Mizo lengzem hla thenkhat lyrics

Mizo lengzem hla thenkhat ka lo tuipui em em thinte

                  Kan rawlthar chhuah chhoh hlim khan zai kan uar hle hle a, zantir atangin zan rei tak tak thlenga zai kan ching thin. Khang hunlaia kan hlasak thinte kha a tam zawk chu ka hrechhuak zo tawh lo. A thunawn takngial pawh sak chhuah zawh loh ka nei nual tawh a, thenkhat phei chu ka hrechhuak zo tawh lo hrim hrim bawk. Ka hlathu hriat ang ang te hi awmkhawhar hnema hmang duhte kan awm takah tiin ka han ziak chhuak a. A hlathu ka hriat dik loh pawh a tam hlein ka ring. Thianza hova chhawrthla eng lawma kan zai thin lai khan hla phuahtu lam rilruah a lan loh vang pawh a ni mahna, ka hla hriat ve chhun te hi a a phuahtu ka hre lo thei khawp mai.

                    Tihian Mizo Lyrics category ah dah ila, hman chang changin tlem tlemin dah belh keuh keuh ila, nakinah chuan tam tak a la tling khawm ve thei mai turah ngai ang; chumi hunah chuan lo tangkaipui tawkte pawh a la awm ve mahna......

Lyrics-a luhna chu: Mizo Lyrics

Heng hlathu te hi ka han dah thar chhin a, a tul danin kan la dah belh zel ang chu:

 1. Lenrual an kim ta lo
2. Zonunmawi
3. Thian ngaihawm
4. Thenni kawl eng 
5. Thang nunnem
6. Tawnmang lunglen
7. Tawnthar Di
8. Suihlunglen
9. Sakhmelmawi
10. Runmawi
11. Rinawmin aw Jasmine
12. Parmawi tin bawm
13. Nghilh bik suh la
14.Nghilh bik suh aw Rinpui
15. Ngaihzual nang nen
16. Mitthlain ka hmu che Ngaihzuali
17. Min hrilh rawh zanin ngeiah
18. La-i zun
19. Kar mah hla se
20. Kar a hla Di Bawihte
21.Kan va ngai dawn em
22. Ka zawng zel che
23. Ka tawng ta che
24. Inthen zai i rel lawng
25. I rau i thla tal rawn tir rawh
25. Fam chan hma chuan
26. Duhlai i Diin e
27. Ding rih la hlimlaini
28. Di Chambawihpuii
29. Damtakin mangtha le
30.Chhawrthlapui
31.  Chhaktiang Chhawkhleipari
32. Annem Vala
33. An lungleng ve ngei ang
34. Nemte'n ka chawi ang che
35. A rei ta e
36. A rem tawh lul lo
37. A zual chuang em ni


          A chunga hlathu (lyrics) tlemte ka dah te khi, a phuahtu, a phuah ni/kum te, a satu emaw ziak tur i hria anih chuan, a hla khi click la, a hnuaia comment box ah min ziak sak thei hram anih chuan ka lawm hle ang. A chepakai atanga chhui chhuaka i hrilhfiah thei anih phei chuan a lawmawm lehzual ngei ang a. Correct ngai lai i correct thei anih phei chuan 'most welcome'.....

A rei ta e.......

               Chhawrthla en zan pawh nise, thlamang zan pawh nise, thianza hovin pawn bathlarah tingtang kan kuah a, kan hla hriat ve chhun ang ang te kan sak ho dual dual thin lai te kha, a kum ang zawnga chhiar chuan a rei ve leh ta hle mai. La upa lo nia kan inngaih laiin kan hmelin kan kum a rawn tarlang a, thup tumin awmzia a nei lem lo. Rinloh karin hun leh kumte a liam zut zut a, naupang tetakte te emaw kan tihte pawh an lo puitling ta der mai.Kan inhmuh naupan ai hian mite hian min lo hmu tar hle tawh dawn a lo nih hi. Rilru erawh a la upa tak tak thei si lo. Khawi ilo kalna leh lawiluhna lam apiangah 'inpu' kan hlawh chho tan ve ta reng mai. Tuk-zana damlai chena ni kan hman liam zut zut kha, tunah zet chuan fim karin kan chhui let ta nuap nuap mai a nih hi.

Lenrual an kim ta lo

Lenrual an kim ta lo

(Phuahtu: Zirsangzela Hnamte)

Lam ang ka lo let leh ta e Vala
Min lo hmuak dawn lawm ni chhuahtlang a'n
In sakhmel vaiin ka hawi ruai e
Khawnge maw in awm lenrualte u

    Dawn a sei lenrual an kim ta lo
    Ngai ve maw lungruala lenlaini
    Mittui nen ka fang in run chul hnu
    Tleidang leng te'n zaiin lo sa e

Aw khawnge in awm ka lenrualte
Mahriak te'n engah min lo siam le
Chham ang in zalna laikhum tal hi
In hlan lo em ni ka tan biahthu

Chungmu ianga thlawkin hrut vel i
Vangkhawpui kan suli hnu zawng te
Mahse lunglen mittui bual chung hian
Thangvansang kai zawh ka zuam si lo

Zonun mawi

Zonun mawi

Lenrualte u i dawn chiang ang u kan nun hi
Kan pi leh pu nundan mawi kan chhawm kha
Tlawmngaihna hlu rinawmna leh
Thudik tana huaisenna te'n
Tunah mual liam tumin phurhhlan an siam tak hi

Zonun, aw, zonun mawi
Tap tapin ka au ding si loaw
Zonu aw nun mawi
Liam lovin la cham rih hram rawh aw.


Tunge dik lo tia zawng buai mai mai lovin
Keimahni theiuh inenfiah zawk ila
Kan zonun mawi kan hnam pangpar
Kan ram riangte timawitu kha
Kan tlangram mawiah hian i vultir leh ang aw

A zonun mawi par ang chul tur lo vul leh la
Nang leh kei hi kan pawimawh ber si a
Mizo nih mai hi a tawk lo
I ram hmangaih mai a tawk lo
I nuanah zonunmawi in tarchhuak ngei rawh se.

Thian ngaihawm

Thian ngaihawm

Suihlunglen tinkim dawna han thlirin
Lenrual hlui ngaihlai a zual
Aw engah khuahmuna kan lenlai khan
Am te'n hlimzai kan lo rel loh le

Kumsul lo vei changin lunglen tho leh thin
Lenrual lungduh zawngte kha
Ngaiin ka au zel dawn
Famdairial ka chan hma loh zawng

Kha leh chen suihlungruala lenlai khan
Kan ngai bil nem thaleng dang pawh
Yuanna tlang lo dangin kar mah hla se
Anka hlanin ngaihlai kan bang lawng

Tunah zawng khuahmunah leng lehin e
Kan ngai nunhlui liam hnu chhui letin
Thinlaiah nghilhni awm lo thian ngaihawm
Am te'n hlimzai i rel leh ang aw.

A dam hauh zel ila chungkhuanu leng zarah
Thian ngaihawm hmatiang hun thlirin
Kan nun kalsiam her zel tur
Phang lo te'n i thlir leh ang aw.

Thenni kawl eng

Thenni kawl eng

Biahthu hrilh nan tiin ennawm run kawn lawi a
Rinloh kar i chinlai unau te'n
Chhingmit lenin min tawng sial ang kan inzui lai
An lunglai lo hrang e

Nang ngaia ka tah nan reng hian maw luahloh Di
Thenni kawl a lo eng kan tawn ah.

In run lam haw turin maw pheilai i vawr a
Mahse chunnu lunglian hrang chuan e
Ka hraichawi i nih chhung chuan i chhailaival chu
Ka thlaw'ng lo ti e

Kei min Di lo turin i zuapan a thlem chia
Chutin ngaih lung min hersan ta a
Tunah lungchhirin min au tawh lo la kei zawng
Mi pawmlai ka nia sin

Tuahtirh Di samang then meuh erawh a har thin
Chhuihthangval pawh tui ang kan nem e
Mahse lengdang tang belin kei zawng ka liam ta
Nghilh zel nang sul nunhlui

Thang nunnem

Thang nunnem


A na e mahriak lunglen
A mi zaleng hei zawng zingah
Nemte damni awm lo
I tawnah ka suihlunglen

Dawn thiam a har thinlai a phang leh thin
Samang then ka zuam lul lo che Thangnunnem
Ka tawnah nem leh la
Hlim ten khuanu zarah i leng leh ang aw

Chhingmit hawngin thlir vel teh
Lungduh zaleng hei zawng zingah
Thinlai hnemtu tawng lo hian
Tlaini ka leng leh thin

Duhthua ia ang sam changin
Vul reng la ka tawnan maw
Lungrual te'n nuihzai vawrin
Hlim te'n i leng ang aw.

Tawnmang lunglen

Tawnmang lunglen

Zantiang ka tawnmang a’n ka lo tawng che asin
Mual tina leng dunin then zai eng kan rel lo
Duhthu ai ang sam a runhmun len rel lai chuan
Bawhar zai tin thiaman tawnmang sei a lo ti


Sakhmel ainawn par iang ka tan vul ve la aw
Hlim te’n leng dun ila
Hmangaihna par vullai han thliak la ka tan hian
Ka lawm a kim ngei ang

Nunhlui dawn kir changing suihlung zawng a leng thin
Lenrual zaleng zingah a then an kiu vawng vawng
Kei zawng ka ngai bang lawng ka tawnmang liam ta kha
Koh kir theih chang hian an mawi tawh si lo

Kumpuisul lo vei in parting vul an chuai thin
Chutin lei hringnun pawh uai in a chul dawn si
Ka tawnmang mawlte kha hunin a liampui ta
Duhaisam te pawh hian chin lem a nei dawn lo

Tawn thar Di

Tawn thar Di

(Phuahtu: Ch. Malsawma)

Hun kha leh chen kha ka lo nghak che
Tunah dar ang ka tawng t ache
Saron par iangin I vul si a
Sirah chuan min hnawl lul suh aw

Leng dang te chuan sum an hmachhuan a
Kei zawng chuan tur ka vai lua e
Ka hmangaihna chauh lo chu Bawihpui
Kei zawng ka nei ve lo Parte

Mahse kei zawng lung ka mawl em a
Tawn thar Di awm maw I zunngai hi
Tawn changing sawi tur ka vai leh si
Aw engtin lo ngai ve ang maw

Theih chang se kan runlum nuthai a’n
Fanau maltluan chawi za ila
Chhin zawh rualloh I sakhmelmawi hi
Kumtluang te’n run mawi vet eh la

Suihlunglen

Suihlunglen

Tuar thiam a har ka suihlunglen
Hmangaih par lawm a rei lo em
Engtin lo tuar i maw lunglen
Aw a na, tuanna tlang a dang tawnni awm si lo
Ngaiin ka au che, mahse dar ang tawn nan kar a hla
Nikhumchhingpa val lungleng iang hian e
Nang ngai reng hian
Nghak nileng iangin nau ang ka lo tap.

Kumtluangpar ang vul zel la
Hawilopar thliak la thaleng dang zawng tan
Awmhar nau ang tahlai ka bang nang e
Rinawmin lo awm la, dam te'n tawnni a her leh ang a
Biahzai tluang te'n hrilh dunin
Lendun zai i rel ve tawh ang
Aw, Lenghermawii, min han ngai ve che maw.

A thar zel thin nang ngaihlai hi
Hmangaih nunnem Thasensiari
Chohar thuva ianga nunnem leh nuimawi
Hlim thing ang sirah ka bel
Zawlthar di lenmawi ka suihlunglen a cham in runah
Rengvakul biahzai relin zarvaleng a sawm e
Chhiar hian kei ka sawm tleitiri khiangawi ah

Chungmu iang lenthiam ila aw
Ka chuan ngei ang in run sumtual
Huiva iangin hram thiam ila
Zoawitu sangthing lerah ka au nang che
Riakmawva lengin maw zankhua lo tlai kai nan run a vai
Thingtin tanglai a dil iangin
Chunnunnem aiah va dil ve la
Anka tui ang dam min hawn rawh

Sakhmel mawi

Sakhmel mawi

Suihlunglen zual changin ka thlir vel kan chhuahtlang
Thal romei a zam chiai e chhemdam thli nen
Thal romei a zam kai chiai e
Lung min len zual thin tlaini ka leng zo lo

Rose par rimtui min thliah la
Hmangiahna rose par rimtui
Suihlung damnan e
Min hlan la sakhmel mawi

Tawnmang lamah chuan e kan lengdun a
A thianga thutin hlanin lenlai kan chen
Mahse hai ang thanga hawi velin
Nang ngaih vang hian e lLuaithli ka nul leh thin

Chutin sakhmelmawite duhai ka sam thin a
Kumtluanga buan ang pawmin runhmun nuamah
Fanau maltluan chawi dun turin
Kumtluang atan e, nuthai chang mai teh la

Runmawi

Runmawi

Zankhua a lo talai hiani
kai nan runsang kan mawi
Suihlungrual za a lengin
Hlimzai kan vawr thin

Leng zawngte kimna ber runmawi
Lanu chhuihthangval rual kan lawina

Tudang lengdang kan ngai lo
Rimawi tingtang nen
Khawilam tuan zai rello hian
Lunglen thu hrilh za e

Engdang dawn lo reng hian e
Chawltuining zu ruia
Han belh changni te hian e
Anka nem te'n min chhawn

Kan lawina run hmingtha hluan
Kan chawi nag che runmawi
Chungkhuanu leng hual zelin
Kumtluang run mawi teh la

Tunah hlimin leng mah ila
Thenni a her thuai ang
Tlangtin mualtina lengin
Ngaihlai i vawr dun ang

Rinawmin aw Jasmine

Rinawmin aw Jasmine

Suihlung kan ruallaia
Tuanna tlang danga kan leng tur hi
Ka ngaithiam lo
Mahse khuanu zarah dam te'n leng zel la
Ngai chung zelin Mangtha

Ka va'n ngai dawn che em Hmangaih Jasmine
I bahsam leng siau nuimawi nen
Buanang kan pawmlai za ngaihlai bang lo tur
Mahse i tuan a tul si maw
Dar ang kan tawng leha runhmun len ve nan
Rinawmin aw Jasmine

I chun leh zua lunglawm ka tlin loh vang nge
Tlang dang tuan tura an tirh che
Mahse kan tiam tawhsa hmangaihna rinawm
Vawng zel ang aw Jasmine

I pian a tlai hleihluan runhmun leng tur chuan
A rem hrih lo a rem mawlh lo
Kum leh thar nghak zelin hmatiang hun thlirin
Rinawmin aw Jasmine

Parmawitin bawm

Parmawitin bawm

Parmawitin bawm damna zolur ah
Chhemdam thli hiau karah
Lungrualkim te'n perhkhuang tingtang nen
Hlimte'n zai kan vawrna

Damna tlang khan thuammawi kan lenna
No nghial hnahsin vu chiai
A khua mawina tur nihawi par nen
Zobawm nauban par nen

Dar ang lenna tlaitla eng ruai leh Zo phul di hmun cham del
Khuavel hawi hian thingte zing riai leh
Rangkham senthang bawm nen

Nghilh bik suh la

Nghilh bik suh la

Nunhlui zawng dawn la rairah riang ka tawn ah
Biahthu nem te'n min tiam lai kha
Mahse partlanin tleidang tawnah i nghilh si
Tuar ka thiam lo a riang te hian

Aw le, tleidang chu hel ta la
Tum tawk leng chu ka vai bil lo
Mahse aw mi u, biahthu kha zawng min tiam kha
Nghilh bik suh la kumtluangin

Nunhlui zawng ngaiin chhawrthla eng hnuai ah
Lawm lo te'n ka tap leh thin
Min han dawn hian kei zawng ka ring si lo
Nghilhni reng i awm dawn lo.

Nghilh bik suh aw Rinpui

Nghilh bik suh aw Rinpui

Sulhnu chhui leh nunhlui ngaih zawng
Awmkhua a va har lua e
Ka ngai em che, ka ngai vawng vawng che
Ngaihzual ka ngai em a che

Engvang nge maw nang nen kan intawn
Nghilhni reng i awm si lo
Laikhum zala tlaikhua kan var lai
Nghilh bik suh aw Rinpui

Hmangaih bianga kan fawh dun lai khan
Ka dawn ngai sam ang then
Lungchim tea biahthu hlan lai te
Han dawn ve ang che aw.

Bawihte engdang vang mah a ni lo
Ka tling zo lo a ni e
Suihlung chhirin lo kir bik lo la
I tan ka rem tawh lo ve.

Ngaihzual nag nen

Ngaihzual nag nen 

(Phuahtu: Ellis Saidenga)

Awmhar chang ni hian ka hawi vel tlang tin
Khawian nge suihlung min lentu Di
Tawn leh ni her se, suihlunglen biahthu
Hrilh ka nuam ngei e, Ngaihzual, nang nen


Lenna khua hmun lo kar mah hla se la
Aw, Ngaihzuali
Thinlai lungruk ah duhai sam changing
Len ka nuam ngei e, Ngaihzual, nang nen

Nang tawnloh nan kumtluang a sei tur leh
Riakmaw iang ka tahna sei reng hi
Thinlai lungruka ka ka dawn chang ni hian
Hlimlai ni par ang a chuai kei zawng

A rang vaiin khua tin fang mah ila
Ka tawng lawng nang nag lung min len hi
Tanglaiah duh te’n buan ang pawm ve in
Nui dun ang hlim te’n, Ngaihzual, nang nen

Mitthlain ka hmu che Ngaihzuali

Mitthlain ka hmu che Ngaihzuali 

(Phuahtu: Lalzova)

Mitthlain ka hmu che Ngaihzuali
Lenna tlangte chu dang rih mahse
Hmana kan nun hlui zawng zamual liam hnu
Mitthlain ka hmu che Ngaihzuali

Thal favang lenkawl ka han thlir a
Rauthla nge I ruang buan ang pawm lai
Kan sul I hnu tiangan a rang a vai
Mitthlain ka hmu che Ngaihzuali

Ka nghilh lawng ni rei kumkhua pawhin
Tlai nitla eng ramthliah hnuchhawl a’n
Suihlung rual nau ang kan chawi lai ni zawng
Mitthlain ka hmu che Ngaihzuali

Nangmah ngaiin tawnloh ni hnuai an
Chhawl ang ka uai ruai e Ngaihzuali
Sakhmel tawnloh par ang I vul tur chu
Mitthlain ka hmu che Ngaihzuali

Min hrilh rawh zanin ngeiah

Min hrilh rawh zanin ngeiah

Hun hei leh chen hi i sulhnu zuiin
Biahthudi sawini tam rengah
Engtik nge nang nen biahthu di kan hrilh
Nem te'n min chhan ve tak ang le

A fal te'n kan intawng leh tawh lawh lawng e
Zzan a rei khua a tlai ta e
Ka hrilh tam ta che i tawngkam nghakin
Aw min hrilh rawh zanin ngeiah

Engtikah nge maw kei ka lawm nan reng
Ka lam hawia anka nemin
Biahthu di dam te'n hlan ve zai rel a
I lunglen thu min hrilh dawn le

Mahriaka lunglen tuar ka zuam nem maw
Lung ka mawl tinkim dawn niin
I suihlung rukah i duhleng thlang la
Tumtawk helin ka liamn tang e.

La-i zun

La-i zun

Ami iangin hrilh thiam lo mahi
Hrilh nang e La-i zunleng ngaih hi
Kawlvalenchham karah leng mah la
A cham reng thinlaiah i rauthla

Mualzapui i liamni khan e lungrun
Vangkhua zawng a ngui ruai asin
Zatlangrel thang pawh dawn lo hian
I ngaiin lunglen zai ka lo sa

Lamtluang thuiin kar a hla lua e
Biahthu di hlan chhung ni a rei thin
Tiang hi maw lo ni zun ngaih lunglen
I ngai hian zanmu reng ka chhing lo

Khuanu zarah tawnni her thuai se
Chutin nang nen hlim te'n lengdunin
hrilh anng e tawn loh kar lunglen thu
Duhthu leng sam zawng a kim ngei ang.

I sakhmel sensiar vullai ni leh
Leng zawng zingah nem chuang i anka
Nghilhni i awm dawn lo ka tan hian
Lairilah ai ang i cham reng e

Kar mah hla se

Kar mah hla se

Ka thinlaiah a thar leh thin
Khuarei tinkim ka dawn changing
I dawn thin em kan nunhlui kha
Tunah erawh lengdang tawn ah
Thlangkhuandim in zamual I liam ta si


Kar mah hla se dam takin aw
Khuarei hian min la hnem ngei ang
Mahse I rauthla tal nghakin
Hun leh kumte ka lo hmang liam tang e

Damtakin aw mual chu liam la
I tum ngei chu buan ang pawmin
Chungkhuanu hualin leng ula
Mahse ka hmangaihna che hi
Nghilh bik lo la, aw, fam I chan hma chuan

Kar a hla Di Bawihte

          Kar a hla Di Bawihte 

     (Phuahtu: C. Lalrinmawia )

   A saw raltiang Leitlangpui tual nuam ah sawn e,
   Tleitir dawn thar tuaite a leng an ti;
   Theih chang se thuva nunnem len thiam tir in,
   Thaikawi bawngte palai va hlan ang hmiang.


        Za lam liam tluang phei aw a thui vawng vawng,
        Thaikawi biahthu hlan nan chuan in e;
        Khuarei turnipui lenkawl a liampui leh si
        Kar a hla Di Bawihte, aw ka lung a leng vawng vawng.

   Zantiang daifim chhawrthla eng no riai hnuai ah hian
   Ka han thlir aw ka lung a leng vawng vawng
   Aw dam te’n zan mu lo va chhing ta la,
   Tawnmang lamah tal intawng ang aw.

   Zobawm siahthing par ang lo vul siu siau ve
   Kei ka dawn thar tuaite bahsam thlah mawi
   An iang zo nem maw ka tawnah hian e
   Thuva siahthing zar awi lo iang e.

Kan va ngai dawn em

Kan va ngai dawn em

Suihlunglen tinkim ka han dawn a
Hlimtea kan lenlai ni zawngte
Tawnmang mai an chang tur hi
Kan va ngai dawn em

Lawmlai kha, lenlaini zawng
Hlimlai ni te, kan va ngai dawn em.

Aw khawnge lenrual hlui zawngte kha
Suihlungruala leng lungduh zawng te
Min dawn ve hian ka ring thin
Lungduh zawng te khan

Suihlungruala leng lungduhte nen
Engtikah tawnni her leh ang maw
Damte'n tawnni her leh se
Chungkhuanu zarah

Ka zawng zel che

Ka zawng zel che 

(Phuahtu: Biakthansanga Sailo)

Tinkim dawn chang ni hian lungrun
Nang nen suihlung ruala lenlai
Sam ang then nan lam ang hla e
Ka dawn hian lung a awi thei lo


Chhimhlei pialah ka zawng zel che
Mahse tawnni reng awm si lo
Thinlai a na ka tuar zo lo
Mah te’n lunglen ka tuar zo lo

Zan khua lo ngui, sumtual lo dai
Chhaka’n mawi te’n chhawrthla lo chhuak
Min ngaih tir e kan nunhlui zawng
Nang nen hlim te’n kan lenlai ni

Leitlang vangkhua a zau thlawn e
Zaleng zawng te sial ang an ngir
Mahse min hnem thiam awm si lo
Mahte’n ka vai e chhingkhual run ah.

Ka tawng ta che

Ka tawng ta che

Ka thinlai na a dam ve nan
I tawnah ka hmangaihna ka hlan che ang a
Min lo chhang la nem te'n hmangaihna in
Thinlai na hi a dam ngei ang
Eng chen nge maw suihlung leng tur hian
Min siam dawn le i zun ngai hi
A na em nang ngaih ka tuar zo dawn lo

Ka nghilh loh tur ka tawng ta che
I dawn lungruk Bawihte min hrilh ve la
Mahriak chuan e ka tlei zo lo
Ka thinlai hnem rawh i hmangiahnain.

A zual chuang em ka suihlunglen
Ngaihlai a zual tawnloh ni rei hian
A pawi ber chu i tan ka tling lo hi
I dawnin engtin ngai che maw.
Hmangaih biahthu i tawnah ka hlan hi
Tawn leh ni chuan ka zawt che ang a
Engtin nge min chhan dawn le hmangaihna

Inthen zai i rel lawng

Inthen zai i rel lawng

 (Phuahtu: Ch. Malsawma)

Suihlunglen ka tuar ‘n
A na e aw, Bawihte
Lenna tlang dang a pawi em kan tawnah
Mitthla ah I cham reng


Dawn kirin hlimte a kan lenlai
Ngaihlai ni a zual thin
Run hmuna len kan tiam kha aw, Parte,
Inthen zai i rel lawng

Lenna tlang dang mahse
Lem ang der mai lo in
Dam tea tawh leh ni her thuai se
I hril ang suihlunglen

Tlei dang leng zawng te khan
An hlan ang che biahthu
Mahse aw, rinawmna kan tiam kha
I nghilh lawng kumtluangin

I rau i thla tal rawn tir rawh

I rau i thla tal rawn tir rawh

Thinlai ah a thar leh thin
Khawnge maw ka di ve kha
An sawi pialral famkhawpui tualah
Riahrun a rem an ti.

I kutchhuak i sulhnu te
Ka thlir bang dawn nem maw
Tunah van lal partlanin leng mah la
A cham reng i zun thinlaiah

Vanduai tahkhua sei tur hi
Han dawn ve la ngaih lungrun
I sakruang hring anka tawng lo mah ila
I rau i thla tal rawn tir rawh.

Fam chan hma chuan

Fam chan hma chuan

Hmangaihna rinawm chu Parte
I tan ka rawn hlan e
I dawn lungruk ngei chu kimte'n
Zaiin min hrilh ve rawh

Hrilhin sawithiam a har valmawi
Duhluat vang che em ni le
Kei ang ema hmangaihtu che
An awm lawng van hnuaiah

Hlimte'n i lengdun zel ang aw
Karah hmelma leng vel mahse
Kumtluang atan ka thlang tawh che
Fam chan hma chuan inthen lawng aw.

I chun leh zua hrang mahse
Runhmun lendun rel zel ang
Hmangaihna biahthu kan tiam kha
Nghilh thei reng hian ka mawi si lo.

Duhlai ka diin e

Duhlai ka diin e

Samang then thei che hian e ka mawi lul lo ka di
Ka ngai ngam lo ka han dawn vel hian
Kumtluangin aw nang nen ka lo tih mek laiin
Then nan biahthu chhiar mai i lo nuam leh ta si

Ka zuam lul lo ka di, samang then leh mai zawng
Han dawn ve la hlim te'n lungrukah
I ngai ngam bik em ni ka ring mawlh lo kei zawng
Kumtluang atan biahthu rinawm i hlan zawk ang

Duhlai i Diin e samang a lo then chia
Chutin luaithli i lo nul reng maw
Tunah kan intawng a, kan lo indi leh ta
Mahse i zuam lo maw i thinlai luah leh chu

Ka dem lo che ka Di ka tawng ve tawh asin
Di ngaih luaithli nul zawng a na asin
Chutin duhlai ka di sam ang kan inthen chuan
Suihlunglengin an fam tiin tlangthan kan mawi

Ding rih la hlimlai ni

Ding rih la hlimlai ni

Hun leh ni te an herliam zel
Thaltu ianga ka nghah hlimni
Hmangaih lenrual lungduh zawngte
Hlim leh lawma kan len hun tur
Dawnin zanmu ka chhing thei lo

Chungkhuanu malsawmna zarah
Dam te'n kan tawng leh ta hlimni
Leng zawngte hian kan au a che
Ding rih turin aw hlimlaini

Kan chantawka khuanu lengin
A rel ve chu i vui lawng aw
Chntawkah lungawi thiam ila
Ral leh mai tur hringnun kan chan
Damlai pialral i chantir ang

A tawp berna tan chuan hei hi
vawng reng ang u lenrual te u
Hmangaihna insuihkhawmin
Lawmte lawmpui, tuarte tuarpuiin
Lungngaihni leh hlimni zawng te'n.

Di Chambawihpuii

Di Chambawihpui

Tinkim dawn chang ni hian lungrukah
Thinlai khamtu leng tleitiri
Hmangaih biahthu nem te’n hlan ka nuam


Mahse biahzai nem te’n min chhang mai se maw
Sir ah min hnawl ka hlau leh si
A riang lunglawm ve nan maw biahthu di min hlan mai se maw
Aw Di Chambawihpuii’n

I sakhmel mawi ka thinlai khamtu
A riang lung mawl ka tan reng hian e
An lo chawi che I chun leh zua te’n

Luahloh Di zuna uai reng ai chuan
Fam changing pialral run rem ila
A nem mahna fam run nghah hun chuan

Damtakin mangtha le

Damtakin mangtha le 

(Phuahtu: Valzotea)

Awmkhawhar chang hian ka dawn thin hringnun hi
Tuarthiam zawng a har ngei, chhailai Di vaih reng zawng
Ka hellai mi u, a rem ve mai lo maw
A thianga lendun hi


Lenlai ni chena, hlimte a len ve hi
Ka nuam ngei nang nen
Mahse a rem si lo

Zan mu chin reng hi a har thin nang vang hian
Duhai sam thamral mai tur dawn chung zel hian e
Ni ka leng leh thin, hrilh ka hai sei thlawn e
Aw min dawn ve si lo

Eng dang vang a ni lo Lungrunpui I tan hian
Ka tling zo lo a ni, dam takin Mangtha le
I duhlai tleitir leng chu pawm ta la aw
Dam te in leng nang che

Chhawrthlapui

Chhawrthlapui

Zankhua tlaiin nungcha zawng te
An run an bel siang an lawina
Chhawrthla erawh zanan'n riahrun chhamin
Kai nan vanzawl a rawn bel e

Chungmu iangin len thiam ila
Aw, theih chang ve se
Thlawkin ka leng ang thangvan ah
Theihtawka lungrualpui vein
Theihtawka lungrualpui vein
Ka hnem ngei ang a lunglai chu

Chun chawi loh hrai riangte ang a
A lo seilenna run thangvan
Mahte'n a nghak lumpuitu an awm lo
A riang chuang ngei chhawrthla khi

A sakhmel ngui ri riai khi aw
Fam zun ngaih nge tuar har i zunzam
Chorual loh doral a hrang em ni
Zawt mah ila chhanzai a rel lo

Chhaktiang Chhawkhleipari

Chhaktiang Chhawkhleipari

(Phuahtu: H. Lalringa)

Tlang zamualpui ka liam thei dawn lo
Ngaihlai tleitiri zun leng ngaiin
Ngaihlungrun chawnban ka vuan ang che
Luaithli nul sam ang min then ni hian


Dam takin aw chhaktiang Chhawkhleipari
Tawn leh ni awm ang maw lungrun
Suihlunglen biahthu ka hrilh ngam lo
Luaithli nul sam ang min then ni hian

Chhawrthlapui eng ruai khi ka tan chuan
Sul ang tum loh Di zun a uaina
Kumtluanga nang then hi ka zuam lo
Thinlai hnemtu mi U, dawn ve rawh

Thlangkhuan pawh dim mah la ka lung Di
Chhawrthlapui en changing dawn ve rawh
I hlimthla te mai maw ka chan tawk
Nghilhni ka nei lawng che kumtluangin

Annem Vala

Annem Vala

Chhuihthangvala'n lunglen zaiin
Ka hril nang e O Dy
I zun leng ngai ka tlei thei lo
Annem Vala

O Dy, i ngai hianin maw
Thinlai a hnim ruai e
Annem Vala'n lunglen mahte'n
Ka tuar zo lo

Lungruk tein runthim hnauiah
Mahte'n ka hrilh lunglen hi
Min ngai ve hian ka ring si lo
Annem Val hi

Kei zawng lunglen zaitin vawrin
Rimawi tingtang bel tang e
I zun ngaia luaithli nul hi
Ka bang dawn lo.

An lungleng ve ngei ang

An lungleng ve ngei ang

Phuahtu: R. Vanrammawia

Awmkhawhar changin ka dawn vel thin a,
He hring nun par ang vullai nite.
Mual min liam san thin kan hlimni ten-
Hmanlai an chang zo, nghilh a har ngei.

Lenrual duhte nen hlim te in,
Zaitin kan vawr lai kha.
Ka ngai thin e thiante kha,
Kan lenna a dang zo ta si
Min han hriatchhuah changin,
Kan nun dan thin an dawn kir ve anga,
An lung a leng ve ngei ang.

Han hawi vel hianin tlang tin dam diai,
Thal romei zing riai lenkawl eng leh;
Chhem dam thlifim leh thinghnah nem ten,
Nungcha hram thiam ten min ngaih tir thin.

Nem ten ka chawi nang che

Nem te'n ka chawi nang che

Kawp te'n nang nena lungruala lenlai
A rei lo em hlimlai ni
Nghilhni a awm dawn lo aw kan lenlaini leh
Anka nem zawngte nen

     I dawn ve thin em nang nena kan lenlaini te
     Chuai maian ka phal theilo
     Eng dang ka dawn thei lo aw ka di nang lo chu
     Vul leh la ka hma a'n

Uaia chul maian zawng ka phal lo
Lenlai i van ngaihawm em
Theihchan se kumtluangin nang nen lengdun ila
Engdang ka ngai lawng e

Tuanna tlang dang hi e Lalnunnem
Par ang lenlai titawitu
A rem ve mai lo maw nang nen runhmuna len
Nemte'n ka chawi nang che.

A rei ta e

A rei ta e

Thinlai na reng a dam ve nan
Hmangaih biahthu min hlan ve la
Chutin ka lei lawm a kim ang

Han dawn ve la hmanlai
Hlimtea kan lenlai ni
Tunah erawh zamual an liam zo ta
Tawnloh kar reng a rei ta e

Zantiang chhawrthla a lo en hian
Suihlung mu hnu a tho leh thin
Ka ngai mang e
Nunhlui zawng kha

Lenna tlangte a dang zo ta
Sakhmel tawnni her thei si lo
I hlimthla mai maw
Ka chantawk

A rem tawh lul lo

A rem tawh lul lo

Rairah riangin ka tum zo lul lo maw
Kha chen kha chhai Di an ka thlan
Di a rem lo maw
Dan rual awm lo, phat rual awm lo
I zun ngaih hi
Tuar thiam a har ngei, ka dawn thiam lo a ni.

Eng vang nge maw nang kher ka lo tawn che
Lung min hersan mai turan

Lunglai a dam lo i zun ngaih reng hi zawng
Lem ang der thiam val dang chhai a'n
Der i tum zel ang maw
Der zel ta la i lungtum val ngei chu
Kei zawng ka kiang nang, a rem tawh lul lo.

A zual chuang em ni

A zual chuang em ni (Phuahtu: Lalnunmawia)

Thal tui ang kan nghah kan kutpui ber Thal favang kut
Hlim leh lawma thlen a har ngei e
An kim ta si lo hmana lungduh lenrual zawng te
Lunglen mittui nen tuar a har awm e


Famdairial changing mual an liam a
A then dam chhung tuan tul in an leng si
Vala’n hlimten chen ve a har ka ti
A zual chuan gem ni ka suihlunglen

Ngai ve hian in mawi, ka dawn lungruk hi dawn ve u
Kutpui tawng thinin thenrual kan siam
Uangpui chang suh i, Di neih nan hial kan hmang bawk thin
Tawng leh mah ila, dawn a kim tawh lawng.