Saturday, May 12, 2012

Mizo lengzem hla thenkhat lyrics

Mizo lengzem hla thenkhat ka lo tuipui em em thinte

                  Kan rawlthar chhuah chhoh hlim khan zai kan uar hle hle a, zantir atangin zan rei tak tak thlenga zai kan ching thin. Khang hunlaia kan hlasak thinte kha a tam zawk chu ka hrechhuak zo tawh lo. A thunawn takngial pawh sak chhuah zawh loh ka nei nual tawh a, thenkhat phei chu ka hrechhuak zo tawh lo hrim hrim bawk. Ka hlathu hriat ang ang te hi awmkhawhar hnema hmang duhte kan awm takah tiin ka han ziak chhuak a. A hlathu ka hriat dik loh pawh a tam hlein ka ring. Thianza hova chhawrthla eng lawma kan zai thin lai khan hla phuahtu lam rilruah a lan loh vang pawh a ni mahna, ka hla hriat ve chhun te hi a a phuahtu ka hre lo thei khawp mai.

                    Tihian Mizo Lyrics category ah dah ila, hman chang changin tlem tlemin dah belh keuh keuh ila, nakinah chuan tam tak a la tling khawm ve thei mai turah ngai ang; chumi hunah chuan lo tangkaipui tawkte pawh a la awm ve mahna......

Lyrics-a luhna chu: Mizo Lyrics

Heng hlathu te hi ka han dah thar chhin a, a tul danin kan la dah belh zel ang chu:

 1. Lenrual an kim ta lo
2. Zonunmawi
3. Thian ngaihawm
4. Thenni kawl eng 
5. Thang nunnem
6. Tawnmang lunglen
7. Tawnthar Di
8. Suihlunglen
9. Sakhmelmawi
10. Runmawi
11. Rinawmin aw Jasmine
12. Parmawi tin bawm
13. Nghilh bik suh la
14.Nghilh bik suh aw Rinpui
15. Ngaihzual nang nen
16. Mitthlain ka hmu che Ngaihzuali
17. Min hrilh rawh zanin ngeiah
18. La-i zun
19. Kar mah hla se
20. Kar a hla Di Bawihte
21.Kan va ngai dawn em
22. Ka zawng zel che
23. Ka tawng ta che
24. Inthen zai i rel lawng
25. I rau i thla tal rawn tir rawh
25. Fam chan hma chuan
26. Duhlai i Diin e
27. Ding rih la hlimlaini
28. Di Chambawihpuii
29. Damtakin mangtha le
30.Chhawrthlapui
31.  Chhaktiang Chhawkhleipari
32. Annem Vala
33. An lungleng ve ngei ang
34. Nemte'n ka chawi ang che
35. A rei ta e
36. A rem tawh lul lo
37. A zual chuang em ni


          A chunga hlathu (lyrics) tlemte ka dah te khi, a phuahtu, a phuah ni/kum te, a satu emaw ziak tur i hria anih chuan, a hla khi click la, a hnuaia comment box ah min ziak sak thei hram anih chuan ka lawm hle ang. A chepakai atanga chhui chhuaka i hrilhfiah thei anih phei chuan a lawmawm lehzual ngei ang a. Correct ngai lai i correct thei anih phei chuan 'most welcome'.....


A rei ta e.......

               Chhawrthla en zan pawh nise, thlamang zan pawh nise, thianza hovin pawn bathlarah tingtang kan kuah a, kan hla hriat ve chhun ang ang te kan sak ho dual dual thin lai te kha, a kum ang zawnga chhiar chuan a rei ve leh ta hle mai. La upa lo nia kan inngaih laiin kan hmelin kan kum a rawn tarlang a, thup tumin awmzia a nei lem lo. Rinloh karin hun leh kumte a liam zut zut a, naupang tetakte te emaw kan tihte pawh an lo puitling ta der mai.Kan inhmuh naupan ai hian mite hian min lo hmu tar hle tawh dawn a lo nih hi. Rilru erawh a la upa tak tak thei si lo. Khawi ilo kalna leh lawiluhna lam apiangah 'inpu' kan hlawh chho tan ve ta reng mai. Tuk-zana damlai chena ni kan hman liam zut zut kha, tunah zet chuan fim karin kan chhui let ta nuap nuap mai a nih hi.

39 comments:

  1. Khai a, hmangchang hi in hre bik thin teh e.

    ReplyDelete
    Replies
    1. Ka lo tuipui ve em em thin kha a nia....ka hriat chhuah theih ang ang, a thawh khatna atan ka han ziak chhuak anih hi. Correct ngai a awm nual ang a, i hmuh hlauh chuan min hrilh rawh aw, ka lawm khawp ang.

      Delete
    2. Zosangliani,nuthai ka changtawh e tih kha a lyrics ilo dah thei em khawngaih in

      Delete
  2. Tha lutuk! Tha lutuk! Mizo Lyrics dahkhawmna tur website hi thianpa Marvinic nen siam kan tum a. Keiman ka siam thiam mang si lo va, ani a hman lo bawk nen, tun thlengin kan la ti hleithei lo a nih ber hi. A dang pawh rawn dah zel rawh.

    ReplyDelete
    Replies
    1. Ts, ka lawm e. Han chhut chhuah vel hi a ninawm mai bakah hriat fuh loh a tam bawk nen, a buaithlak vel reuh riau va. Ka sak thiam ho chauh ziak tur ka hre dawn a, chuti tehlua chuan a hlu tham lo maithei. Hman remchan apiangin ka lo dah belh zeuh zeuh dawn nia.

      Delete
  3. A tha hle mai, i taima ka ti bawk...:) Type chhuah a peihawm loh lutuk a. Han tih chhunzawm zel la a va tha dawn em...

    ReplyDelete
    Replies
    1. Type chu a ninawm ve khawp mai. Hla hriat chhuah ka lo neih tlem zia ka hrechhuak. Remchan chuan kan la dah belh zel dawn nia. I comment hlu tak avangin ka lawm e.

      Delete
  4. I rawn dah chhuak mawi hlawm hle mai. Kan tleirawl lai kha chuan duh ve thei tak kan ni. Hla thu mawi tak hian ka lai hi a la fan hneh ber mai awm e.

    ReplyDelete
    Replies
    1. Blog-a mizo hlathu han dah chhuah hi rin aiin thil awlai a lo ni miah lo. Ka zuam ang ngawt a lo ni reng reng lo nia. A mal mala post siam phawt a ngai a, chumi hnuah link dah leh te te a ngai a, hlathu dang dah luh belh pawh duh ila a hranpaa post thar siam leh a ngai dawn a, chumi hnuah a hma ami zawng zawng nen link dang siam leh vek a ngai dawn anih hmel...... a hmaa ka lo suangtuah dan leh ka lo zuam ang ngawt kha a lo ni miah lo.

      Pu Rp, i hun chep tak karah ka blog i rawn tlawh thin a, ka lawm hle mai.

      Delete
  5. Tha khawp mai, hla thu vawn that hi a hlu ka ti, Pu Caribou, nang nge nge i taima fal thin teh e.

    Hmanni chu he website http://v3.zaideih.com/?sol=zola&laid=Zorock_Vol---2 hi ka hmu fuh hlauh mai a, an tihchangtlun em avangin Lyric panga vel chu ka contribute ve kha. Mizo hla 4000 chuang an dah mawle. Tute nge a siamtute phei chu ka hre lo a, hla hlui tha tak tak hmuh tur a awm..

    ReplyDelete
    Replies
    1. Xingibera, lunglen chang hi chuan mizo lengzem hla nge nge hian lunglen a lo hnem ber maiin ka hre ta. Ka hla duhzawngte hi, a dang pawh ka la dah belh zel ang, ka hman remchan dan angin.

      I link rawn chhawp chhuah khi ka lut chhin a, khi, an lo titha hle anih khi. An taima hle mai. Khawchhak lam unaute kutchhuak a ni mai lawng maw aw ka ti deuh.

      Delete
  6. Kha ka va ti ve, Lengzem category a dah chi a ni em ka hre chiah lo a, "Raltiang Ram" High school ah pawh hmana zir thin kha a hla thu awm se ka ti ngawt mai.

    ReplyDelete
    Replies
    1. Tunlai chu i blog/website lamah i thawm a reh hle mai. I thuziak chhiar leh a chakawm tawh asin maw le.

      'Raltiang Ram' hi mi sak rual chuan ka sa ve thiam mai a, a thu erawh ka hre miah lo mai. Ka dah ho hi chu thian zahova thla eng lawma kan sak thler duai duaia thin kha a nia, ka la dah kim lo deuh va, remchangah ka la dah belh ang. I rawn comment avangin ka lawm takzet e.

      Delete
  7. Hmanzan Mizo blog ka tlawh kual a, he post hi ka hmu a, tha ka ti lutuk. Hla hlui an chang tawh mai dawn a, kei ngei pawhin a then hi chu hriat loh ka ngah, ka hriatchhun te pawh a thunawn a lo zawm ve hram ang chi kha a nia. I titha e. I theih phei chuan youtube ami a hla/video awm ang ang han dah tel nghal la kan lo sakpui awr awr thei tur.

    ReplyDelete
    Replies
    1. Aduh, nang meuh i lo leng lut a, ka lawm hle mai. Zaithiam ni ve uk si lo hian hla duh deuh deuh hi ka ngah ve em em ringawt a, ka hla duh ho lah hi, hmela phu lo leh a luck ber ang ziazangin, lengzem hla hlir a la ni zui leh nghal......

      Tihian ka hla ngainat ho hi hman chang changin ka lo dahtha zel ang a, Zoram i rawn chuan chhuah hun kan MI hunah a huhovin kan la sa dap dap dawn nia.

      Delete
  8. A tha tek tek hle mai. Ekdom LIKE

    ReplyDelete
    Replies
    1. Pu HV, ka lawm e. Hla thenkhat ka dahluh laia i comment hmasa ho pawh kha ka lo hmu a nia aw.

      Delete
  9. Lengzem chu love song kan tih ho hi ni deuh bikin ka lo hre char char asin!

    ReplyDelete
    Replies
    1. I tidik chiah. A thupui khi ka dah dik lo tih ka hre chiah mai, mahse a pawi tawh lo ve. Ka hla ngainat zawng khi, ka han belchiang a, hla lenglawng a tam zawk daih anih khi..... Min hrilh a, ka lawm e.

      Delete
  10. Tha hle mai, kan zai vang vang a nge.

    ReplyDelete
    Replies
    1. I zai dun ang hmiang, pawn bathlarah thuin thlade tir thlang lama liam tur awiin zai ila, hla hlui lung tileng zet zet sak thiam ka nei ve nual a nia...... Mahse ka aw erawh ka chhuang lo khawp mai.

      Delete
  11. lunglen changin a tangkai dawn tlat.. i bookmark hmek teh ang.. :D

    ReplyDelete
    Replies
    1. Min rawn tlawh a, ka lawm hle mai. Kei hi midang blog-a luh nachang ka hre thin lova, tunah hei min rawn bat anih hi, i blog ka rawn tlawh ve em em ang.

      Delete
  12. I taimak zia a chiang reng mai.

    ReplyDelete
    Replies
    1. Ka kuthlei tihtur nei lovin blog ka siam ve ngawt a, mahse ziak tur ka hre zawm leh mang si lova, ka buai anih hi. Engpawh nise, ka blog chhete min tlawh sak avangin ka lawm e. I hman chang chuan i lo lenglut fo dawn nia.

      Delete
  13. Hi there! I just wanted to ask if you ever have any problems with hackers?
    My last blog (wordpress) was hacked and I ended
    up losing months of hard work due to no backup.

    Do you have any methods to prevent hackers?


    Have a look at my website cna training

    ReplyDelete
  14. Woah! I'm really digging the template/theme of this blog. It's
    simple, yet effective. A lot of times it's hard to get that "perfect balance" between user friendliness and appearance. I must say you have done a very good job with this. In addition, the blog loads super fast for me on Safari. Excellent Blog!

    Also visit my website; certified nursing assistant

    ReplyDelete
  15. tha khawp mai..ka copy chur2 nia.. dah belh zel rawh..

    ReplyDelete
  16. Atha khop Mai... lo dah zel roh, izar ah hei kan zai kan zai ta Mai. Lawmawm e

    ReplyDelete
  17. Atha khop Mai... lo dah zel roh, izar ah hei kan zai kan zai ta Mai. Lawmawm e

    ReplyDelete
  18. Good Day,

    Are you in any kind of financial difficulties? Your help comes now.
    Are you having sleepless night worrying how to get a Loan?Don't allow
    your dreams to die, or are you looking for whom to trust or having you been scammed by INTERNET fraud stars, or you have been turned down by other financial company contact
    JOYCE MYERS LOAN COMPANY today for
    easy and reliable loan. Please you are to fill out this form showed
    below this email.{{{finance2014911@gmail.com }}}

    BORROWERS APPLICANT FORM
    Full Names:............
    Gender:....................
    Marital status:.........
    Contact Address:...........
    Country:........................
    State:..........................
    Age:...........................
    Monthly Income:..............
    Loan Amount:...................
    Duration of Loan:............
    Date Of Loan Needed:.............
    Weekly Income:....................
    Occupation:.........................
    Purpose for Loan:.................
    Phone Number:....................
    Personal Phone Number:.........
    Fax Number:......................
    How Did You Hear About This Company?........

    ReplyDelete
  19. Duat lai Ate, Lallianmawia Pachuau sak hi a lyrics ka van duh ve awww

    ReplyDelete
  20. A tha ka ti keipoh hian tizel rawh u.Thil pakhat ka lo requested mimi renthlei in a a sak LO HRETHIAM HRAM TEH tih hi min lo up sak teh a lyrics in

    ReplyDelete
  21. A va ṭha em,, hla hlui dang lung tileng tam tak kan lo beisei leh e😄

    ReplyDelete
  22. Lalropuii pachuau lengzem hla te hi lo dah theila ka va ti em....

    ReplyDelete
  23. Zosangliani,nuthai kachangtawh e tih kha lo dah thei em khawngaih in

    ReplyDelete
  24. tawnloh kar reilo té an, zamual i liam ta si, i tiam thu di kha fam i chantir naw? tih hla hi a satu ka hre mai tawh si lova, i hriat zawng anih chuan khawngaihin a lyrics min lo dah sak te a

    ReplyDelete