Kan ti nek nek a, rin loh karin ni leh thla a liam a, kum 2011 kumtawp, ni hnuhnung ber kan thlir liam a, hlim taka kum kan chhiar lai mek chuan 'hmanlai' tia sawi kai tawh turin chatuan atan min herliamsan leh ta muai muai mai. Thenkhat tan kum ngaihawm tak leh hriatreng tlak a ni ang a, thenkhat tan chuan kumchhiat kum a ni ang a, thenkhat tan chuan engtik hunah maha theihnghilh tawh ngai loh tur kum a ni ngei ang.
Kumhlui thlah zan a lo thlen hian rilru a sahawk a, engemaw ti taka awmin engemawti taka hman riau chakna a awm thin. "Zanin chu tu nen nge in hman dawn?", "Nuam takin hmang rawh aw".... "Zanin chu rui ngheng mai teh ang"..... "Tute inah nge ar kan kan ang?".... Kumhlui hi tihtakzetin kan thlah thin ni berin ka hria. Thlah lo pawh ni ila, a liam tho tho dawn si... Kei pawh hi ka bang bik chuang nek lo ve. Hnamdang te tan pawh kumhlui thlah zan tho a ni a, mahse chuti em em chuan an helhhawlhin an la lungrun em em lo niin a lang.
Ka naupan lai ata tawh, halpuah leh halmawi hi ka hal nasa ve ngai lova. Ka puitlin hnu pawh hian ka hal nasa chuang hek lo. A puak ring chi phei hi chu, nei mah ila ka hal chak lo tlat zel. Kumin zet chu a vawikhatna atan halpuah leh halmawi tel miah lovin kumhlui ka thlah liam ve ta. A va han inchhirawm loh tak em. Puak tawk tawk miah lo pawhin kumhlui chu a lo liam thei tho anih hi.... Bengchheng si lo, pawisa save bawk si, air pollutants kan release tlem phah bawk nen, a tihchi hle mai.
Ka tawngkam thiam loh aleiah ka sawi tum leh ziak tum takah lut fuh tak tak lovin ka tlak kawi leh ta duah mai. He thu ka ziak lai mek hian kum 2012 thlen nan minute tlemte chauh a awm tawh. Dam chuan rinaiin hun a kal chakin a lo va liam chak tak em. Chhak kawlah ni a rawn chhuak a, thlang lenkawlah a liam leh a. Mihring kan piang a, kan thi bo ral leh a. Khawvel erawh a vir ngaiin a vir reng thung. He khawvel lah kan kumhlun lohna tur ram a ni si. Nakum tun ang hun te hi thleng leh phak tak ang i maw....... Kumhlui, kum 2011 chu a her liam ta ruai ruai mai.....
Thian duhtak, hun inher mek hian kan hringnuna a duhawm lo lai te, a thalo lai te, theihnghilh hmak kan duh ngawih ngawih lai te hi liampui vek sela, he kumthar lo thleng hian i tan damna te, hriselna te, thatna te, lungawina te, hausakna te, malsawmna te, lo thlen mawlh che se la, he kumthar hi i tan kumthat kum a lo nih ngei theih nan ka duhsakna ka hlan a che. Kumthar chibai mawlh mawlh le.
Thianpa, kumthar chibai le. He hun thar, kum tharah hian i nupui fanaute nen hlim taka in nun chhoh theih nan leh malsawmna in dawn theih nan ka duhsakna leh malsawmna ka hlan a che.
ReplyDeletePu Rp, nupui-fanaute nen, chhungkuaa damtlang taka kum 2012 nithar, kumthar, kan thleng leh thei hi a lawmawm tiraw. Min duhsakna avangin ka lawm e.
ReplyDeleteHotupa,
ReplyDeleteIn chhungkua in kumthar chibai kan buk a che u, zoram blog khawvel hi han vawrh lar zel teh khai.
...khrum
Pu Khumchikthei, i tilawmawm hle mai. Krismas leh kumthar in hmang nuam em? Ka la rawn tlawh thut dawn che a, i lo inven lawk ve deuh a ngai ang......
ReplyDeleteKumthar chibai le
ReplyDeletePu HV, tunlai chu i reh vawng vawng hle mai.
ReplyDeleteKa kut dinglam tipalh hian min type thattir theilo alawm mawle.
ReplyDeleteHV, i kut dinglam chu eng tia i tihnat nge maw ni le? Kei lah hi, online ve fo thin e ti lo hian, thil hi ka hre lo thei riau mai. A zia lo hle mai. I kut chu lo dam thuai thuai teh se.
ReplyDeleteKa thianpa ka puih tumna lamah ka tipalh alawm mawle. A vung a reh duh lo viau mai a, karkhat hnuah ka entir ta a, alo tliak ve khanglang a. Tunah chuan a zia tawh viau e, an tuam khawngna (cast) pawh an hlip tawh a, mahse an la tuam tho. Physical therapy min lak tir leh hahaha ninawm tak a ni.
ReplyDeleteNang pawh kumthar chibai le...
ReplyDeleteKumthar chibai mawlh mawlh...Hringnun hi a ho asin..Thlawhna atanga lei kan thlir te hian Fanghmirin khawpui an din te hi kan ang hi ka tia lawm. Kan damchhung tawite ah hian inngeih leh hlim tlang taka awm dial dial hi a hlu ta berin ka hria. (Teh deuh duah a :) )
ReplyDeleteHun hi kan ngaihtuah chiang thin lo va, uchuak takin kan thlah mai thin. Mihring hunbi chhiarna hi hringnun khawsaknaah thu a hril thui em a, indem thei chuang pawh kan awm lo a nih hi! I post tha khawp mai.
ReplyDeleteI duhsaknaah ka lawm hle mai. Kumthar chibai. I tana kum duhawm tak a nih ngei ka beisei.
@Pu HV, ikut chu lo dam thuai thuai teh se. Kut bawr ruh tliak hi a dam har ve zek a nia. Pu Khumchiktheia enkawl phakah awm la chuan a tha tur....ruh lamah na na na chuan a chhuanawm a nia.
ReplyDelete@Duhawma: I buai thei bawk a, i thawm a reh vang vang thin hle mai. Kei pawh ka hritlang a, ka intuam bur mai....
@Beethugs:
ReplyDeleteHringnun hi, ni e, rin aiin a lo ho ang reng. Hnah hlui a til a, hnah thar an lo chawr leh a; kan par parh a, vanglaini a chuai hnuah uaiin kan thamral leh thin. Ho viau mahse, hringnun hi, dam chuan a lo nuam anih hi.
@TS-a:
ReplyDeleteKa han sawi hluai takna a, kei pawh hi, kumhlui thlah zan hian awm mai mai harsa ka ti thin. Tunhma phei chuan inah ka tawm ngai lo hrim hrim. Enge maw ti taka han thlah liam ve hrim hrim hi a nuam tlat.
A rei deuh tawh na in kumthar chibai le.
ReplyDeleteSangpuiipa, ka lawm e. Tawngkamtha dawnsawn nan tlailuat a awm hleinem.
ReplyDeleteTlaikhawhnuah kumthar chibai ka rawn buk ve a che.
ReplyDelete-CFL
CFL, ka lawm e, ka lawm takzet e. Kumthar hi i tan kumtha leh kum hriatrengtlak lo ni mawlh teh se. Min rawn tlawh thin a, ka lawm e.
ReplyDeleteKumthar Chibai hotupa!
ReplyDeletePu Seki, kumthar chibai le. I hun chep tak karah min rawn tlawh leh hram hram thin a, ka lawm e. Krismas i hman dan chanchin lo ziak ta che, hriat a chakawm alawm maw le.
ReplyDeleteI thu ziak chuan lung a va ti leng ve.
ReplyDeleteTea, ka blog holam ve takah hian tihtakzetin ka lo lawm a che. Mite angin thutha chhawpchhuah tur che nei ve lo mah ila, i hman chang chuan i lo lenglut ve thin dawn nia.
ReplyDeleteHei hi ka han reply chhin teh ang....
Deletea theih ve tawh ngei hi...ka comment hi chu remove leh mai rawh i duh chuan...Pu caribou
DeleteMarvinic, hetiang ang comment reply theihna hi ka lo hmu ngai reng reng hleinem; tichuan ka han browse kual a, Google in comment reply theihna an siam thar thu ka chhiar hlauh mai. Engpawh nise, a tangkai dawn khawp mai.
DeleteThuchah tha leh ngaihnawm tak a va ni em!
ReplyDeleteIn chhungkuain kumthar chibai mawlh mawlh u!
In tan kum tha lo ni mawlh rawh se!
Ka lawm e, ka lawm takzet e. Nang pawh le. I chawlh hmang chu i tlei bawk aniang maw, puallenga thlangtla an sawi ang mai, i pilbo vang vang mai alawm le. I che na viau anih ka ring........
Delete