohna hi chu a awlsam deuh ang a, hehe. Kei chu ka lehkha zir lai khan science lam hi ka thiam thei lemlo khawp mai a. Mahse tun thleng hian ka ngaihnawm tih ber chu science thiamna lam thuziak hi a ni roh a, hehe.
DeleteScience pangai thiam lo emaw i intih lai khan, hei computer science lamah chuan mipangai chung lama leng i nih thung si hi.
Deleteekhai kei ni ang duang tan chuan a hming ringawt pawh lam a va har thin ve, vawi 3 sipel chawp nuap nuap hnu ah ka lam thei hram, chu pawh ka lam dik em tih pawh ka la chiang ta lo. :-)
ReplyDeleteHe blog zet hi chu ka tan chuan a hlu mange aw, mi ti bengvar leh sawt mai... ngaihnawm thin mange, han ti zel rawh khai
Maawm, i hun chep tak karah ka blog i rawn tlawh hram hram thin a, i tilawmawm thin hle mai. A ngaihnawm loh tih hre mah ila, tunlai chu science lampang bak ziak tur ka hre thlawt lo, min hrethiam hram dawn nia.
DeleteI va ziak ngaihnawm thiam em! Hmanni lawk khan tar theih lohna tur an hmu chhuak an ti tak a sin! Tak tak ni maw! Tunlai thiamna hi a sang tawlh tawlh a, Scientists thenkhat chu Pathian emaw an inti mai ang tih a hlauhawm ta hialin a lang!
ReplyDeletePu Keimah, i ziak tur zawk awm tak anih laiin, hei, chiang lo nuaiin ka lo ziak anih hi. I comment hlu tak avangin ka lawm e.
DeleteKan scientist ropui tak tak te hian eng anga thil ropui pawh hmuchhuakin, eng anga ril leh thuk pawhin zir mahse, Pathian finna ropui zia hi "a then chauh pawh" an hre chhuak zo lovang a. Van boruak zau tak te khi tlawh pawpin, thla leh sikeisenah te khian bu han chhep hial pawh nise, Pathian ropui zia hmu kim tur ringawt pawhin 'a la hla veng veng' em mai. Scientist zingah hian a aa fal hi an lo awm leh thin a, chung ho chuan fing an inti a, engkim siamtu Pathian meuh pawh hi awm lo ang hialah an ngai thin. Pathian siamsa ringawt pawh hi la hmuhchhuah loh a tam em mai....
Vanthengreng zau zia leh keini chuan kan hnaih ber thla (moon) takngial pawh kan la belhchian lohzia chhut chuan, kan lo la ropui vak lo chu a ni.
A ngaihnawm thin mange.. Vai ramah te hi chuan an thuamchhawm tur an huphurh vangin naute an titla thin a,kan ramah erawh hi chuan kan nawmchen rah, kan tisa chakna kan hriktlakna kha kan paih a, nuna hlu tak kan siam, thlarau pawh nei thlap tawh kha tihluihna in kan han tihlum thin a nia. naute, sualna reng reng hre lo, thianghlim em em mai kha kan tawrhtir ta thin chu a ni ta si a, ava han rapthlak thin em aw...
ReplyDelete-triplestar
Naute, mihring ni thlap tawh, mahni hmasailana avanga thlamuang taka a awmna atanga hnuh chhuah luiha awm a, an tihlum mai thin hi chu an khawngaihthlak takmeuh a ni.
DeleteTriplestar, tunlai chu i reh vang vang hle mai. Tan han la deuh la, i thuziak chhiar pawh a chakawm leh tawh alawm maw le.