Kum 2011 hian Baptist Higher Secondary School chuan a kum 50 tlin champha Golden Jubilee a lawm dawn a. Sum indaih lohna a nasat em vangin sikul naupang te'n an thiam thil an theh khawm a. Mau leh lehkha khawng hmanga inlem sak te, painting mawi tak tak te, thing kermawi nalh tak tak te, bag thui par te, frame mawi tak tak te, an thawmhnaw hak lai te, an hak hlui tawh te, leh thil chi hrang hrang an siam te an rawn theh khawm a. Chungte chu students te'n an thiam ang tawk tawkin an zuar ve a. He hunah hian intihhlimna chi hrang hrang buatsaih a ni a, eitur pawh tuihnai tak tak buatsaih niin, chow leh sawhchiar chu sawi loh, jadoh thlengin ei tur a awm nia. Mi te an felin an tlawmngai a, students te inpekna a thuk bawk a, rin ai takin mi kal pawh an thahnem ang reng khawp mai.
Naupang ho thiamthil theh khawm thlalak tlem azawng:
Naupang ho thiamthil theh khawm thlalak tlem azawng:
Lunglei ah hian naupang tan rilru han tih harha nun han intihhlimna tur hmun tha a awm reng reng lova. Children park zimte kan nei ve a, chu kan park neih ve chhun lah chu naupang tana hmuh nuam lo leh inthlahrunawm lek lek zawkin drug abusers te'n tuallen nan an hmang tangkai a, sir kil khata lo invit ngawng ngawh hmuh tur a awm fo va, zu in hmuh tur pawh an awm fo bawk; naupang aiin nula-tlangvalin hmun an chang tam zawk. Threater Hall a awm lo va, circus, mela a awm ngai hek lo. Hetiang hun, naupang tana intihhlimna hun tha a rawn inherchhuak hlauh hi ka fapain a chan mai ka phal hauh lo. Tichuan, sikul lamah tul zualpui kan tihfel hnuah ka fapa hruai turin ka haw leh te te a, tichuan kan pafa in kan kal ve ta a.
Naupangte hi thian anga kawm an tul ve chang a awm a, titi pui a, infiampui an mamawh thin. Infiamna hi an taksa tan hriselna a ni a, lehkha zir hi an finna tipungtu a ni thung. Inrinni a lo thlen hi chuan lenna tur dang awm vaklo pawh nise, chhuahpui hram ka tum thin. Mi pa te angin thil tam tak an tan tih sak theih ka nei ve si lova, ka theih tawk chu anmahni kawm hlim chauh a ni si. Pa han nih ve mai hi chu a harsa lo, mahse "patling" nih hi a harsa ka ti. Ka fa te hi mi fate angin hmel tha ve lo mahse, keia tan chuan anni tluka nalh, mawi leh duhawm, min tihlim thei an awm thei si lo. Ka tan chuan rangkachak, rosum leh lunghlu ai pawhin an hlu zawk. Naupang awm lohna inchhung reh duk ka hmuh chang te, fa nei theilo nupa ka hmuh changte hian fanau lo hlutzia ka hre chhuak thin.
I fapa chu a duhawm hle mai. Ni e, naupangte hi Mizote hian kan chhawnchhaih hian kan dah nau lutuk thin a, an puitlin hnuah pawh an rilru a puitling tak tak thei lo a nih hi. Mi tak treat-a kan treat a ngai ka ti khawp mai.
ReplyDeleteMr TS, nang nge nge, i tilawmawm thin e. Hemi nia ka fapa upa zawk sikul ka lo kaltir ngawt kha ka inchhir asin aw.....
ReplyDeleteFa te kaihruai tur hian tling tawklo ka inti a, engti kawng zawngin nge ka enkawl ang tiin suangtuahna ka seng fo thin. Thian kan ti nek nek ang a, khawlaia rui thle kawi chhur reng thin, khawtlang tana mihnawksak fa ka nei ruih ang tih erawh ka hlau thin khawp mai.
Para tawp ber ka chhiar a, thil pakhat ka hrechhuak, ka nui kur kur. Naupang awm lohna inchhung reh duk ka hmuh chang te..... vel hi. Mahni chauha han awm chang (nupui te tlan lai ka tihna a ni kher lo a nia lolz) hian naupang inkhualtelemna thil te hian lung a ti leng duh fuuu a ni.
ReplyDeleteNaupang han chhuah vah pui hrim2 hi thil tha tak chu a ni, kei hi ka duh aiin ka chhuah pui tam lo a, a la naupang deuh bawk nen inah hian an nufain an tawm chawrh2 reng mai a, in siam danglam deuh hlek chu kan ngai ve a ni.
I sawi ang hian Lunglei-ah hi chuan han tei vah puina tur hi lo tam lo khawp mai.
School room chhung vel khian lung a ti leng khawp mai. I fapa hi a cute reuh. .
ReplyDeleteCaribou nen hi chuan in an na kan ngah ve reng2, ka fanu pawh weekend apiangin park ah ka hruai thin. Naupang hi hruai chhuah peih hi a tha khawp mai.
@Dawldanga: Naupang an ninhlei leh an bengchhen viau hian a ninawm thin hle na a, an reh duak hi chuan a khawharthlak ruih thin. Tin, naupang hian nupa inzawmna a tinghet zual thin tlatin ka hre bawk. Tunlai chu kawngpui a khu thei lutuk a, naupang chhuahpui pawh a nuam lo lek lek thin.
ReplyDelete@ XIngibera: In awmna lama park chu naupang tan a nuam khawp ang chu. Naupang kalpui pawh a manhla khawp ang. Fanu pawh i nei hmeltha khawp mai. Lunglei children park ah chuan naupang inawmtleina tur chu tawlhpahrit deuh chiah a awm a, an tawlh tlut tlut zel. Hmasawnna tur kan la ngah khawp mai.
In naupang thil tih chu tha khawp mai.
ReplyDeleteKan khua zirlai pawl hian sum tuak nan sarep hi an zuar thin a, a tui viau kei pawn ka lei thin.
Mahse khawpui zirlai pawl meuh chuan sarep zuar ringawt lo hian a piahlam thil innovative zawk ngaihtuah chhuak se ka ti thin khawp mai.
Caribou, i fapa i hruai chhuak chu i van fel em em! thawnthu i hrilh peih si, fate ngaihtuah pawl tak i ni in ka hria! ka fak hle mai che. Nang ang hi an tam lo khawp ang! i fate chu an puitlin hunah pawh an sual ka ring hauh lo! Tin, in school thil siam khi, an van siam nalh em em ve a! an creative ka ti top! Congrats!
ReplyDelete@Bena: Nang, kan hotupa meuh ka bloga ka thuziak holam tak tak te chhhiar tura i rawn luh avang leh, chhiar liam mai lova ngaihdan tha tak i rawn thawh avangin ka lawm e. I hman chang chuan i rawn leng lut fo dawn nia. Vawksa rep tui ti mi ka nia, Shillong a ka zir lai khan zirlaite zawrh kha ka lei ve fo mai.
ReplyDeleteKan students te zing ah hian creative tak tak an lo tam riau anih hi. Hemi ni hian cheng nuaih khat chuang kan hlep a. Kan lawm asin aw...
@Maisek: Kan naupang ho hi rin aiin thil siam an lo thiam daih a. Thlalak hi ka tilang tlem deuh hlek a, khing lo pawh khi an siam tam khawp mai. Muantea ke bula sei lian te hian thiam thil an ngah dawn anih hi.
ReplyDeleteEkhai a....in fak chiam awih loh!!!! I han sawi tak ah chuan, zantina thawnthu sawi turin daih tawh hek lo le; tunah chuan thawnthu tawi te te phuah chawp ka thiam tawh khawp mai.
Hotupa a va nawm hmel bik ve le. Hetiang change of activity hi students tan pawh a tha, experience tha tak a ni. I fapa pawhin nuam a ti ngei ang. Khawvel thang zelah hetiang hi chin chhunzawm zel a tha khawp mai. Ka blog pawh ka update ve leh e.
ReplyDelete...khrum
@khumchikthei: Vawiin pawh kan student te one-day trip neihna ah ka fapa ka hruai ve ngawt. Sikul a thulh phah a, a failed phah em lovang chu maw.
ReplyDeleteI blog hi chu rang takin a lo in update zel a, ka hmu rang thei khawp mai.
A mawi hlawm kher mai. Pic 3 a inlem ang khi hmanah siam ka tum a, ka hlawhchham der. I naute chuan an thiam e
ReplyDelete@sisen: Ka blog ah i lo len luh vangin i tilawmawm e. Kan students te hian thil siam an lo thiam riau. Painting mawi tak taka an ziak te, a huhova an thil siamte kha a nalh hlawm asin aw.... an zirtirtupa hian an ne pawh ka ek pha lo. Zirna lama thiam bawk, creativity nei tha bawk te hi an ngaihsanawm ka ti ve tlat.
ReplyDeleteSum indaih lohna anasat viau chuan, SYNOD sum puk in va dil mai lo nia ! Hehehe! Fiamthu.
ReplyDeleteIn ti tha lutuk e. Naupang enkawl chungchangah hian Pa tam tak hi kan chak lo hle in ka hria. Mizorama PA tam tak hian PA nihna kan luah pha lo hian ka hreve thin. Tin, nu leh pate khawtlang leh kohhran thila kan chhuak tam lutuk hi ka vei bawk.
A dik, pa leh fa thian anga inkawm bawrh bawrh thei te hi tam ila chuan..I fapa a duhawm hle mai.
School sales day hlawhtling tak in neih avangin ka lawmpui che u, sum in hmu thra hle lehnghal a, student ten sum tuak naah contribution thra tak an nei a golden jubilee pawh nuam an tih phah lehzual ang. Fate hruai chhuah hi a inchhirawm ngai miah lo a nia.
ReplyDeleteAs_Khiangte
@sekibuhchhuak: Mahni tuina zawng ka phul pui hluah pawh hian uluk takin min chhiar sak tho thin a ni tih ka hriatin ka lawm thin khawp mai. Kan Golden Jubillee hman ve tum hi, kohhrana kut han dawh ngawt kan hreh ve si a, tihian a theih ang angin sum kan tuak ve zel a; a saseh a rawn thlen hunah meuh chuan Kohhran hian min thlahthlam chuang lo turah ngai phawt mai teh ang. Sales Day nia naupang ho thahnemngaih zia kha ka theihnghilh thei lovang.
ReplyDelete"I fapa a duhawm hle mai," hei hi chhiar a nuam kher mai. Ka lawm e.
@As_Khiangte: Kan sikul Sales Day hi naupangte thahnemngaihna rah liau liau a ni a. An thiam thil neih ve ang ang te an rawn keng khawm a, anmahniin thahnemngai takin an zuar a. Hah an sawi lo va, ning hmel pu an awm lo; phur em ema an tihtur an ti mawp mawp mai ka hmuh khan a hlawhtling dawn tih ka hria. BP check tur te khan kan ban ah an chelh a, min kai dawt dawt mai maw le.
ReplyDeleteJubilee dar vuak hun hi kan zavaiin kan nghakhlel tlang tawh khawp mai.
Naupang(Ifate) i enkawl dan atang hian zirtur tam tak ka nei, rilru thar main siama ka lawm e.
ReplyDeleteKa fanu 2yrs chu thawnthu hrilh pawhin min sawi khalh zawt zawt zel :-) I fapa ang te hi ka naupang duh chi.
Sikul Sales Day hlawhtling taka in neih theih a vangin ka lawmpui a che u.
@triplestar: Ka blog i rawn tlawh chu ka lawm khawp mai. I mail ka va dawng khat ta ve le. Fa enkawl hi ka thiam theih loh ber a ni a, nakina an len hun tur ka dawn lawk phei chuan ka huphurh khawp mai. Kei, an pa ber lah hi, ka kum chang a upa a, puitlin lam ka pan thei reng reng lo.
ReplyDeleteNia, tunlai chu net ka khawih hman meuh lo,hun awlah chuktuah antram huan ka siam a, ar ka vulh bawk, mahni tawkah buaina ka ngah ve khawp mai. I blog hi lo update zel teh khai ka tlawh ve fo a nia.
ReplyDelete@triplestar: Tunlai chu misual.com lama post atana ka iai deuh ho, thu fahrah te te hmangin ka blog ka update ve zel anih hi. Tlawmngaih chhuaha min lo chhiar sak thin avangin ka lawm khawp mai. I lo chhiar zel dawn nia aw.
ReplyDeleteTeh reng mai, hei tunah pawh ka rawn luh leh khut khut tawh hi :-)
ReplyDeleteNangma private personel individual blog a lawm i duh duh ziak la dah rawh, tu ma sawisel theih a ni hlei nem, mahse photo lam te hi dah tam thei la, en vel mai mai te hia nuam thin a he he
Blog hi siam ve ka lo tum tawh thin a, mahse tun thlengin ka la puitlin thei lo, ka siam ve hunah chuan a ho teh ang chu aw...
@Triplestar: Blog hi i nei ve tho chu a ni lo maw? Mahse i blog ah ka lut thei miah lo. I block tlat anih hmel. Han open la, ka rawn lut chak a nia.
ReplyDeleteka tum rilru ve fuih fuih tawh a nia, ka thiamna leh theihna in a la tlin chiah lo deuh a, ka siam hun chuan ka open hle ang..
ReplyDelete***
@Anonymous: Blog chu siam rawh, ka rawn lut tlut tlut thin dawn nia.
ReplyDeleteThis is a fascinating post! Keep going.
ReplyDelete